MƏRHUMUN YAXINLARI ÇARƏSİZ QALIB
Öldürülən Səttar Həşimovun qanını batıran da məhz millət vəkili Xanhüseyn Kazımlıdır; Məhz deputatın əlaqələri nəticəsində bu gün Səttar Həşimovun əsil qatili Ağəddin Mikayılov sərbəst gəzir və hər yerdə В«öldürmüşük, əcəb etmişikВ», deyərək mərhum Səttar Həşimovun yaxınlarına acıq verir…
2011-ci il dekabrın 14-də Billəsuvarın Ovçubərə kənd sakini Həşimov Səttar Həşim oğlu öz həmkəndlisi Mikayılov Nazim Allahşükür oğlu tərəfindən güllələnilib. Yaralı rayon xəstəxanasına gətirilib və 13 gündən sonra Bakıda Respublika Kliniki Xəstəzanasında keçinib. Mərhumun qatilinə isə bu yaxınlarda məhkəmə tərəfindən 1 il 6 ay həbs cəzası verilib.
Bu barədə PİA.AZ-a müraciət edən mərhum Həşimov Səttar Həşim oğlunun yaxınları bildiriblər ki, iki güllə yarası alan və bundan sonra vəhşicəsinə döyülən Səttarın qanını batıran şəxslər Biləsuvar Ovçubərə kəndinin ərazi nümayəndəsi Ağaddin Mikayılov, Biləsuvar İcra Hakimiyyəti başçısının birinci müavini Akif Kazımov və Biləsuvardan millət vəkili seçilmiş Xanhüseyn Kazımlıdır.
PİA.AZ-a daxil olan məlumatda bildirilir ki, Səttar Həşimov qıçından iki güllə yarası alıb və Biləsuvar Mərkəzi Xəstəxanasında yatdığı 10-gün müddətində huşu başında və tam anlaqlı vəziyyətdə olub. Buna baxmayaraq bu müddət ərzində rayonun hüquq mühafizə orqanları zərəçəkmişdən heç bir izahat almayıblar. Baş verən hadisəni isə zərərçəkmiş və mərhum Səttar Həşimov yaxınlarına deyib ki, Nazim Mikayılov onu güllə vurduqdan sonra səhv etdiyini anlayıb və həyətinə gətirərək yaralarını sarımağa çalışıb. Bundan sonra isə Nazimin atası Allahşükür, əmisi Ağaşükür, əmisi oğlu Məhəbbət hadisə yerinə gəliblər. Allahşükür Mikayılov (bu şəxs Ovçubərə kənd ərazi nümayəndəsinin müavinidir, yəni Ovçubərə kəndində dövlət hakimiyyəti bir ailənin əlində toplanıb) əmisi oğlu, Ovçubərə kənd ərazi nümayəndəsini Ağəddin Mikayılovu hadisə yerinə çağırıb. Hadisə yerinə gələn Ağəddin Mikayılov isə yaralıya işgəncə verməyə başlayıb. Mərhum öz yaxınlarına billdirib ki, Ağəddin Mikayılov onun daxili orqanlarına təpiklə ağır zərbələr endirib və bundan sonra aldığı zərbələrdən mərhum huşunu itirib. Mərhum bunun səbəbini isə tez-tez Ağəddin Mikayılovun özbaşınalıqları və qanunsuz əməlləri ilə bağlı rayon rəhbərliyinə və Bakıda əlaqədar orqanlara şikayət etməsi ilə bağlayıb.
Məlumatda bildirilir ki, mərhum Səttar Həşimov alıdğı güllə yaralarından deyil, məhz iç orqanlarının ağır zədələnməsi nəticəsində dünyasını dəyişib və ona bu zərbələri endirən şəxs isə məhz Ovçubərə kənd ərazi nümayəndəsini Ağəddin Mikayılov olub. Ona görə də mərhumun qohumları hesab edirlər ki, Səttar Həşimovun qatili Nazim Mikayılov deyil, onun əmisi oğlu, Ağəddin Mikayılovdur.
