DİA.AZ: - Redaksiyamıza kifayət qədər ilginc faktların yer aldığı bir məqalə göndərilib. DİA.AZ olaraq kənd təsərrüfatı sistemində baş verən bir çox maxinasiyalarla bağlı bilgilərdən bəhs edən həmin məqaləni diqqətinizə təqdim edirik:
“Son bir ayda Sizin saytınızda “Azərbaycan Kredit İttifaqları Assosiasiyası” İctimai Birliyi (AKİA) və “İcraçı Kredit Agentliyi” MMC BOKT (İKA) haqqında məqalələr ilə tanış oldum və bu təşkilatların onlar haqqında yazılanları yalan, böhtan, şər və qərəzli bir informasiya olduğunu bəyanat şəklində digər portallarda təkzib etdiklərinin də müşahidəçisi oldum. (http://qafqazinfo.az/xeber-kredit-tkilat-byanat-verdi-t75679.html) Hazırda Azərbaycan Respublikasının bir vətandaşı kimi bu iki təşkilatda olub keçənlər barədə həqiqətləri Respublikanın bütün vətəndaşlarını məlumatlandırmaq istərdim.
Həmin “Bəyanat”ın ilk iki abzasında el arasında Bəy Tərifi kimi adlanan deyimdən istifadə edərək həqiqətləri qeyd etmişlər. Amma bu bəy tərifinin AKİA və İKA-nın ilk 7 (yeddi) illik fəaliyyətini əhatə etdiyi müşahidə olunur, nədənsə son dörd illik fəaliyyətindən heç bəhs edilmir. Arif Əliyevin və Ayaz Quliyevin bu təşkilatlara “rəhbərlik” etdiyi dövrlərdən. Təşkilatın fəaliyyətinin ilkin dövründə olan inkişafı müşahidə edən sabiq Kənd Təsərrüfatı naziri İsmət Abasov İKA-dan müəyyən haqlar tələb etməyə başladı. İKA-nın sabiq rəhbəri Məcid Əsədov və sabiq kredit meneceri Məmməd Hüseynov bir çox qeyri-peçəkar kredit ittifaqlarının (“İlham” Kİ və “Araz” Kİ) rəhbərlərini aldadaraq müxtəlif adlar altında kredit ayıraraq pulları mənimsəyib müyyən qismini sabiq nazirə çatdırırdılar. Bu kredit ittifaqlarında külli miqdarda gecikmələr yarandıqda Məcid Əsədov və Məmməd Hüseynov işdən uzaqlaşmaq qərarına gəldilər. Məcid Əsədova dayılıq edən Texnika Bankın sabiq Müşahidə Şurasının sədri Etibar Əliyev Məcid Əsədovu Kredaqro BOKT-a rəhbər, Məmməd Hüseynovu isə həmin təşkilata filial müdiri təyin etdi. Məmməd Hüseynovun doğmaca dayısı Arif Əliyev isə hər kəsə söylədiyi kimi İsmət Abasova 40000 manat pul verərək və sabiq nazirə aylıq haqqı Məcid Əsədovdan da artıq məbləğdə verəcəyinə söz verərək İKA-nın baş direktoru vəzifəsini əldə edə bildi. Sonra isə Kredit İttifaqlarına hədə qorxu gələrək İKA-nın 100% təsisçisi olan AKİA-da nazirin göstərişi ilə müəyyən dəyişikliklər edərək öz yaxın adamları olan Ayaz Quliyevi AKİA-ya sədr təyin etdilər. Ayaz Quliyevin əli ilə yeddi kredit ittifaqlarının (“Aşıxlı” Kİ, “Aran” Kİ, “Tərəkəmə” Kİ, “Hindarx” Kİ, “Ləman” Kİ, “Astanlı” Kİ, “Masallı” Kİ) köməkliyi ilə AKİA-da qondarma Ümumi Yığıncaq təşkil edərək İKA-nın təsisçiliyini Arif Əliyevə verdilər. Bütün bunları sistemli şəkildə qruplaşdırdıqları kimi İKA-nın dövriyyəsində olan Dünya Bankı tərəfindən ayrılan 18 milyon ABŞ dolları vəsaiti bir qrup yuxarıda adları çəkilən və digərləri kredit ittifaqları rəhbərlərinə təyinatsız paylanılaraq mənimsənildi.
