NAZİRLİYİN ƏMƏKDAŞI YENİ ƏƏSMN ŞEFİNİN GİZLİ NİYYƏTİNİ AÇIQLADI
DİA.AZ: - Cümə günü əmək və əhalinin sosial müdafiə naziri Səlim Müslümovun apardığı səs-üylü kadr islahatları ilə yaddaqalan oldu. Əslində, prosesə nəzər yetirdikdə Səlim Müslümovun bu ajitoajda maraqlı göründüyü də nəzərlərdən qaçmamışdı. Və redaksiyamıza ƏƏSMN-dəki qaynaqlardan daxil olan informasiyalardan aydın olur ki, əslində Səlim Müslümov sanki reklamına işləyirmiş kimi gedişlər edib. DİA.AZ bildirir ki, bu barədə “savash.org” portalında məlumat verilib.
Nazirlikdəki mənbənin redaksiyamıza ünvanladığı şok faktları diqqətinizə təqdim edirik:
В«Təbii ki, Səlim Müslümov yeni məmur deyil. Bunu hər kəs bilir. Onun ƏƏSMN-ə qədərki fəaliyyəti də hər kəsin xatirindədir. Bu bir faktdır ki, Dövlət Sosial Müdafiə Fondu əhalinin bu günə kimi ən çox narazılıq etdiyi ünvanlardan biri olub. Və dəfələrlə həm mətbuatda və həm də hətta Milli Məclis tribunalarında belə Səlim Müslümovun rəhbərlik etdiyi DSMF-də islahatların aparılması zəruriliyi vurğulanıb.
Yəni o qədər də qənaətbəxş fəaliyyəti olmayan Səlim Müslümov özünü ƏƏSMN rəhbərliyində elə aparır ki, sanki göydən düşüb və bu sistemdə baş verənlər onun üçün qeyri-adi mahiyyət daşıyır. Onun sumqayıtlı əlilin şikayəti ilə Fizuli Ələkbərovdan qalma direktor müavinini işdən çıxarması isə əsl şou idi. Nazir elə davrandı ki, sanki o, əlillərin illik yoxlamadan keçməsi prosedurundan xəbərsiz imiş. Təbii ki, barmağını itirən və yaxud da hansısa əzasından məhrum olan, bunun da nəticəsində əlillik alan bir vətəndaşın hər il tibbi komissiyadan keçirilməsi doğru deyil. Bu da daha çox müvafiq qanunvericiliyin tələblərindən doğan anlaşılmazlıqdır. Amma bu faktdan nazirin sui-istifadə cəhdi tam çılpaqlığı ilə ortada idi.
Səlim Müslümov eyni zamanda daha bir gedişi ilə də sırf imitasiya meylini nümayiş etdirmiş oldu. Söhbət ünvanlı sosial yardım alan vətəndaşların siyahılarının açıqlanmasından gedir. Sizə maraqlı bir faktı açıqlayım. Əslində ÜSM alan vətəndaşların siyahısı keçmiş nazir Fizuli Ələkbərovun vaxtından ictimailəşdirilib və nazirliyin saytında yerləşdirilib. Amma Fizuli Ələkbərovun vaxtında bu iş yetərincə reklam olunmadı.
Bu faktı bilə-bilə Səlim Müslümovun məlum В«uğuraВ» sahiblənərək özünü mətbuatda və ictimaiyyətin gözündə açıq-aşkar reklam etdirməsi heç də peşakrlığa və məmur nəzakətinə uymayan bir hadisə idi. Bəlkə də Səlim Müslümov В«bundan xəbərim yoxdur, olmayıbВ» deyərək vəziyyətdən çıxa bilər. Amma belə olsa da, nazirin əlində fürsət var idi və cümə günü mətbuat qarşısında açıqlaya bilərdi ki, hətta deputat Fazil Qəzənfəroğlunun da təşəkkürünə nədən olmuş bu faktın altında öz imzası yatmır. Deyə bilərdi ki, bu siyahı Fizuli Ələkbərovun vaxtından ictimailəşdirilib. Amma demədi…
Bütün bunlar isə baş verənlərin qayəsində yatan yeganə məramdan xəbər verməkdədir: Səlim Müslümovun ciddi şəkildə reklama ehtiyacı var. Ona görə də bir günün içində 14 rayonun TSEK müdirini işdən qovur. Onların hansı səbəbdən və hansı zərurətdən işdən çıxarıldıqlarını cəmiyyətə açsaq və yaxud da bu barədə onların özləri danışsalar, hər halda, yaradılan şou bir yana, sonrakı nəticələrdən belə nazirin hansısa dividenti əldə etməsi imkansız olacaq. Əksinə, ortaya Səlim Müslümovun əleyhinə işləyən bir mənzərə çıxmış olacaq.
