HAQQI TAPDANAN VƏTƏNDAŞ HAKİMİN RÜŞVƏTLƏ QƏRAR VERDİYİNİ DEYİR
DİA.AZ: - Redaksiyamıza ilginc ittihamlarla dolu bir şikayət məktubu daxil olub. DİA.AZ-a göndərilən materiallardan aydın olur ki, 2 noyabr 2012-ci il tarixdə Şəmkir rayonu Düyərli kənd sakini Qurbanov Samir Hidayət oğlu idarə etdiyi “VAZ-21043” markalı 05-BD-981 dövlət в„– nişanlı avtomobillə saat 23:30 radələrində Bakı-Qazax magistral avtomobil yolunun 408-ci km-də Bakı istiqamətində hərəkətdə olarkən, arxadan yuksək sürətlə gələn avtomobil onun idarə etdiyi avtomobili arxadan vurmuşdur. Nəticədə onun avtomobili çox ciddi sürətdə zədələnmiş, deformasiyaya uğrayaraq dəmir xurdası halına, yəni bütövlüklə yararsız hala düşmüşdür.
Qəzadan sonra arxadan vurulmuş VAZ-21043 markalı avtomobil bu vəziyyətə düşmüşdür. Arxadan gələn avtomobilin sürəti saatda 150/170 km saat olmalıdır ki, zərbənin nəticəsində avtomobil bu vəziyyətə düşsün. Bunu bilmək üçün “ekspert” olmağa ehtiyac yoxdur, bu rəsmə baxmaq kifayət edir.
Hadisə yerinə gəlmiş Şəmkir rayon Polis Şöbəsinin əməkdaşları hadisəni sənədləşdirmişlər. Sənədləşdirmə zamanı Protokol tərtib edilmiş, məlum olmuşdur ki, Şəmkir rayonu Düyərli kənd sakini Qurbanov Samir Hidayət oğlunun idarə etdiyi “VAZ-21043” markalı 05-BD-981 dövlət в„– nişanlı avtomobili arxadan vuran 28.07.1985-ci ildə Ağstafa şəhəri M.Allahverdiyev küçəsi ev- 64 mənzil 6 ünvanda yaşayan Bayramov Kənan Məhərrəm oğlu olmuşdur.
Bayramov Kənan Məhərrəm oğlu hadisəni idarə etdiyi “Mersedes-Bens C-180” markalı 05-BD-981 dövlət в„– nişanlı avtomobili ağır sərxoş vəziyyətdə, sürücülük vəsiqəsi, nəqliyyat vasitəsini idarə etmək hüququ olmadan, çox yüksək sürətlə idarə etdiyi üçün törətmişdir.
Şəmkir rayonu Düyərli kənd sakini Qurbanov Samir Hidayət oğlunun idarə etdiyi “VAZ-21043” markalı avtomobilə, hadisə nəticəsində dəymiş ziyan haqqında Şəmkir Rayon Polis Şöbəsinə “Şəmkir-Avtoservis” ATSC-nin baş mühəndisi Z.Süleymanovun imzası və SERVİSİN möhürü ilə təsdiq edilmiş arayış təqdim edilmişdir.
Arayışda deyilir;---- Verilir Şəmkir rayon Dövlət yol Polis Bölməsinə ondan ötəri ki, mənə təqdim olunmuş VAZ-21004 markalı 05-BD-981 dövlət в„– nişanlı avtomobilə baxış keçirərək avtomobilə dəymiş ziyanı aşağıdakı qaydada müəyyən etdim. (18 detalın adı göstərilir) Arayışda avtomobilə cəmi 2805 manat ziyan dəydiyi qeyd edilir.
Şəmkir rayon Polis Şöbəsində bu hadisə ilə bağlı araşdırmanın nəticəsi barədə, saxtakarlığa yol verilib-verilməməsi, inzibati xəta haqqında protokol və ona əlavə olunmuş sənədlər haqqında yaxın günlərdə sizlərə geniş məlumat verəcəyik. Araşdırmalarımız davam edir.
Şəmkir rayon Polis Şöbəsi işi sənədlişdirmiş Şəmkir rayon məhkəməsinə göndərmişdir
02 noyabr 2012 ci il tarixdə baş vermiş hadisə haqqında 30 noyabr 2012-ci il tarixdə Şəmkir rayon Məhkəməsində hakim Paşayev Qalib Hidayət oğlunun sədrliyi ilə, İnzibati xəta törətmiş Bayramov Kənan Məhərrəm oğlunun iştirakı ilə işə baxılmışdır.
QƏRARDA- qeyd olunur. AR-sı İnzibati Xətalar Məcəlləsinin 152-2.3 cü maddəsində nəzərdə tutulmuş inzibati xətanı törətməsinə dair inzibati xəta haqqında işə Şəmkir rayon Məhkəməsinin binasında acıq məhkəmə iclasında baxaraq müəyyən etdi.
