Oğlunu itirmiş atanın tükürpədən faciəsi
DİA.AZ: - Redaksiyamıza Bakı şəhəri , Nəsimi rayonu, II – mikrarayon Huseyin Seyidzadə küçəsi, bina 3, mənzil 24 ünvanında yaşayan Fətəliyev Əli Məhəmməd oğlu tərəfindən şikayət ərizəsi daxil olmuşdur. DİA.AZ-a daxil olan şşikayət ərizəsində deyilir :
“ 1999-cu ilin noyabr ayında oğlum Fətəliyev Aqil Bakı şəhər BPİ-nin Səbail RPİ-nin 8-ci PB-nə cinayət axtarış üzrə əməliyyat müvəkkili vəzifəsinə təyinat almışdır. Oğlum Fətəliyev Aqil 8-ci Polis Bölməsində işlədiyi dövrdə Səbail rayonu, Bayıl qəsəbəsində yaşayan müğənni Firuzə İbadovanın qızı Hülya ilə tanış olmuş və aralarında uzım müddətli sevgi münasibətləri yaranmışdır. Bunu təsdiq edən foto şəkillər və videogörüntülər var. Bu münasibətə ailəmiz tərəfindən razılıq verilmədiyindən oğlum Hülyadan aralandı.
24 noyabr 2007-ci il tarixdə oğlum millət vəkili Astan Şahverdiyevin qızı ilə ailə həyatı qurdu. Bundan sonra 17 aprel 2008-ci il tarixdə Firuzə İbadovanın qızı Hülya başqa biri ilə aib həyatı qurdu. Bu illər ərzində Firuzə İbadovanm qızı Hülya ailəsinin maddi durumunun yaxşı olmadığı vaxtlarda həmişə oğlumu axtarmış və oğlum tərəfındən onlara köməklik göstərilmişdir. Təxminən 2009-cu ildə Firuzə İbadova oğluma zəng vuraraq maddi durumunun çox ağır vəziyyətdə olduğunu, borcun içində batdığını, çox adamlara müraciət etdiyini, lakin heç kim tərəfindən ona köməklik göstərilmədiyini bildirmiş və oğlumdan pul istəyərək ona köməklik etməsini xahiş etmişdir.
Oğlum, Firuzə İbadovaya onun istədiyi məbləğdə pulu olmadığmı bildirmişdir. Bundan sonra Firuzə İbadova Bakı şəhəri, Xəzər rayonu, Mərdəkan qəsəbəsində 11 sot torpaq sahəsi olan bağını sənədləşdirməkdə və satmaqda ona kömək etməsini xahiş etmişdir. Qeyd olunan torpaq sahəsinin düz qabağından 4 zolaqlı dəmir yol xətti keçdiyindən, torpaq sahəsinə getmək üçün avtomobil yolu olmadığından, torpaq sahəsinin 6 sot hissəsində iki ədəd yüksək gərginlikli elektrik xətti yerləşdiyindən onu satmaq qeyri-mümkün idi, yəni heç bir alıcı həmin torpaq sahəsini əlverişsiz yerdə yerləşdiyindən almırdı. Oğlum həmin torpaq sahəsinin 0.0488 ha-nı sənədləşdirməkdə Firuzə İbadovaya köməklik etdi, torpağın yerdə qalan 6.2 sot hissəsində iki ədəd yüksək gərginlikli elektrik xətti yerləşdiyindən onu sənədləşdirmək mümkün olmadı.
Həmin ərəfədə mən özümə məxsus В«Mercedes РЎ 180В» markalı avtomobilimi 8 min manata satmışdım. Oğlum mənə Bakı şəhəri, Xəzər rayonu, Mərdəkan qəsəbəsində 11 sot torpaq sahəsini almaq istədiyini bildirdi və mənimlə birlikdə torpaq sahəsinə baxmağa getdik. Mən torpaq sahəsinin əlverişsiz yerdə yerləşdiyini və yararsız yer olduğunu görüb onu almağa razılıq vermədim, lakin oğlumun xahişlərindən sonra həmin torpaq sahəsini nəvəm Rənanın ad gününə hədiyyə almağa razılıq verdim. Həmin torpaq sahəsinin sənədləşdirilmiş 0.0488 ha-nı almaq üçün 8 min manat pul, torpağın yerdə qalan, iki ədəd yüksək gərginlikli elektrik xətti yerləşən, yararsız 6.2 sot hissəsini almaq üçün isə Firuzə İbadovaya şəxsən 6 min manat pul verdim. Bu günədək bağ sahəsinin abadlaşdırılması və lazımi sanitar vəziyyətində saxlanılması üzrə müntəzəm olaraq tərəfımdən əməli işlər görülmüş, ağaclar əkilmiş, bağ sahəsi hasarlanmış və dəmir darvaza qoyulmuşdur.
