Azərbaycanda korrupsiyaya bataqlığında boğulan qurumlardan biri də Meliorasiya və Su Təsərrüfatı ASC – dir. Dövlət büdcəsindən bu quruma ayrılan milyardlarla manat vəsaitin böyük bir hissəsi illərdir dövlətin hüquq – mühafizə və müvafiq orqanlarının gözü qarşısında Əhmədzadənin rəhbərliyi ilə mənimsənilir.
Bu barədə poçtumuza kifayət qədər materiallar daxil olub. Uzun illərdir ki, bu faktlar ortada olsa da, Əhməd Əhmədzadəyə və onun dağıdıcı komandasına gözün üstə qaşın var, – deyən yoxdur. Sonuncu dəfə qurumdakı böyük korrupsiya və mənimsəmə hallarını ASC rəhbərinin ölkədə və xaricdə olan böyük biznes şəbəkəsini media aşkar və ifşa etdi. Lakin təəssüflə bildirirəm ki, bu qədər açıq korrupsiya əməli barədə ölçü götürən də yoxdur. Bu isə, ölkəmiz üçün çox ciddi təhlükədən xəbər verir.
Bu gün Meliorasiya və Su Təsərrüfatı ASC-nin rayonlarda fəaliyyət göstərən idarə və müəsissə müdirlərinin milyonçu olduqları da heç kimə sirr deyil.
Dövlət büdcəsindən oğurladıqları pullar hesabına Beyləqanda kiçik oliqarxllara çevrilən iki idarə müdiri – Asim Kərimovun və Möhübbət Rüstəmovun törətdikləri korrupsiya cinayətləri mediada müntəzəm işıqlandırlır və bu cinayətlər barədə rayon əhalisi arasında əfsanələr danışılır. Bu barədə redaksiyamıza məlumat verən mənbələr bildirir ki, hər üç idarə rəhbəri çalışdığı su idarəsini uzun müddətdir yuxarıdan verilən təlimat əsasında korrupsiya mərkəzinə çevriblər. Hər üç idarədə qurulmuş korrupsiya şəbəkəsində eyni oxşar əməliyyatlar gedir. İşçilərin sayı süni şişirdilir, xeyli işçinin əmək haqqı kartları müdriyyətin seyfində saxlanır, idarənin yardımçı təsərrüfatında olan heyvanlar, torpaq sahələri dağıdılır, idarəyə ayrılan yanacaq və digər materiallar müdirlər tərəfindən mənimsənilir, əhalidən yığılan su pulu müdirin razılığı əsasında mənimsənilir.
Asim Kərimovun, Möhübbət Rüstəmovun rəhbərlik etdikləri su idarələrində yaratdıqları korrupsiya şəbəkələrində əldə olunan pulun böyük hissəsinin ASC sədri Əhməd Əhmədzadəyə, digər bir qisminin isə rayon rəhbərliyinə çatdığı da bizə verilən məlumatda qeyd olunur.
Eyni zamanda, daxil olan məlumatda adıçəkilən idarə müdirlərinin ASC-də yüksək vəzifə tutan şəxslərə, o cümlədən rayon rəhbərliyinə, hüquq-mühafizə orqanlarının rəhbərlərinə aylıq hesab ödənilmələri də iddia olunur. Əlbəttə, gözgörəti törədilən korrupsiyadan pay almadan, hüquq-mühafizə orqanları rəhbərlərinin seyrçi qalmasını təsəvvür etmək çətindir.
Dövlət büdcəsininin pullarını oğurlayan hər üç idarə müdirinin əməlindən Meliorasiya və Su Təsərrüfatı ASC rəhbərliyinin xəbəri olmadan baş verməsi də, təbbi olaraq, mümkünsüdür və bunlardan, hətta onlara havadarlıq edənlər də var.
Redaksiyamıza daxil olan məlumata görə, qurumda hər iki idarə müdirinin korrupsiya işinə havadarlığı Meliorasiya və Su Təsərrüfatı ASC-nin Aparat rəhbərinin hayata keçirdiyi bildirilir. Mənbənin bildirdiyinə görə, ASC-nin Aparat rəhbəri Cahan Məmmədov qurumda korrupsiyanın idarə olunmasına kordinatorluq edən fiqurdur. Qeyd edək ki, Cahan Məmmədov qurumda əsasən Qərb rayonlarındakı idarə müdirlərini, o cümlədən Beyləqandakı hər üç idarədə fəaliyyət göstərən korrupsiya şəbəkəsini idarə edir.
Mənbə qeyd edir ki, Cahan Məmmədov Meliorasiya və Su Təsərrüfatı ASC-nin Qərb regionuna “xaç ata”lığı etməklə, həm də geniş əlaqələrə malikdir. Cahan Məmmədov şefi Əhməd Əhmədzadə kimi, o da ölkədə və xaricdə geniş biznes şəbəkəsinə malikdir.Melorasiya və Su Təsərrüfatı ASC – nin toxunulmazlıq hüququna malik olduğu çox aydın hiss olunur. Əhmədzadə ASC-də ölkə boyu qurduğu geniş miqyaslı korrupsiya şəbəkəsi vasitəsilə, sanki dövləti talamaq üçün xüsusi “lisenziyaya” malikdir.
Əhməd Əhmədzadənin ASC vasitəsilə Beyləqanda və ölkənin digər bölgələrində fəaliyyət göstərən idarələrdə qurduğu korrupsiya toruna dövlət səviyyəsində “icazə verilməsi” haqqında ölkə əhalisi və mediada gəzən söhbət heç də təsadüfi deyil.
Meliorasiya və Su Təsərrüfatı ASC-də qurulmuş, yazıda təsvir olunan korrupsiya torunun sökülməsi, cinayətkar şəbəkənin durdurulması üçün məsələyə cavabdeh yüksək vəzifəli şəxslərin və ölkə prezidentinin müdaxiləsinə ciddi ehtiyac olması çox aydın hiss edilməkdədir.
Ə. Əhmədzadənin Melorasiya və Su Təsərrüfatı ASC-də başçılıq etdiyi həyasız rüşvət komandasının ölkədə cəzasız qalması dövlət başçısına və dövlətə prezidentin komandasına soxulmuş xəyanətkar qüvvələrin mənfur əməlindən başqa ad vermək mümkün deyil.
Gözləyək, görək Əhmədzadənin dövləti talamasına münasibət bildirən yüksək vəzifəli şəxs tapılacaqmı?…
Ardı var, bizi izləyin, növbəti yazıda oxuya bilərsiniz:
– Asim Kərimov İdarədə hansı işçisidir ki, ona 1500 manata “iPhone 8” mobil telefon alıb hədiyyə edib?
– Asim Kərimovun seyfindəki əmək haqqı kartları kimlərindir?
– İdarəyə verilən yanacaq harada satılır?
– Mənimsənilən pulun miqdarı nə qədərdir?
– İdarənin yardımçı təsərrüfatı müdirin qardaşı tərəfindən necə dağıdılır?
– Möhübbət Rüstəmov subartezian quyularının nasoslarını necə təmir
edir?
– Rüstəmov kimlərlə müqavilə bağlayıb pul mənimsəyir?
– Kartlar vasitəsilə bankomatdan pulu kim çıxarır?… //realmediaaz.space//
