ONLAR MÜXALİFƏTƏ AMERİKANIN ƏSL ÜZÜNÜ GÖSTƏRDİLƏR: KİM GÖRÜR Kİ?
DİA.AZ: - Prezident Administrasiyasının rəhbəri Ramiz Mehdiyev Amerikaya qarşı çox sərt çıxdı. İlk dəfə idi ki, bağlı qapılar arxasında aparılan danışıqların təfərrüatı açıqlanırdı. Ramiz Mehdiyev bildirdi ki, Vaşinqtonda oturanlar rəsmi Bakıdan Milli Şuranın namizədinə daha yüksək səs faizinin yazılmasını istəyiblər.
Onu da bildirək ki, nədənsə Milli Şuradakılar Ramiz Mehdiyevin bu açıqlamasını tamam tərsindən qəbul etdilər. Daha kimsə ortadakı gerçəkliyi görmək istəmədi. Çünki…
Təbii ki, bu yerdə В«çünkilərВ» çoxdur və biz də lap əvvəlindən başlayaq. Lap elə Amerikanın kəşfindən. Quldurların, qızıl axtaranların, atasından-anasından küsənlərin ÜMİD YERİ kimi kəşf edilib, milyonlarla qırmızı dərilinin qırılması və daha bir neçə yüz illiyin yola verilməsi hesabına ərsəyə gələn indiki halı ilə Amerikanın əsl kimliyi tam ortadadır.
В«Ben Laden axtarışıВ» ilə qosqoca Əfqanıstan işğal olundu, bir atom bombası həyəcanı ilə İraq yerlə-yeksan olundu. В«Ərəb baharıВ» adı altında Liviya xarabazarlığa çevrildi. Eyni bəhanə ilə Suriya cəhənnəmi xatırladır. Misirə də dinclik tanımadılar və bu gün hətta Türkiyəni belə qarışdırmağa qalxırlar.
Bütün bunların arxasında əslində Amerikanın arxasında dayandığı postmodern SƏLİB YÜRÜŞÜnün dayandığı bir faktdır. Və bu yürüşün son mərhələsində xristianların tampliyerlərinə çevrilmiş vəhabilərdən gen-bol istifadə olunmaqdadır.
Əfqanıstan, İraq, Liviya, Misir, Suriya kimi Azərbaycan da müsəlman ölkəsidir. Hətta bunu inkar etsək də, bunun daha çox statistik göstəici olduğunu iddia etsək də, biz müsəlmanıq. Rəngimiz də qaradır. Bu həqiqəti isə son olaraq ruslar yadımıza saldı. Və bu qara rəngimizlə yanaşı, müsəlman mahiyyətimizdən imtina qeyri-mümkündür. Elə buna görə də bu gün Amerikanın gözündə Suriya ilə Azərbaycanın heç bir fərqi yoxdur. Kimsə əlini ürəyinin üstünə qoyub arxayınlaşmasın. Bu, faktdır.
Fakt olanı həm də odur ki, bu gün Amerikanın Azərbaycan xalqının rifah halının yaxşılaşdırılması, Azərbaycan türkünün milli problemlərinin həlli kimi hər hansı qayğıları mövcud deyil. Əslində bu normaldır. Amma nədənsə bizlər, daha dəqiqi bizdən olan bəziləri bu həqiqəti unutmağa çalışırlar.
Ona görə də Ramiz Mehdiyevin açdığı həqiqətə də xəyallarında canlandırdıqları AMERİKA ALUDƏÇİLİYİ DƏLİYİNDƏN baxmaqla yetinirlər. Bəli, cənablar, sizin Amerika sizi hər zaman olduğu kimi bu dəfə də В«baqaja qoyubВ», sizi satıb. Siz seçkilərə Amerikaya söykənərək getmişdinizsə, sizin Amerika yıxmağa çalışdığınız hakimiyyətdən sizlərə səs faizi qopartmağa çalışıb. BUDUR MƏSƏLƏ!!!
Daha burada rəsmi Bakını ittiham etmək, Ramiz Mehdiyevi etibarsızlıqda suçlamaq… ən mənasız işdir. Siz ilk əvvəl Amerikanın yaxasından yapışın. O Amerikanın ki, Azərbaycan prezidenti İlham Əliyevi Qurban bayramı münasibətilə təbrik etsə də, seçkilərdə qələbəsi münasibətilə təbrik etməməklə özünün В«demokratiya təəssübkeşiВ» imicini qorumağa çalışır. Halbuki Vaşinqtonda oturanlar da yaxşı bilirlər ki, bu imiclərini bir-birinin ardından cəhənnəmə çevirdikləri müsəlman ölkələrində bu gün güllə hədəfinə çevrilən körpə balalarımızın bağırlarında çoxdan darmadağın ediblər.
Ramiz Mehdiyev əslində Amerikanı ifşa etdi və bununla da daha çox müxalifətin işinə yaradı. Yəni göstərdi ki, kimsə Amerikaya güvənib yola çıxmalı deyil. Amerika öz qoturunu qaşıyıb və bu, hər zaman belədir. Sabah da belə olacaq.
Amma nədənsə bu gün məsələnin məhz bu yönünü qoyub, hər kəs hakimiyyəti suçlayır. Əslində reallıq ondan ibarətdir ki, Riçard Morninqstar da В«İlham Əliyev qalib gəlibВ» ifadəsini işlədib. Bu reallıqdır. Və bu reallığı əgər Morninqstar Səfər Əbiyevlə bağlı qapı arxasında etiraf edirsə, amma müxalifətə bir başqa söz deyirsə, o zaman bu reallığı göstərən Səfər Əbiyevi etibarsızlıqda suçlayanın ağlı yoxdur. Hər halda, bu ifadələr Riçard Morninqstar olmayanlara aiddir. Yəni yalnız ABŞ-ın ölkəmizdəki səfiri Səfər Əbiyevi qınaya bilər. Amma suçlaya bilməz! Çünki hər kəs yaxşı bilir ki, nazirlə olan bütün görüşlərin nəinki səsi yazılır, hətta videosu da çəkilir. Belə olan halda В«SƏFƏR ƏBİYEV SƏFİRİN SƏSİNİ GİZLİ YOLLA YAZIBВ» deyərək bağırmağın da bir mənası yoxdur. Gedin, səfirinizin yaxasından yapışın ki, nədən bizi aldadırsan… Yəni bu addımı ilə Səfər Əbiyev də müxalifətə bir pas ötürmüş oldu və bir daha sübutladı ki, əgər müxalifətin güvəndiyi Amerikadırsa, həmin dağlara çoxdan qar yağıb, hətta qarlara qurd da düşüb…
Təbii ki, ABŞ-Azərbaycan iqtidarı münasibətlərindəki gərginliyin bir fəsadı olacaq. Amma bu fəsadın nəyisə dəyişəcəyi inandırıcı deyil. Çünki rəsmi Bakı ABŞ-ın tələblərinə uyğun olaraq Cəmil Həsənliyə yüksək səs faizləri yazmayıb. Əslində rəsmi Bakı da yaxşı başa düşür ki, bu gün yazılan yüksək səs faizləri sabah keçiriləcək parlament seçkilərində 7-8 deputat mandatıdır. Yəni Bakıda oturanlar uşaq deyillər. Amerika dünyanı fırlada bilər, amma fakt göründü ki, Azərbaycanda ilişdilər…
Məhəmməd ƏRSOY - DİA.AZ
