"Ukrayna prezidenti Vladimir Zelenski qiymətli metallarla bağlı saziş imzalamaq üçün bu həftə və ya gələn həftə bura - ABŞ-a gələ bilər".

Mia.az xarici mətbuata istinadla xəbər verir ki, bu sözləri ABŞ prezidenti Tramp Ağ Evdə Fransa prezidenti Emmanuel Makronla görüşdən sonra jurnalistlərə açıqlamasında deyib.

O, Rusiya-Ukrayna müharibəsini bitirmək üçün səylərini davam etdirdiyini təkrarlayıb: "Prezident Zelenski ilə görüşəcəm. O, faktiki olaraq bu həftə və ya gələn həftə müqaviləni imzalamaq üçün bura gələ bilər. Onunla Oval kabinetdə görüşmək əla olardı. Hazırda razılaşma üzərində iş gedir. Biz yekun razılaşmaya çox yaxınıq. Bu saziş həm ABŞ, həm də Ukrayna iqtisadiyyatına əhəmiyyətli töhfələr verəcək. Rusiya prezidenti Vladimir Putinlə danışıqlar da normal axarala gedir. Rusiya ilə Ukrayna arasındakı müharibəni sona çatdırmağa çalışırıq. Düşünürəm ki, bir neçə həftəlik qısa müddət ərzində böyük bir yol qət etdik".

ABŞ lideri daha sonra Bayden dönəmində Ukraynaya verilən 350 milyard dollarlıq puldan danışıb və deyib ki, bunu geri alacaqlar: "Üzərində işlənən razılaşmaya çox yaxınlaşırıq, müəyyən müddət ərzində biz pulumuzu geri alacağıq. ABŞ Ukraynaya etiyi yardımı heç vaxt heç bir ölkəyə etməyib".

Bu yerdə Tramp və Makron arasında "Ukraynaya yardım" mövzusunda cidid fikir ayrılığı kameralar önündə yaşanıb.

Tramp Makrona xitabən "Gördüyünüz kimi, Avropa Ukraynaya borc pul verir. Beləliklə, onlar pullarını geri alacaqlar", - deyə bildirib.

Makron isə bu zaman onun qolundan dümsükləyərək yalan danışmasını açıq dillə söyləyib.

"Açığı, biz indiyədək Ukraynaya əvəzsiz edilən yardımın 60 faizindən çoxunu ödəədik. ABŞ-ın verdiyi isə kredit zəmanətli qrantları kimi idi, biz isə real, gerçək pul verdik. Avropada dondurulmuş Rusiyanın 230 milyard dollarlıq aktivi var, amma bizə aid olmadığı üçün bu kreditin girovu deyil", - deyə, cavab verib.

Tramp bu cavabla ani şok olsa da, özünü toparlayıb: "Əgər buna inanırsınızsa, problem yoxdurdaha yaxşı. Biz indi puilumuzu geri alırıq".

Tramp daha sonra deyib ki, sülh razılaşması əldə olunarsa, Rusiyaya gedə bilər.

Jurnalistlərdən birinin “Putin üçün diktator deyə bilərsiniz?” sualına isə ABŞ lideri belə cavab verib: “Mən belə ifadələri rahat işlətmirəm”.