28 aprel 2013-cü il tarixdə Azərbaycan Respublikası DİN-nin Nəqliyyatda Baş Polis İdarəsinin Cinayət Axtarış İdarəsinin xüsusilə mühüm işlər üzrə baş əməliyyat müvəkkili vəzifəsində (polis polkovnik-leytenantı rütbəsi) işləyən oğlum Fətəliyev Aqil Əli oğlu yol-nəqliyyat hadisəsi nəticəsində dünyasını dəyişmişdir. Oğlumun vəfatından 9 ay keçdikdən sonra müğənni Firuzə İbadova və Rəşid Allahyarov mətbuatda oğluma və onun qaynatası millət vəkili Astan Şahverdiyevə qarşı şər və böhtan xarakterli məlumatlar vermişlər. Belə ki, müğənni Firuzə İbadova əvvəl В«METBUAT.AZВ», В«XƏBƏRÇİ.COMВ», В«GECEMİZ.CEB.AZВ» saytlarında maddi vəziyyətinin yaxşı olmadığından söz açaraq 26 sot torpağı olduğunu, onu satmaq qərarına gəldiyini, 500 manat beh alıb satdığını, qazancının 500 manat olduğunu, torpağı satdığı şəxsin dünyasını dəyişdiyini, kimə nə deyə biləcəyini, torpağının əlindən çıxdığını göstərmişdir.
Bundan sonra Rəşid Allahyarov tərəfındən öyrədilərək guya Bakı şəhəri, Xəzər rayonu, Mərdəkan qəsəbəsində yerləşən 5 sot torpaq sahəsini 30 min dollara satdığını, Rəşid Allahyarov ona 5 min dollar verdiyini, rəhmətlik oğlum isə 9500 dollar verdiyini, yerdə qalan pulu ala bilmədiyini göstərmişdir. Mənim oğlumun müğənni Firuzə ibadovaya bir qəpik də olsun borcu qalmamış və o, Rəşid Allahyarovla şərikli torpaq sahəsi almamışdır. Belə ki, 5 il ərzində Firuzə İbadova nə rəhmətlik oğluma, nə də ailəmə bir dəfə də olsun ona borclu qalmağımız barədə müraciət etməmiş, yalnız oğlumun vəfat etməsindən sonra, 2013-cü ilin avqust ayında Rəşid Allahyarov daxili işlər orqanlarında xidmətdən xaric edildikdən sonra onun tərəfindən təlimatlandırılaraq belə bir qondarma iddia qaldırmışdır.
Müğənni Firuzə İbadovanın Mərdəkan qəsəbəsində yerləşən 5 sot torpaq sahəsini guya 30 min dollara satdığını qondarma iddia etməsi məntiqsizdir. Belə ki, hazırda həmin yerdə torpaq sahəsinin indiki bazar qiyməti 3000-3500 dollar arasındadır. Onunla torpağın alqı-satqısına dair muqavilə 16 iyun 2009-cu il tarixdə bağlanmışdır. Onun 5 ildən sonra qondarma iddia etməsindən belə çıxır ki, o, torpaq sahəsinin 1 sotunu 5 il bundan qabaq 6 min dollara oğluma satmışdır. 2013-cü ilin iyun ayında torpaq sahəsinin düz qabağından keçən 4 zolaqlı dəmir yol xətti götürülərək cənab prezident İlham Əliyevin müvafıq sərəncamına əsasən magistral yol çəkilmiş və torpaq sahəsinə getmək üçün avtomobil yolu açılmışdır.
Hələ oğlumun sağlığında torpaq sahəsinin 6 sot hissəsində yerləşən iki ədəd yüksək gərginlikli elektrik xətti onun tərəfındən müvafıq qurumlara müraciət edilərək götürülmüş və yeri dəyişdirilmişdir. 2013-cü ilin iyun ayında bizə məlum oldu ki, Bakı şəhər Baş Polis İdarəsində əməliyyat müvəkkili vəzifəsində işləyən Allahyarov Rəşid Əhməd oğlu baldızıma məxsus olan Bakı şəhəri, Suraxanı rayonu, Hövsan qəsəbəsində yerləşən 64 nömrəli bağ sahəsinin 3 sot torpağını zəbt edərək 9000 (doqquz min) manata satmışdır. Biz zəbt olunmuş 3 sot torpaq sahəsini alan Gülməmmədov Eynur Qeybulla oğlu ilə əlaqə saxladıq və o, bizə bildirdi ki, həmin 3 sot torpaq sahəsini Allahyarov Rəşid Əhməd oğlundan 9000 (doqquz min) manata almışdır.
