SAHİBKAR HƏBSDƏN NƏLƏRİ YAZDI?
DİA.AZ: - Redaksiyamıza Goranboy Rayon İcra Hakimiyyətinin başçısı Nizaməddin Quliyevə ünvanlanan və şok ittihamların yer aldığı açıq məktub daxil olub. Bildərk ki, DİA.AZ-a göndərilən məktubun müəllifi Nizaməddin Quliyevin həbsə atdırdığı iş adamı Müqayis Verdiyevdir. Həmin məktubu olduğu kimi diqqətinizə təqdim edirik və qarşı tərəfin də cavab haqqını tanıdığımızı bəri başdan bəyan edirik:
“Öz maliyyə cinayətlərini , qara əməllərini , dövlətə, Cənab Prezidentə etdiyi xəyanətlərini və dələduz oğlunun qanunsuz fəaliyyətini ört-basdır etmək üçün məni şərləyib, mənə böhtan atıb həbs etdirən “DOSTUM” Nizaməddin Quliyev!
Bu məktubu təcridxanadan sənə yazanda nədənsə ilk olaraq yadıma sənin mənə tez-tez “ Qardaş mənə kömək et, məni bu vəziyyətdən çıxart dost adama nə gündə lazımdı. Qardaş mənə bir az vaxt ver.” və sair bu kimi sözlərin düşdü. Digər tərəfdən düşünəndə ki, mən hal-hazirda sənin böhtan şər kompanyanın nəticəsində burdayam, sənin hansı şəxsi keyfiyyətlərə malik olduğunu təsəvvür etmək bir o qədərdə çətin deyil...
Bəli, mən sənin rəhbərliyinlə hazırlanan çirkin oyunun nəticəsində bu gun burdayam...
Sənin və oğlunun rəhbərlik etdiyi “Fəqan –Xidmət” MMC nin mənimsədiyi,-dövlət büdcəsindən Goranboy rayonunun abadlaşdırılması üçün ayrılmış pulun – mənimsənilmiş hissəsinin örtbastır olunması üçün burdayam... Hərçənd ki mən “Fəqan –Xidmət” MMC adlı qurumu istintaq zamanı tanımışam, ona qədər mən səni tanımışam, sənlə hesablaşmışam, ödənilən pulları oglun Ramal Quluyev, müavinin Baxış Abdullayev, sürücün Mikayıl və şəxsən özündən mən və mənə yaxın olan insanlar alıb.
Mən sənə bir daha xatırladıram ki, sən 500 min manatlıq yeyinti faktına görə Kapital Bankın Mingəçevir filialının rəhbəri vəzifəsindən çıxarılan və himayənlə bu cinayətin cəzasından xilas olan “QƏHRAMAN” oğluna məxsus В«Fəqan-XidmətВ» şirkətinə (guya ki) Goranboy rayonunun abadlaşdırılması işlərini həvalə edib mənidə dəvət edərək işin 256 min manatlıq hissəsini icra etməyi mənə həvalə etdin. “Qanuni” fəaliyyət göstərdiyin üçün heç bir rəsmi sənədləşmə olmadan ayrı-ayrı vaxtlarda 100 min manatlıq məbləği ödəyib pulun qalan 156 min manatlıq hissəsini iş bitdikdən sonra ödəyəcəyini bildirdin. Daha sonra isə xislətinə uyğun olaraq bu pulu ödəməkdən boyun qaçırdın. Pulumu tələb etdikdə isə müavinin Baxış Abdullayevə göstəriş verərək, onun əliylə rayonda ( guya ki) etiraz aksiyası təşkil etdirdin. Baxış Abdullayev fəhlələri İcra Hakimiyyətinin binası qarşısına yığaraq, onların 10-12 fəhlənin iştirakı ilə gülməli səslənsədə “ iğtişaş” torətdin. Bu əməli həyata keçirəndən sonra guya, mənim rayonda iğtişaş törətmək istədiyimə dair yalan məlumatları yuxarı dairələrə çatdırdın. Ardından isə mənim həbsimi təşkil etdirdin. Özüdə nə insanlıq, nə müsəlmanlıq nə də kişilik qaydalarına sığışmayan formada - anamın vefat etdiyi gün, həbs etdirdin və mərasimdə iştirakıma da imkan vermədin. Məgər sən bu cılız və iyrənc addımı atarkən mənim sənin atanın dəfnində necə iştirak etdiyimi xatırlamadınmı? Bəs sənin özünü atanın dəfni günü şərləyib həbs etsəydilər sən nə hislər keçirərdin? Sən şər-böhtan üzrə strateq olsanda, bir məsələ diqqətindən yayınıb ki, Müqayis Verdiyevi dövlətinə qarşı hakimiyyətə qarşı iğtişaş törətməkdə günahlandırmaq çox ağılsız bir addimdir.
