"Mən Vüsal Güləliyev Azərbaycan Dəmir Yolları QSC-nin İnfrastruktur Departamentinin 1 nömrəli işarəvermə və rabitə sahəsinin Xətt Aparat Zalı sexində elektrik mexanki işləyirdim. 2 il öncə Qəzənfər Abdulazimov və onun yaxın dostu Elxan İsmayılov işarəvermə və rabitə xidmətinə rəis təyin olunandan sonra sahədə kütləvi ixtisarlar baş verməyə başladı. Daha doğrusu ixtisar adı altında 50 nəfər işçini müxtəlif üsüllarla öz ərizələri ilə işdən çıxmağa məcbur etdilər. Onlardan cəmi 3 nəfər ərizə yazmadı, onları ixtisarla işdən azad etdilər. Onlardan biri də mənəm..." "DİA-AZ" bildirir ki, bu barədə müraciət edən ADY əməkdaşı olduqca ilginc faktları açıqlayıb.
Müraciətdə deyilir: "Mənə göndərilən xəbərdarlıq bildirişində deyilirdi ki, bəs ştatınız ixtisar olunur. Lakin ştatın ixtisarı dedikdə, konkret vəzifənin ümumilikdə müəssisənin ştat cədvəlindən çıxarılması (eyni və ya oxşar funskiyaları həyata keçirən bütün işçilərin ixtisarı) başa düşülür. Yəni bütün elektrik mexanikləri ixtisar edilməli idi. Lakin bu baş vermədi. Mən 18 il stajlı dəmiryolçuyam, , 38 yaşım, 2 azyaşlı övladım var. Əmək Məcəlləsinin 78-ci maddəsinə əsasən öhdəsində iki və daha çox 16 yaşınadək uşağı olanlara ixtisar zamanı işdə saxlanılmağa üstünlük verilir. Bütün bunlara və sexdə təqaüdçülər olmasına rəğmən, məni qeyri-qanuni, əsassız ixtisar etdilər. Çünki, İnfrastruktur Departamentinin 1 nömrəli işarəvermə və rabitə sahəsində qanunvericiliyinə məhəl qoyulmur, hər şey Qəzənfər Abdulazimovun, Elxan İsmayəlovun arzusundan asıllıdır. O gündən bəri hüquqlarımın müdafiəsi üçün həm Həmkarlar İttifaqına, həmdə Əmək Müfəttişliyinə müraciət etdim. Lakin, bu iki qurum öz vəzifə səlahiyyətlərini yerinə yetirmədiyinə görə, əmək hüquqları kobud şəkildə pozulur.
Əmək müfəttişliyinə iki dəfə izahat verməyimə baxmayaraq, izahat vermədiyimi bildirərək, işi araşdırmadılar. Dəmiryolçular Müstəqil Həmkarlar ittifaqı komitəsi isə umumiyyətlə müraciətlərimi görməzdən gəldi. Halbuki, Həmkarlar ittifaqının üzvü olan işçilərin ixtisarı zamanı müəssisənin həmkarlar təşkilatının əsaslandırılmış yazılı qərarı olamalı idi. Əsassız ixtisar ediləcəyimi bildikləri halda, həmkarlar komitəsi heç bir müdaxilə etmədi və məni qeyri-qanuni ixtisar olmağıma göz yumdu.
Sahib Məmmədov Azərbaycan Həmkarlar İttifaqları Konfederasiyasına sədr təyin edildikdən sonra, atam onun qəbuluna getdi. Hər şeyi ona izah etdikdən sonra və məsələni araşdırdıqdan sonra cənab sədr Dəmiryolçular Müstəqil Həmkarlar ittifaqı komitəsinə tapşırıq verdi ki, işəgötürən Qəzənfər Abdulazimovdan məni işə bərpa edilməyimi tələb etsinlər. Həmkarlar ittifaqları haqqında AZƏRBAYCAN RESPUBLİKASININ QANUNUnun 12-ci maddəsinə əsasən həmkarlar ittifaqlarının işəgötürən tərəfindən əmək və həmkarlar ittifaqları haqqında, habelə sosial, iqtisadi məsələlər barədə qanunvericiliyə əməl olunmasını və aşkara çıxarılmış pozuntuların aradan qaldırılmasını tələb etmək hüququ var.