Bayramov Kənan Məhərrəm oğlu 02 noyabr 2012-ci il tarixdə saat 23:30 radələrində sərxoş vəziyyətdə, nəqliyyat vasitəsini idarə etmək hüququ olmadan, idarə etdiyi “Mersedes-Bens C-180” markalı 05-BD-981 dövlət в„– nişanlı avtomaşınla Bakı şəhəri istiqamətində hərəkətdə olarkən, Bakı-Qazax magistral yolunun 408-ci km-də Şəmkir rayonu Düyərli kəndi ərazisində düzgün ara məsafəsi seçməmiş və qarşısı ilə eyni istiqamətdə hərəkətdə olan VAZ-21004 markalı 05-BD-981 dövlət в„– nişanlı avtomaşını arxa hissədən vürmuşdur. Nəticədə Qurbanov Samir Hidayət oğlunun idarə etdiyi “VAZ-21043” markalı 05-BD-981 dövlət в„– nişanlı avtomobilə maddi ziyan dəymişdir. Hadisə zamanı xəsarət alan olmamışdır. (Hakim ziyan vurulduğunu qərarında təsdiqləyir)
Bayramov Kənan Məhərrəm oğlu həmin hərəkətləri ilə AR-nın İnzibati Xətalar Məcəlləsinin 152-2.3 cü maddəsində nəzərdə tutulan inzibati xətanı törətmişdir.
Məhkəmə qərarının 4-cü abzasında qeyd edilir;--Məhkəmə barəsində inzibati xəta haqqında iş üzrə icraat aparılan Kənan Bayramovun izahatını , inzibati xəta haqqında protokolu və ona əlavə olunmuş sənədləri nəzərdən keçirərək hesab edir ki, Bayramov Kənan Məhərrəm oğlunun ona istinad olunan inzibati xətanı törətməsi tam sübuta yetirilir.
Qeyd olunanlara əsasən və AR-sı İnzibati Xətalar Məcəlləsinin 357, 360, 362, 365, 425, 430, 432 ci maddələrini rəhbər tutaraq məhkəmə QƏRARA ALDI.
Bayramov Kənan Məhərrəm oğlu AR-nın İnzibati Xətalar Məcəlləsinin 152-2.3 cü maddəsində nəzərdə tutulmuş inzibati xətanı törətməkdə təqsirli bilinib 2 (iki) gün müddətinə inzibati qaydada həbs edilsin. HAKİM QALİB PAŞAYEV.
Redaksiyamıza bu barədə şikayət edən Şəmkir rayonu Düyərli kəndi sakini Qurbanov Samir Hidayət oğlu iddia edir ki, Şəmkir rayon Məhkəməsinin hakimi Qalib Paşayevin bu qərarı rüşvət qarşılığında verib. Vətəndaş DİA.AZ-a yazır: “Belə ki, yuxarıda qeyd olunan AR-sı İnzibati Xətalar Məcəlləsinin 152-2.3 cü maddəsində göstərilir;
152-2.3. Bu Məcəllənin 152-2.1-ci maddəsində nəzərdə tutulmuş xətanın törədilməsi və yol hərəkəti qaydalarının pozulması nəticəsində zərər çəkən şəxsin sağlamlığına yüngül bədən xəsarətinin yetirilməsinə və ya zərər çəkən şəxsə maddi zərər vurulmasına görə -
səkkiz yüz manat miqdarında cərimə edilir və ya işin hallarına görə, pozuntunu törədənin şəxsiyyəti nəzərə alınmaqla on beş günədək inzibati həbs tətbiq olunur.
Hakim Qalib Paşayevin qərarında Bayramov Kənan Məhərrəm oğlunun sərxoş vəziyyətdə, nəqliyyat vasitəsini idarə etmək hüququ olmadan, inzibati xətanı törətməsi və zərərçəkmişin avtomobilinə maddi ziyan vurulması tam sübuta yetirilir. Bu sübutlardan sonra hadisəni törətmiş Kənan Bayramov AR-sı qanunvericiliyinin bir neçə maddəsi ilə mühakimə olunmalı idi.
Hakimin istinad etdiyi 152-2.3 cü maddə, yuxarıda verdiyi qərarla uyğunlaşmır, həmin maddədə 800 manat cərimə və yaxud da 15 sutka həbs tətbiq olunmalı olduğu halda, sərxoş vəziyyətdə, sürücülük vəsiqəsi olmadan, yüksək sürət, 2805 manat maddi zərər vuran K.Bayramova hakimin qərarı ilə 2 günlük həbs verilir, bununla da hakim tərəfindən işə yekun vurulur. Digər tərəfdən zərərçəkmişin AR-sı Konstitusiyası ilə qorunan hüquqları gobud şəkildə pozulur, ona dəymiş 2805 manat haqqında bir kəlmə də olsa hakimin qərarında söz açılmır. Şəmkir hüquq mühafizə orqanları, Şəmkir rayon məhkəməsinin hakimi Qalib Paşayev AR-sı vətəndaşlarının hüquqlarını qorumaq əvəzinə onların hüquqlarını pozurlar, buradan məlum olur, belə nəticəyə gəlirik ki, Şəmkir rayon Polis Şöbəsi və Şəmkir rayon Məhkəməsinin hakimi Qalib Paşayev əlbir olaraq rüşvət qarşılığında zərərçəkmişin hüquqlarını pozaraq bu məsələni ört-bastır etmişlər.
Aidiyyəti qurumların bu məsələni ciddi şəkildə araşdırmalarını xahiş edirik”.
Bütün tərəflərin mövqelərini işıqlandırmağa hazırıq...
