“QƏRARI DA BİZLƏR DƏSTƏKLƏMƏLİ VƏ KÖMƏK ETMƏLİYİK”
Güney Azərbaycan Xəbər Ajansının (Sana News) Bütöv Azərbaycan Gənclər Təşkilatının (BAGT) sədri Ruslan İzəətli ilə müsahibəsi
- Keçirdiyiniz Qurultay necə keçdi, yeni planlariniz haqqda qərarlar alındı mi?
- Bütöv Azərbaycan Gənclər Təşkilatı ( BAGT) 3 mart 2012-ci ildə Nizamnaməyə uyğun olaraq II Qurultayın keçirdi. Qurultayda ölkənin partiya rəhbərləri,ziyalılar, gənclər təşkilatının rəhbərləri və KİV nümayəndələri iştirak edirdi. BAGT-nin 70 nəfərdən çox secilmiş qurultay nümayəndələri və rayon şöbələrinin rəhbərləri iştirak edirdi. Qurultayımızda Güney Azərbaycandan Quzey Azərbaycanda mühacir həyatı yaşayan dostlarımız və Güney Azərbaycanın partiya rəhbərlərinin sayın M. Çöhrəqanlının, Mahmud Bilginin və Yeni GAMOH rəhbərliyinin təbrik məktubları qurultayda oxundu. Qurultayda Nizamnaməyə uyğun olaraq rəhbərliyə secki keçirildi. Dostlarımızın etimadıyla yenidən 2 ( iki) il müddətinə BAGT sədr secildim.
Qurultayımızda Güney Azərbaycana və Quzey Azərbaycana mövqeyimizi ortaya qoyduq. Ən əsası ilk dəfə olaraq ölməz liderimiz M.Ə. Rəsulzadə adına qızıldan mükafat təsis etdik. Bu ilin sonunda Azərbaycanın Bütövlüyü, Demokratiyası naminə çalışan soydaşımıza bu mükafat veriləcək. Nəzərinizə çatdırım ki, BAGT 2012-ci ili Demokratiya ili elan edib...
- Əsasnamə və nizamnamədə dəyişiklik edildimi təşkilat çartında hər hansi dəyişiklik oldu mu?
- Ciddi bir dəyişilik etmədik. Qurultay iştirakcılarına və ictimaətə idelogiyamızı catdırdıq. Bildirdik ki, BAGT olaraq bizlər Liberal, Demokratik dəyərlərə söykənən Milli Məfkurənin daşıyıcılarıyıq. İlk dəfə bunu Qurultayda açıqladıq. Hədəfimiz Bütöv, Demokratik Azərbaycan olduğun çatdırdıq. Ən əsası ilk dəfə olaraq Güney Azərbaycan bayrağın qəbul etdiymizi ictimaətə acıqladıq və Qurultayımzıda bayrağı asmaqla Güney Azərbaycanı Müstəqil dövlət olduğun tanıdıq. Bildirdik ki, ilkin hədəf Güneyin müstəqilliyidir. Bunun üçün də Güneyi təmsil edən bir bayrağa ehtiyac var. Bu bayraq da UNPO tərəfindən qəbul olunan və Quzey Azərbaycanın bayrağındakı inancları daşıyan bayraq daha qəbul olunandır...
- Güney Azərbaycan haqqında gələcək tədbirləriniz necə olacaq?
- BAGT olaraq hər zaman Güney Azərbaycan diqqətimzidədir və ordakı soydaşlarımıza gərəkən yardım və dəstəyimizi göstərməliyik. Təbii ki, bu yöndə çalışırıq Güney Azərbaycandakı təşkilat və partiyalarla hec bir ayrı seckilik qoymadan əməkdaşlıq edək. Bu il Güney Azərbaycan haqda konfranslarımız və tədbirlərimzi çox olacaq. Ölkəmizdəki səfirliklərlə Güney Azərbaycan məsələsində ciddi çalışmağı qərara aldıq. Xüsusilə 22 may hadisələrinin il dönümündə Bakıda Güney haqda ciddi tədbirlərin və aksiyaların təşkil edilməsini qərara aldıq. Bildiyiniz kimi bu il Azərbaycan da beynəlxalq Evrovision yarışması olacaq. Biz bu zaman Güneydəki soydaşlarımızın haqqın və hüququn beynəlxalq arenaya catdırmaq üçün işlər görməyi qərara almışıq.
