“Azərross” MTK-nın həmtəsisçisi Hümbət Məmmədovun Kürdəxanı İstintaq Təcridxanasından “Təzadlar”a şikayət ərizəsi göndərdi...
Qəzetimizin ötən sayında yuxarıda adı çəkilən Hümbət Məmmədovun redaksiyamıza göndərdiyi şikayətinə toxunmuşduq.
Hümbət Məmmədov bu dəfə 7 mart 2013-cü ildə müdafiəsindən imtina etdiyi vəkil Alov Səfərəliyevdən və vaxtilə yaxın adamı olmuş Əhliman Alıyev adlı şəxsdən Baş Prokuror Zakir Qaralova ünvanlı şikayət məktubunu göndərib. Biz qarşı tərəfin də mövqeyini dərc etməyə hazır olduğumuzu bəyan etməklə, aşağıda həmin şikayəti təqdim edirik.
Yeri gəlmişkən, Hümbət Məmmədov ötən şikayət məktubunda olduğu kimi, bu dəfə də yuxarıda adı çəkilən şəxslərin onun əmlakını ələ keçirməsini yazır... Bir daha təkrar edirik ki, bizim qəzet olaraq heç kimə qarşı qərəzimiz yoxdur, sadəcə, məqsədimiz tərəflərin məlum mülk qalmaqalında orta məxrəcə gəlməsinə müəyyən mənada şərait yaratmaqdır. Və qarşı tərəfin bütün iddialarına və fikirlərinə hörmətlə yanaşır, bizə təqdim edilən vacib sənəd və sübutları birgə araşdırmağa, orta məxrəci tapmağa hazırıq.
Beləliklə, Bakı İstintaq Təcridxanasında saxlanılan və Azərbaycan CM-nin bir sıra maddələri ilə təqsirləndirilən “Azərross-İK” MTK-nın 40 faiz payının sahibi Məmmədov Hümbət Asan oğlu Kürdəxanı İstintaq Təcridxanasından redaksiyamıza göndərdiyi şikayət məktubunda yazır:
Çox hörmətli Baş Prokuror cənab Zakir Qaralov!
Hörmətli redaksiya!
İlk əvvəl nəzərinizə çatdırmaq istəyirəm ki, hal-hazırda mənim hüquqlarımı müdafiə edən Azərbaycan Vəkillər Kollegiyasının üzvü, vəkil Ramiz Zeynalov əvvəllər hüquqlarımı müdafiə edən, hal-hazırda tərəfimdən kənarlaşdırılan vəkil Səfərəliyev Alov Məhəmmədəli oğlunun mənə qarşı dələduzluq etdiyini ifşa edəndən sonra Ramiz Zeynalov haqqında bəzi məlumatlar mətbuatda dərc olunmuşdur.
Bildirirəm ki, keçmiş vəkilim A.Səfərəliyev məndən 180 min manat pul alaraq guya həbs qoyulmuş əmlakımın üzərindən həbsi götürəcəyi barədə vəd vermişdi. Lakin mən cinayət işi ilə tanış olan zaman məlum olmuşdur ki, o, yalan deyir... Sonradan yeni vəkilim R.Zeynalov həmin məbləği ailəmə qaytartdırmışdır. Həmçinin mən həbs olunandan sonra evimdən götürülmüş 2 ədəd tüfəng, iki ədəd mobil telefon, bir ədəd komputer mənim etibarnaməm əsasında və sizin ünvanınıza imzaladığım ərizəm əsasında Ramiz Zeynalov tərəfindən mənim yazılı göstərişim əsasında götürülmüş, həmin pullar isə aramızda akt bağlayaraq mənim borclu olduğum şaxslərə verilmişdir.
Ramiz Zeynalov hətta mənim həyat yoldaşım Məmmədova Manananın üzünü belə görməyib, tanış deyillər. Mənim göstərişim əsasında oğlum mənə məxsus sim nömrəmi 2000 manata satdıraraq mənim göstərişimlə Ramiz Zeynalova verilmişdir. Həmin pulun 500 manatını oğluma vermiş, qalanını özümdə saxlamışdım.
Hazırda mətbuatda dərc olunan bütün bu yazılar mənim keçmiş vəkilim Səfərəliyev Alov tərəfindən qurulmuşdur. Həyat yoldaşım S.Alovun və A.Əhlimanın təsiri altına düşərək, məcburiyyətindən belə hərəkətlərə yol vermişdir. Hal-hazırda R.Zeynalov məni pulsuz müdafiə edir.
Mənim başqa mülki işlərdə hüquqlarımı müdafiə etmək üçün R.Zeynalova baş etibarnamə vermişəm, o, bu etibarnamə əsasında hərəkət edir. Mən həyat yoldaşımın bu düşünülməmiş hərəkətinə görə ondan üzr də istədim.
Səfərəliyev Alovun və Alıyev Əhlimanın təhriki ilə təşkil edilən bu yazışmalarda əsl məqsəd R.Zeynalovu mənim işimdən kənarlaşdırmaq, hər bir vasitələrə əl ataraq İbrahim İbrahimovla, Aslan İsmayılovla birgə dəstə yaradaraq, mənə ömürlük cəza verdirməkdir. Məqsəd isə həm də budur ki, bundan sonra “Avesta” Şirkətinin prezidenti olan hacı İbrahim İbrahimov mənə olan 12 milyon manat borcunu verməsin. Bundan əlavə, vəkil Alov Səfərəliyev və Əhliman Alıyev isə həyat yoldaşım Məmmədova Manananın birgə nikah dövründə mənim pulumla alınmış torpaq sahələrimin və əmlaklarımın Məmmədova Manananın təcrübəsizliyindən istifadə edərək qanunsuzluq edərək mənimsəməyə nail olsunlar. Onların bu çirkin işlərinin və əməllərinin isə qarşısında bir sədd olan vəkilim Ramiz Zeynalovdur və onlar da onu mənim hüquqlarımı müdafiə etməkdən kənarlaşdırmaq istəyirlər, bunun üçün də əlverişli şərait yaratmaq istəyirlər.
Möhtərəm Baş prokuror!
Nəzərinizə çatdırıram ki, mən 14.07.2011-ci ildə həbs olunmuşam, hal-hazırda Bakı şəhəri Ağır Cinayətlər Məhkəməsində hakim Eldar Mikayılovun sədrliyi ilə məhkəmə prosesim gedir. Mən həbs olunandan sonra həyat yoldaşım Məmmədova Manana Camal qızının adına rəsmiləşdirilmiş, birgə nikah dövründə mənim pulumla alınmış torpaq sahələri və əmlaklarım üzərinə 26.09.2011-ci il tarixli Binəqədi rayon Məhkəməsinin 5(001)-42-2011, 5(001)-43- 2011, 5(001)-44-2011, 5(001)-45-2011 saylı, həmin tarixdə Nərimanov r-n Məhkəməsinin 5)001)-154- 2011 saylı qərarları ilə həbs qoyulmuşdur. Mənim vəkilim Səfərəliyev Alov Məhəmmədəli oğlu və Alıyev Əhliman adlı şəxs isə mənim etibarımdan, həyat yoldaşımın təcrübəsizliyindən istifadə edərək, mən həbsdə ola-ola, xəbərim olmadan 22.11.2011-ci il tarixli Nərimanov payon Məhkəməsinin 2(005)-4140- 2011 saylı qərarı ilə bizim nikahımızın pozulması haqqında saxta qətnamə çıxartdırmışlar... \ tezadlar \
(Davamı var)
