В«BAZARSTOREВ» MARKETLƏR ŞƏBƏKƏSİNİN MÖHTƏŞƏM В«SUPER KARTВ» FIRILDAĞI
DİA.AZ: - В«Azersun HoldinqВ»in bu gün ölkədə ərzaq isğehsalında lider olması faktdır. Təbii ki, bu liderlik həm də qeyri-təbii inhisarçılığa nədən olub. Və bunun arxasında heç də bu holdinqə rəhbərlik edən Abdolbari Goozalın əlahiddə ticari məharəti yox, administrativ rıçaqların yaratdığı şərait dayanmaqdadır.
Elə bunu zaman-zaman və dolayı yollarla Goozalın özü də etiraf edib. Məsələn, bir neçə il əvəl yerli mətbuatda yer alan yazıların birində vurğulanırdı ki, Abdolbari Goozal Azərbaycana gəldiyi zaman cəmi 2 milyon dollar olduğunu, sonradan isə bu varidatını 12 milyarda çatdırdığını hətta В«Azersun HoldinqВ»də çalışan Azərbaycan vətəndaşı olan şəxslərin də yanında etiraf edib.
İndi isə bu holdinq günü gündən çiçəklənməkdə, biznes dairəsini genişləndirməkdədir. Və son zamanlar ərzaq satışı bazarında В«BazarStoreВ» şəbəkəsi ilə meydan sulayan В«Azersun HoldinqВ»in bu dükanlar şəbəkəsi ilə bağlı DİA.AZ olaraq nəzərlərimizi cəlb edən bir sıra məqamlar oldu ki, onu da oxucularımızla paylaşmaq fikrinə düşdük.
В«BazarStoreВ»nin reklamlarında iddia olunur ki, bu marketlər şəbəkəsi istehlakçılara ucuz məhsullar təklif edir. Amma DİA.AZ-ın apardığı araşdırmalar da təsdiqləyir ki, ilk əvvəl həqiqətən də aşağı qiymətə təklif olunan xeyli sayda mallar tədrici olaraq bahalaşdırılmaqdadır və bu proses günü bu gün də davam edin.
Qeyd edək ki, bu günlərdə В«Bazar StoreВ» alıcılarına daha ucuz xidmətin göstərilməsi üçün özünün firma В«Super KartВ»larını da təqdim etdi. Əslində dünyanın əksər inkişaf etmiş ölkələrində böyük market şəbəkələrinin buk imi xidmətləri mövcuddur. Məsələn, qardaş Türkiyədə də belədir. Amma orada Azərbaycanda, daha dəqiqi В«Bazar StoreВ»də olduğundan fərqli olaraq firma kartlarını pulsuz paylamırlar.
В«Bazar StoreВ»də isə kartlar pulsuz verilir. Deyəcəksiniz ki, bunun nəyi pisdir… Amma tələsməyin. Pis olanı odur ki, Qardaş Türkiyədə əsasən simvolik qiymətə alıcılara təklif olunan firma kartlarının müqabilində alıcılar həqiqətən də ucuz qiymətə məhsul ala bilirlər, marketin endirim və digər kampaniyalarından istifadə edirlər.
В«Bazar StoreВ» də elə özünün reklamlarında belə deyir. Amma DİA.AZ-ın araşdırmalarından aydın olur ki, əslində belə deyil və В«Azersun HoldinqВ»in marketlərində alıcılara əməlli-başlı fırıldaq gəlinir. Hər halda, bütün bu faktlar İqtisadi İnkişaf Nazirliyinin müvafiq qurumları üçün В«Bazar StoreВ» ilə bağlı tədbir görülməsinə yetərli ola bilər. Amma inanmırıq ki, adıkeçən nazirlik hansısa addımı atsın. Çünki deyilənlərə görə…. Bəli, məhz deyilənlərə görə, nazirlik hər ay В«AzersunВ»dan əməlli-başlı В«payınıВ» aldığından nazirliyin antiinhisar xidməti departamentinin əməkdaşları Abdolbari Goozalın işinə müdaxilə etmək kimi bir vərdişə malik deyillər.