- Güney Azərbaycan hərəkatında Bayraq tartışmalarına necə son qoymaq olar, sizcə Bəzz qalasında dalğalanan Bayraq Güney Azrbaycan Bayrağı deyilmi?
- Mən müsahibəmin əvvəlində də və hər zaman çıxışlarımda da Güney Azərbaycana bayrağın qəbul edilməsinin vacib və önəmli olduğun bildirmişəm. Bəzi dostlarımız bunu yanlış anlayır. Bilirsiz biz beynəlxalq qanunlara və münqişələr nəzər salsaq baxarıq ki, Güney Azərbaycana bayrağın olması çox önəmlidir. O üzdən biz sizin dediyniz kimi Bəzz qalasında qaldırılan və ən əsası beynəlxalq təşkilat olan UNPO tərəfindən qəbul olunan bayrağın Güney Azərbaycanı təmsil edən bayraq kimi qəbul olunmasının tərəfdarıyıq. Biz qurultayımzda da bəyan etdik ki bu bayrağı tanıyırıq .
- Sizcə Güney Azərbaycan hərəkatına vahid lider lazim deyilmi?
- Hər bir hərəkatın önündə gedən və hərəkatı yönləndirən bir siyasi lider olub və bu hərəkatın inkişafı, qalibiyyəti üçün çox önəmlidir. Bu gündə Güney Azərbaycanın istər daxilində, istərsə də xaricdə mühacir həyatı yaşayan dostlarımzı var ki, Güney Azərbaycan hərəkatına öncüllük edə bilər. Mən konkret ad çəkmək istəməzdim. Çünki, mən hər zaman demişəm ki, Güneyli soydaşlarımıza gərəkən dəstəyi verək amma onlara ağıl vermək istəyindən uzaq olaq. Çünki, bu gün Güneyimizdə kifayət qədər ağıllı siyasətcilər və ziyalılar var. Qərarı da onlar verəcək. İstənilən qərarı da bizlər dəstəkləməli və kömək etməliyik.
- Sizcə İranın Suriyanı dəstəkləməsi hansı səbəbdən qaynaqlanır?
- “ Ərəb Baharı” göstərdi ki, diktaturların sonu catıb. Orta Doğuya da nəzər salsaq görərik ki, regiondakı ölkələrdəki diktatur hakimiyyətlər siyasi arenada məğlub olurlar və millətləri tərəfindən haqq məhkəməsinə çəkilirlər. İndi də dünya ictimaətinin diqqəti Suriyadadır. Suriya dikaturuda tez bir zamanda məğlub olacaq. İran teokratik hakimiyyəti də bilir ki növbəti addım İranda olacaq. O yöndə İran hətta Rusiya Suriyadakı proseslərə dəstək olur və istemirlər ki regiondakı müttəfiqləri məğlub olsun. İran da bu əsas aktorlardan biridir. Amma bir şeyi anlamaq lazımdır ki, XXI əsr demokratiya əsridir və diktaturlar hər hansı güc işlətmələrinə baxmayraq məğlub olacaqlar. Bizlər bu prosesə hazir olmalıyıq. Çünki, bu gün İranda milyonlarla soydaşımız basqı altındadır. İrana qarşı hər hansı addımlar atılan zaman biz Güney Azərbaycan marağımızı və ordakı soydaşlarımızın haqqın qaldırmalıyıq.
Sana News