Amma buna rəğmən Səlim Müslümov bəri başdan onları susdurmağın da yollarına baş vurub. İşdən qovulanların yol verdikləri nöqsanlardan dolayı cinayət məsuliyyətinə cəlb olunacağını deyən nazir əslində, açıq-aşkar təhdiddə də bulunmuş oldu. Yəni bu o demək idi ki, danışmayın, məsələnin mahiyyəti üzərə susun, əks halda, sizlər həbs olunacaqsınız. Onlar da təbii ki, susacaqlar. Çünki bu gün ucadan eşidilən səs məhz Səlim Müslümova aiddir. Onun sözünün kəsəri, səsinin ötkəmi daha ağırdır.
Əslində Səlim Müslümovun belə bir В«reklam rolikiВ»nə nədən ehtiyac duymasının nədənləri də gün kimi aydındır. Hər şey ortadadır. Yeni nazir bu gün sözün əsl mənasında Milli Ordumuzun quruculuğuna müsbət töhfələr verən Zakir Həsənovun xeyrinə işləyən ictimai nüfuzun həsədilə eyni şəkildə divident qazanmağa çalışır. Amma alınmayacaq. Çünki Səlim Müslümovdan fərqli olaraq Zakir Həsənovun həyata keçirdiyi islahatların mahiyyəti var.
Müqayisə aparaq. Yeni müdafiə naziri Zakir Həsənov bu gün apardığı kadr islahatlarının müqabilində kimdənsə nə rüşvət tələb etməyib, nə də xərac yığma marağı güdməyib. Onun nazirliyə yüksək vəzifələrə cəlb etdiyi bütün kadrlar, başda general Vasyak olmaqla, onların hər biri öz sahələrinin peşəkarları olmaqla yanaşı, həm də Azərbaycan ordusunun, xüsusən də Azərbaycan dövlətinin hərbi maraqlarına sərf edən kadrlardır.
Amma Səlim Müslümov özünün gedişləri ilə daha çox ucuz şou təəssüratı yaradır. DSMF-də kifayət qədər В«bulaşmışВ» kadrları nazirliyə transfer etməklə Səlim Müslümov heç də В«əhsənВ» qazana bilməz. Heç də Zakir Həsənov kimi alqışlanmaz. Çünki DSMF-nin kadrları da bu cəmiyyətə yaxşı məlumdur. Və onlara sıravi vətəndaşlar gözəl bələddirlər və yaxşı bilirlər ki, Səlim Müslümovun məlum kadr islahatının arxasında yalnız bir məram dayanır: Etibar etdiyi fiqurlar mühüm postlarda təmsil olunmalıdır. Və bu niyyətdən doğan hansısa kadr dəyişikliyini nə kadr islahatı kimi təqdim etmək olmaz, nə də bu prosesin hesabına reklam olunub, ictimai rəğbəti qazanmaq mümkün deyil.
Belə olan təqdirdə, Səlim Müslümovun ucuz şoularının əks-effektlə müşaiyət olunacağını da bəri başdan söyləmək olar. Hətta bu şounun uzantısı olaraq kimlərinsə qolları qandallansa belə… Səlim Müslümov kimsəni səmimiyyətinə inandıra bilməyəcək. Çünki hər kəs onu yaxşı tanıyır… DSMF-dən onu tanıyırlar»…
Bildirək ki, bu ilginc iddialarla bağlı Səlim Müslümovun və nazirliyin mövqeyini də işıqlandırmağa hazırıq…