Gələk faktlara. Bəli, qeyd etdimiyiz kimi, В«Bazar StoreВ»nin əslində güzəştlər və endirimlər, həmçinin müxtəlif kampaniyalar üçün nəzərdə tutulan В«Super KartВ»ları ilə bağlı alıcılara rəsmən fırıldaq gəlinir. Belə ki, bu kartları alıcılara təqdim edəndən sonra В«Bazar StoreВ»də qiymətlər əməlli-başlı bahalaşıb. Yəni məlum olur ki, əslində endirim kartlarını mataha mindirmələri üçün şirkət başbilənləri digər qiymətləri qaldırmaqla prosesdən xətərsiz çıxmağı qəsd ediblər. Xətər nədir, hətta qazanc belə əldə edirlər. Yəni yenə də alıcıların yox, Abdolbari Goozal cənablarının biznes maraqları əsas olaraq nəzərə alınıb.
Bildirək ki, В«Bazar StoreВ» marketlərində vətəndaşlara bəzi məhsulların qiymətləri, hədiyyələr və digər bu kimi yeniliklər barədə informasiyaların yer aldığı xüsusi dərgilər təqdim olunur. Həmin dərgilərdən yalnız son üçünü təftiş etmək qərarına gəldik. Və DİA.AZ-ın apardığı araşdırmalardan da aydın oldu ki, В«Bazar StoreВ» marketlərində 9 aprel 2013-cü il - 9 may 2013-cü il tarixlərində qüvvədə olan qiymətlərin əks olunduğu 17 saylı dərgi ilə sonuncu tarixdə çıxan, yəni 10 iyun 2013-cü il - 9 iyul - 2013-cü il tarixlərində qüvvədə olan qiymətlərin əks olunduğu 19 saylı dərginin qiymətlərini müqayisə edərkən əməlli-başlı bahalaşma faktı ortaya çıxmış olur.
Məsələn, həmin müqayəsədən aydın olur ki, 2 ay əvvəl alıcılara 2 manat 75 qəpiyə təklif olunan toyuq budu hazırda 2 manat 85 qəpiyə satılır. Qeyd edək ki, əksər mallarda bu şəkildə bahalaşma baş verib. Məsələn, В«PınarВ» markalı 500 qramlıq plastik qabda olan ketçup 1 manat 12 qəpikə idisə, indii 1 manat 22 qəpikdir. 750 qramlı В«ProntoВ» döşəmə təmizləyicisi 17 saylı dərgidə əhaliyə 4 manat 25 qəpiyə təklif olunurdusa, bu gün 4 manat 75 qəpikdir. Hər halda, hər iki dönəmi müqayisə etdikdə aydın olur ki, son iki ay ərzində В«BazarstoreВ»də əməlli-başlı bahalaşma gedib.
Və əslində bu bahalaşmanın hansı nədənlə baş verdiyini də müəyyən etmək çətin deyil. Yenə də məsələ В«Super KartВ»larla bağlıdır. Bu yolla В«Bazar StoreВ» başbilənləri guya ki, В«Super KartВ»la daha ucuza mal almağın mümkünlüyünü əxz etməyə çalışırlar. Halbuki В«Super KartВ»lar olmadan alıcılara daha rahat idi və məhsullar daha ucuz idi.
Yəni bu da ənənəvi endirim fırıldağının təzahürlərindən xəbər verir. Belə ki, ənənəvi olaraq bir çox şirkətlər məsələn, 50 faizlik endirim edərkən, ilk növbədə endirim edəcəkləri mallarının qiymətini 3 dəfə qaldırırlar və sonra da həmin 3 qat rəqəmin üzərindən xətt çəkib, 50 faiz В«endirim edərəkВ» eyni malı bu dəfə əslində yarım dəfə bahalaşmış qiymətə alıcıya təklif edirlər.
Hər halda, biz DİA.AZ olaraq bu araşdırmamızda В«Bazar StoreВ»də alacılara gəlinən fırıldaq faktlarının bəzilərini ifşa edə bildik. Təbii ki, nəzərimizdən qaçanları da var ki, bunları da daha asan üsullarla dövlətin müvafiq qurumları müəyyənləşdirə bilərlər.
Təbii ki, qarşı tərəfin də faktlarımızla bağlı hər hansı izahatları olarsa, böyük məmuniyyətlə yaymağa hazırıq.