Şikayətçilər onu da qeyd edirlər ki, Nazim Mikayılova əvvəl Azərbaycan CM-nin 132-ci, adam döymə maddəsi ilə iş açdılar. Dünyasını dəyişəndən sonra isə yüngül xəsarət yetirən şəxs kimi onun işini 132-ci maddəni 127-yə dəyişdilər.
Qanunsuz tüfəng gəzdirmə, tüfənglə atəş açıb qəsdən adamöldürməyə cəhd və digər məqamlar istintaq dönəmində və məhkəmə iclasında nəzərə alınmayıb. Şikayətçilər həmçinin qeyd edirlər ki, rayon xəstəxanasından müvafiq sənədləri ala bilmirlər. Klinik xəstəxanadan onlara verilən rəydə isə qeyd olunub ki, mərhum 2 güllə yarası alıb.
Məlumatda bildirilir ki, nümayişkaranə şəkildə insanı güllələyən, ona işgəncə verən şəxslərin arxayınçılığı səbəbsiz deyil. Çünki qatil Nazim Mikayılov məşhur xanəndə, şoubiznesin В«dayıВ»sı Teymur Mustafayevin bacısı oğludur. Onun əsil qatili, Ovçubərə kənd ərazi nümayəndəsini Ağəddin Mikayılov isə millət vəkili Xanhüseyn Kazımlıya arxalandığından heç kimi saymır və açıq-aşkar deyir ki, öldürmüşük, əcəb eləmişik.
Şikayətçi tərəf qeyd edir ki, Azərbaycan Prezidentinə, Daxili İşlər nazirinə, Baş Prokurora, MT nazirinə və digər əlaqədar təşkilatlara müraciət etsələr də, bir çox rəsmilərin, o cümlədən, rayon rəhbərlərinin qəbulunda olsalar da, şikayətlərinə baxan yoxdur
Məlumatda Ovçubərə kənd ərazi nümayəndəsini Ağəddin Mikayılov haqqında geniş məlumat verilir. Bildirilir ki, Ağaddin Mikayılov 2007-ci ilin oktyabrından Ovçubərə kəndində ərazi nümayəndəsi işləyir. Ağaddin Mikayılov ixtisasca alim-aqronomdur. Əvvəllər kolxozda aqronom-entemoloq və sədr müavini vəzifələrində çalışıb. İşlədiyi dövrdə dəfələrlə töhmət və şiddətli töhmətlər alıb. O, 1999-cu ildə, bələdiyyə seçkiləri zamanı kənd bələdiyyəsinə üzv seçilib.
Lakin bələdiyyə üzvləri ilə yola getmədiyinə görə 8 nəfər bələdiyyə üzvünün iştirakı ilə 29 mart 2001-ci ildə ona şiddətli töhmət verilib. Bələdiyyə üzvləri, eləcə də yerli sakinlər arasında nüfuzunu itirdiyi üçün növbəti bələdiyyə seçkilərində namizədliyini versə də, seçicilər ona səs verməyib. Lakin A. Mikayılov xalqın səsi ilə kəndə rəhbər gələ bilməsə də, icra başçısının sərəncamı ilə bu kəndin ərazi nümayəndəliyini ələ keçirib.
2004-cü ildə Ağaddin Mikayılov adam döymək üstündə həbs olunub və haqqında məhkəmə qərarı qüvvəyə minib. Məhkəmə Mikayılova Cinayət Məcəlləsinin 132-ci maddəsinə əsasən şərti cəza verib və əmək haqqının 10 misli dövlət nəfinə tutulmaqla cəzalandırılıb.