Dəmiryolçuların Müstəqil Həmkarlar ittifaqı komitəsinin sədri Vaqif Bədəlovla, oranın hüquqşunası Samir adlı şəxslə, və İnfrastruktur Departamentinin həmkar sədri Namaz Nəzərovla özüm dəfələrlə əlaqə saxladım, lakin onlar müxtəlif bəhanələrlə işi həll etməkdən yayınırdılar. Görünür bunlar nə qanunu nə də Sahib Məmmədovu saymırlar, sanki bunları rəhbəri AHİK sədri Sahib Məmmədov yox, işarəvermə və rabitə xidmətinin rəisi Qəzənfər Abdulazimovdur.
Dəfələrlə edilən zənglərdən sonra İnfrastruktur Departamentinin həmkar sədri Namaz Nəzərov mənə dedi ki, “işarəvermə və rabitə xidmətinin insan resursları üzrə aparıcı mütəxəssisi Sevinc Məmmədova ilə əlaqə saxla”. Məndə sevindim ki, yəqin işə bərpa olunuram. Lakin bu qadının mənə dediyi həm gülməli oldu, həmdə ağlamalı. Mənə dedi ki, “ CV GÖNDƏR, LAZIM BİLSƏK, SƏNİ ÇAĞIRARIQ”. Dedim, “siz nə danışırsız, mən bəyəm yeni işçi kimi gəlirəm ki, CV göndərim? Mən 18 il stajlı dəmiryolçuyam, qeyri-qanuni işdən azad edilmişəm, işə bərpa edilməliyəm, və mənə məcburi işburaxmaya görə kompensasiyada ödənilməlidir. Lap kompensasiyadan keçdim, mən işə bərpa edilməliyəm. Elə bunu demişdim ki, dəstəyi asdı”.
Zəng vurdum Dəmiryolçular Müstəqil Həmkarlar ittifaqı komitəsinin hüquqşunası Samir bəyə, dedim Sevinc Məmmədova belə deyir. Gördüm ki, buda onun dediklərini təkraralayır. Məndə soruşdum ki, yaxşı bəs həmkarlar təşkilatının burda rolu nə oldu? CV-ni hər kəs göndərə bilər, bunun üçün həmkar təşkilatına ehtiyac yoxdu. Həmdə, lap fərz edək ki, mən CV vermək istədim, sayta heç vakansiya yerləşdirilməyib, CV-ni hara göndərməliyəm? Siz məni ələ salmısız?
Daha deməyə söz tapmadı, ondan sonra zənglərimədə cavab vermir, yanvar ayından bəri göndərdiyim rəsmi ərizəmidə cavabsız saxlayıb. Buda Dəmiryolçuların Müstəqil Həmkarlar İttifaqı komitəsinin işi. Bunların adı müstəqildir, müstəqillikdən heç əsər əlamətdə yoxdur, tamamilə ADY-nin vəzifəli şəxslərindən asıllı vəziyyətdədirlər. İşçilərin hüquqlarını müdafiə etmək əvəzinə, işəgötürənə hüquqlarımızı pozmaqda köməklik göstərirlər. Mən 18 ildir Həmkarın üzvüyəm və üzvlük haqqı ödəmişəm, lakin onlardan bu günə kimi nə maddi yardım, nə hüquqlarımın müdafiəsində durmaqlarını görməmişəm. Maddi yardımlar həmişə eyni adamlara verilir, rəhbərliyə yaxın adamalara.
Təəssüf ki, Dəmiryolçuların Müstəqil Həmkarlar ittifaqı komitəsi üçün ADY-də hansısa sahənin rəisi qanundan daha üstündür...."