Torpağın satılmasına dair saxta sənədləşmə işlərini Allahyarov Rəşid Əhməd oğlu tanışı Əliyev Nazim Xanağa oğlunun vasitəsilə həyata keçirmişdir. Allahyarov Rəşid Əhməd oğlu В«ilkin müqaviləВ» adı altında saxta müqavilə düzəldərək saxta yolla baldızıma məxsus torpaq sahəsinin 3 sotunu Gülməmmədov Eynur Qeybulla oğluna satmışdır. Bununla bağlı baldızım Bahar 25 iyun 2013-cü il tarixdə Azərbaycan Respublikası Daxili İşlər Nazirliyinə şikayət ərizəsi ilə müraciət etmişdir. Müğənni Firuzə İbadova ilə birlikdə torpaq sahəsinə dair, mərhum oğluma və millət vəkili Astan Şahverdiyevə qarşı mətbuatda böhtan xarakterli məlumatlar vermis Allahyarov Rəşid Əhməd oğlu 2013-cü ilin yanvar ayında özünə aid olmayan torpaq sahəsini vətəndaş Elnur Gülməmmədova satdığına, həmin sahəyə aid sənədləri qısa müddət ərzində E. Gülməmmədova təqdim edəcəyinə söz verməklə icrasının mümkün olmayacağını əvvəlcədən bildiyi öhdəliyi üzərinə götürdüyünə, sonuncunun pulunu geri qaytarmaqdan imtina etməklə haqlı narazılığına zəmin yaratdığına, barəsində aparılan xidməti yoxlamanın nəticəsinə təsir göstərmək məqsədilə xidməti mövqeyindən şəxsi məqsədi üçün istifadə edərək Xətai RPİ-də dəftərxana müdiri Ş.Aslanovaya təzyiq göstərməklə Daxili Təhqiqatlar İdarəsində verəcəyi izahatında torpağın onun tərəfindən satılması barədə məlumat verməməsini tələb etməklə haqlı narazılığına zəmin yaratdığına, rəhbərlik tərəfındən mənfı xarakterizə olunduğuna, bu hərəkətləri ilə daxili işlər orqanları əməkdaşı adına və polisin nüfuzuna xələl gətirdiyinə görə Azərbaycan Respublikasının Daxili Işlər Naziri Ramil Usubovun 20 avqust 2013-cü il tarixli əmri ilə daxili işlər orqanlarında xidmətdən xaric edilmişdir.
Bildirirəm ki, Rəşid Allahyarov xidmət etdiyi müddət ərzində 16 dəfə intizam məsuliyyətinə cəlb edilmiş, bunlardan 3 dəfə В«xidməti vəzifəyə tam uyğun olmaması barədə xəbərdarlıqВ» elan olunmuş, 1 dəfə tutduğu vəzifədən azad edilmiş, 1 dəfə isə xüsusi rütbəsi bir pillə aşağı salınmışdır. Bundan başqa, mərhum oğluma və millət vəkili Astan Şahverdiyevə qarşı mətbuatda böhtan xarakterli məlumat vermis, oğlumu camaata külli miqdarda pul atmaqda ittiham etmiş müğənni Firuzə İbadovanın ailə üzvü, doğma bacısı Rəhilə İbadova tənha qocaların etibarından sui-istifadə edərək onları aldadıb mənzillərini ələ keçirməkdə təqsirləndirilən dəstənin üzvlərindən biri kimi ittiham olunaraq həbs edilmiş, Bakı Ağır Cinayətlər Məhkəməsinin 2006-cı il tarixli hökmünə əsasən Azərbaycan Respublikası CM-nin 178.3.2-ci maddəsi ilə təqsirli bilinərək (dələduzluq, yəni etibardan sui-istifadə etmə və ya aldatma yolu ilə özgənin əmlakını ələ keçirmə və ya əmlak hüquqlarını əldə etmə) 9 il müddətinə azadlıqdan məhrum etmə cəzasına məhkum edilmişdir.
Firuzə İbadova mətbuatda göstərmişdir ki, В«deputatın mərhum kürəkəni müqaviləni Solmaz adlı qadının adına bağladı. Ondan soruşdum ki, ay Aqil, bəs bu Solmaz kimdir. Рњənə cavab verdi ki, həmin qadın həyasız alverçinin biridir. Onu belə tanıtdırdı.В» Firuzə İbadovanın qeyd etdikləri gülünc və absurddur. Belə ki, 24 noyabr 2007-ci il tarixdə Yeganə şadlıq sarayında keçirilmiş rəhmətlik oğlumun toy məclisində əvvəldən axıra qədər Firuzə İbadova müğənnilik etmiş, bunun müqabilində ona 1500 dollar pul verilmiş, onun tərəfındən qudalar rəqsə dəvət edilmiş və şəkil çəkdirilmişdir. Necə olur ki, oğlum notariusda Firuzə İbadova ilə alqı-satqıda iştirak etmiş ali savadlı, ziyalı qaynanasını, Firuzə İbadovanm çox gözəl tanıdığı halda, bu cür tanıtmışdır. Bundan başqa ali savadlı baldızım Bakı şəhəri 286 saylı orta məktəbin biologiya müəlliməsi işləmiş və hazırda təqaüdçüdür.
Deyilənə görə, Allahyarov Rəşid Əhməd oğlunun həyat yoldaşı, Firuzə İbadovanm yanında müğənnilik və rəqqasəliklə məşğul olur. Bu da axırı. Bu cür cirkin əməllərlə məşğul olan bu adamlar əslində hüquq – mühafizə orqanlarına müraciət etmək əvəzinə bəzi dırnaqarası mətbuat vasitəsi ilə şər və böhtana əl ataraq bizim ailəni şantaj etməklə pul qazanmağa çalışırlar.”
Bütün tərəfləri dinləməyə hazırıq...