Qeyd olunur ki, Ağaddin Mikayılov hazırkı ərazi nümayəndəsi vəzifəsinə öz dədə malı kimi və gəlir mənbəyi kimi baxır. Belə ki, müavini, əmisi oğlu, Səttar Həşimovu tüfənglə iki dəfə atəş açaraq yaralamış Nazim Mikayılovun atası Allahşükür Mikayılovla birləşərək, onun adına şişirdilmiş rəqəmlərlə əkilməyən torpaqları sənədləşdirərək əkinə görə külli miqdarda pul yardımını mənimsəmişdir. Bunu bilən kənd sakini İmanverdi Ağayev rayon rəhbərliyinə rəsmi məlumat verib. Rayon İcra Hakimiyyəti öz nümayəndəsinin bu qanunazidd əməllərinə göz yumsa da, prokurorluq məsələyə daha ciddi yanaşaraq qanunsuz yolla mənimsənilmiş pulu dövlət büdcəsinə ödətdirmişdir.
Hazırda isə bu adam kənddə at oynadır. Asdığını asır, kəsdiyini kəsir, öldürdüyünü də öldürür. Bütün bunlara isə ona görə cəzasız həyata keçirə bilir ki, Ovçubərə kənd ərazi nümayəndəsi Biləsuvar İcra Hakimiyyəti başçısının birinci müavini Akif Kazımov və Biləsuvardan millət vəkili seçilmiş Xanhüseyn Kazımlının yaxın adamdır. Bildirilir ki, öldürülən Səttar Həşimovun qanını batıran da məhz millət vəkili Xanhüseyn Kazımlıdr. Məhz deputatın əlaqələri və müəyyən orqanlardan xahiş etməsi nəticəsində bu gün Səttar Həşimovun əsil qatili Ağəddin Mikayılov sərbəst gəzir və hər yerdə В«öldürmüşük, əcəb etmişikВ», deyərək mərhum Səttar Həşimovun yaxınlarına acıq verir.
ikayətçilər iddia edirlər ki, Ağəddin Mikayılov hər həftə sonu Xanhüseyn Kazımlı ilə görüşmək üçün Bakıya gəlir. Bildirilir ki, 2010-cu il seçkilərində Xanhüseyn Kazımlının xeyrinə seçkinin nəticələrini saxtalaşdırmaq üçün Akif Kazımov və Ağəddin Mikayılov çox böyük В«işlərВ» görüblər. Ona görə də millət vəkili Ağəddin Mikayılovun bir sözünü iki eləmir.
Məlumatda o da qeyd olunur ki, Ağəddin Mikayılovun əsas hamisi , Biləsuvar İcra Hakimiyyəti başçısının birinci müavini Akif Kazımovdur. Vəziyyət hətta o yerə çatıb ki, bir çox cinayətlərdə adı hallanan Ağəddin Mikayılov Biləsuvarın İcra başçısı Mahir Quliyevi belə saymır. Xatırladaq ki, Ağəddin Mikayılov bir neçə həftə əvvəl ondan şikayət edən Ovçubərə kənd sakinlərinə: "Gedin mətbuata və dövlət qurumlarına etdiyiniz şikayətlərdə yazın ki, Ağaddın Mikayılov qazandıqlarını icra başçısına verir. Bəli, mən bu pulları dədəmə vermirəm, 90 %-ni Mahir Quliyevə yedizdirirəm".
Məlumatda bildirilir ki, Ağaddın Mikayılovun bu sözləri mətbuatda dərc olunduqdan sonra icra başçısı Mahir Quliyev onu cəzalandırmaq istəsə də, Akif Kazımovun və Xanhüseyn Kazımlının öz sevimlilərini müdafiə etdiklərinə görə, icra başçısı öz nümayəndəsinə heç bir şey edə bilmir. Hazırda Ovçubərə kəndində Mahir Quliyevin sözü qətiyyən keçmir və bu kənddə Akif Kazımovun və Xanhüseyn Kazımlının dəstəyi ilə Ağaddın Mikayılovun tiraniyası hökm sürür.
Yazıda adı keçən şəxslərin mövqeyini dərc etməyə hazırıq…