Mən həmin Müqayis Verdiyevəm ki, 26 noyabr 1994-cü ildə keçirilmiş ümumxalq müşavirəsində cənab Ramiz Mehdiyev öz çıxışında yeganə olaraq mənim adımı vurğulayaraq (həmin vaxt mən Gəncə Quşçuluq Fabrikinin direktoru vəzifəsində çalışırdım) Surət Hüseynova tabe olmadığımı bildirmişdi. Eyni zamanda, hörmətli Ramiz müəllim hamını mənim kimi dövlətə sədaqətli olmağa çağırmışdı. Hətta bununla bağlı həmin vaxt В«AzərbaycanВ», В«XalqВ» və В«RespublikaВ» qəzetlərində yazılar da dərc olunmuşdu. Maraqlıdır ki, dövlətin ən ağır vaxtlarında dövlətə xəyanət etməyən bir adam, niyə indiki əmin-amanlıq dönəmində iğtişaş törətsin? Mən həmişə öz dövlətimə, Prezidentimə sadiq olmuşam bu gündə sadiqəm və bu heç vaxt dəyişməyəcək. Sənin kimi yüz Nizaməddin Quliyevdə gəlsə məni bu yoldan döndərə bilməz!
Elə bu səbəbdən sənin 10-12 adamın iştirakı ilə mənim adımdan “iğtişaş” törətmə planın saxta və absurd olduğu üçüm fiaskoya uğradı. Sən öz müraciətində məni heç bir əsas olmadan iğtişaş törətməkdə günahlandırsanda , mənə irəli sürülən ittiham sənin mənə verməli olduğun 156 minin içərisində olan fəhlələrə ödəniləsi 24 min manatın ödənilməməsidir. Yəqin o puluda oğlun bankda mənimsədiyi 500 min manat kimi xarici ölkələrin birində kehf məclislərində xərcləyibdi. Hansı ki, o pul sənin oğlunun sürdüyü avtomobilin təkərlərinin ümumi qiymətindən az olasada onlarla fəhlənin ailəsinin çörəyidi. Onuda deyim ki, o işçilər rəsmi şəkildə bildirirlər ki məndən şikayətləri yoxdu. Hamı daş dəyən yerini yaxşı bilir.
Bilirəm indi əhvalin bir o qədərdə yaxşı deyil çox pərişansan. Hərçənd ki, Qardaş dediyin adamı şərləyib anasının rəhmətə getdiyi gün həbs etdirdiyin üçün, əllərinin qabarı ilə çörəkpulu qazanan fəhlələrin, mal sahiblərinin, mənim pulumu vermədiyin üçün olmasada -Pərişansan. Mənim müraciətimdən sonra Cənab Prezidentin göstərişi ilə Baş Prokrorluğun Goranboy rayonunun abadlaşdırılması məqsədilə ayrılmış vəsaitin istifadə istiqamətlərini və “ Fəqan- Xidmət” MMC də apardığı yoxlama nəticəsində ortaya çıxan faktlar həqiqətlər sənin kehfinə bərk soğan doğrayıb. Hətta mən istisna etmirəm ki bu yoxlama sənin rayondakı, digər qanunsuz əməllərinində üzərinə işıq salıb.
Vəziyyəti belə görən oğlunda deyirmiş ki, mən Müqayis Verdiyevi tanımıram. Mən oğlun Ramala üzümü tutub deyirəm. O məni necə tanımır ki, mənə ödənilmiş pulun bir hissəsini sənin tapşırığınla rayon Təhsil şöbəsinin qarşısında 22-AA-100 dövlət nömrə nişanlı avtomobillə gətirib mənə verərək məni Bakıya yola salan o deyildimi? O məni necə tanımır ki, mənim oğlumun toyunda qol qaldırıb oynayan o deyildimi?
Nizaməddin, özünündə müəyyən yerlərdə etiraf etdiyin kimi sən çox kobud səhvə yol vermisən! Yəqin xatirindədi mənim raynun işıqlandırılması üçün rayona 126 ədəd müasir işıqlandırma dirəyi ilə ankerləri , və rayonun girişində üzərində qlobus və Goranboy yazısı olan konstruksiyanı quraşdırdığım? Sən onların pulunun da heç 20 fazini ödəməmisən. Verdiyinidə cibindən veribsən məgər bu dövlətin ayırdıgı pul sənin cibindədimi?
Nizaməddin , sən çox ciddi səhv etdin düşünürəm görəsən heç utanırsanmı
Bu əməllərinə görə...
Mən çox inaniram ki, cənab Prezidentin nəzarəti ilə, qanunlarımızın ədaləti həqiqət bərpa olacaq və mən qıssa müddətdə həbsdəm azad olacağam. Dövlətə və dövlətçiliyə sədaqətli fəaliyyətimi davam etdirəcəyəm və prezident seçkisində ailəmlə birgə cənab prezidentə səs verməyə gedərkən sənin harda olduğun haqda düşünəcəyəm bilmək olmaz o zaman sən harda olacaqsanВ»...