Arif Əliyevin bəyanatda dövlət büdcəsinə İKA və Kİ-lərdən külli miqdarda mənfəət və gəlir vergisi ödənildiyindən bəhs edir. Halbuki 14 milyon gecikməsi olan təşkilat ümumiyyətlə nəyinki mənfəət vergisi hətta gəlir vergisi vermək iqtidarında deyildir. Çünkü onların özlərinin də etiraf etdikləri kimi təşkilatda 14 milyon gecikmə vardır. Kənd Təsərrüfatının İnkişafı və Kreditləşdirilməsi Layihəsi çərçivəsində Beynəlxalq İnkişaf Assosiasiyasının (BİA) vəsaiti ilə Kİ-lərə ayrılan qısa müddətli kreditlər layihəsi 2012-ci il 29 fevral tarixində başa çatmışdır və nədənsə bu zamana kimi onlar kredit portfelində qalıq 14 milyon ABŞ dollar olduğu qeyd edirlər əgər kreditlərin müddəti qısa müddətli idisə, niyə görə bu 14 milyon dollar iki il müddətində Dövlət büdcəsinə geri qaytarılmamışdır. Çünkü Arif Əliyev İKA-da süni gecikmələr edərək Kİ-lərdən rüşvət alaraq onlara verilən kreditləri müxtəlif adlar altında restruktrizasiya və kapitalizaya adları ilə uzatmaqda davam edir. Nədənsə bu zamana qədər nə Mərkəzi Bank və nə də Vergilər Nazirliyi bu hadisələrə göz yumur.
Bəyanatda ən maraqlısı öz cinayətini dili ilə açıqlamasıdır. Dediyinə görə guya əldə olunan vəsaitləri kredit ittifaqları institutunun yaradılmasına sərf ediləcəyini göstərir. Kredit İttifaqları üçün 10 il bundan əvvəl yaradılması və inkişafı üçün nəzərdə tutulan xüsusi Kredit İttifaqı Fondu hal-hazırda mövcüd deyil. Çünki bu vəsait İsmət Abasovun göstərişi ilə Texnika bankın sabiq Müşahidə Şurasının sədri Etibar Əliyevin əli ilə mənimsənilmişdir. Bütün yuxarıda qeyd olunanların nəzarətdən kənarda qalması təəccüb doğurur. Halbuki Dünya Bankının Azərbaycandakı nümayəndəsi Rufiz Çıraqzadə və Layihənin rəhbəri Hüseyn Hüseynov Kİ Fondunda olan vəsaiti hara xərclənməsini və eyni zamanda yeni Kİ-lərin yaradılmasına nəzarət etməli idilər.
Arif Əliyev və Ayaz Quliyev ictimaiyyətə gülüş doğuran, saxta-yalan bəyanatlar verməkdənsə, İKA-da cinayət törədən Məcid Əsədov, bacısı oğlu Məmməd Hüseynov, dövlət orqanlarına saxta-yalan hesabatlar hazırlayan daxili auditor Vidadi Musayev və baş mühasib Tahirə Qurbanova, İsmət Abasova çamadan dolu pulları daşıyan Fəqan Əliyev, özünü İsmət Abasovun qohumu adlandıran Fatma Abbasova, yuxarıda adları çəkilən cinayətkar kredit ittifaqlarının rəhbərləri və Salyanda bir qrup dələduzların əli ilə etdiyi cinayətkar əməlləri haqqında açıqlama versin”.
Bütün tərəfləri dinləməyə hazırıq...
