"Azərsu" rəhbərliyi, Kəlbəcər İcra Hakimiyyəti və Eren Mollaoglu: tenderlər, pullar və təhlükəli əlaqələr...
Qarabağda quruculuq adı altında yeni şəbəkə qurulur: adı “qardaşlıq”, içi isə korrupsiya və təhlükə ilə doludur. Bu barədə "DİA-AZ" olaraq diqqətinizə olduqca ilginc faktları təqdim edirik və ümid edirik ki, əlaqədar qurum və təşkilatlar çox ciddi əhəmiyyət daşıyan bu faktları ciddiyə alaraq, konkret qərarlar verəcək. Beləliklə...
Son aylarda Kəlbəcər rayonu və Azərsu ASC ətrafında baş verənlər cəmiyyət üçün narahatedici siqnallardır. İddialara görə, Azərsu ASC-nin hazırkı rəhbəri Zaur Mikayılov və Kəlbəcər rayon İcra Hakimiyyətinin başçısı Azər Qocayev, xarici və təhlükəli əlaqələri olan bir şəxslə — Eren Mollaoglu ilə əməkdaşlıq edirlər. Bu əməkdaşlıq artıq ictimai sərhədi keçərək milli təhlükəsizlik səviyyəsinə çatmaqdadır.
Eren Mollaoğlu – kimdir və niyə bu qədər önəmli fiqura çevrilib?
Əldə olunan məlumata görə, Eren Mollaoglu Türkiyə vətəndaşı, kürd əsillidir və Türkiyədə PKK-nın siyasi qanadı sayılan HDP-yə səs verib. O, özünü Türkiyə Prezidenti Rəcəb Tayyib Ərdoğanın nümayəndəsi kimi təqdim edir, amma bu tamamilə yalan və saxta imicdir. Həqiqətdə, Erin nə Ərdoğanın, nə də Türkiyə dövlətinin rəsmisidir. O, FETÖ və PKK ilə əlaqəli dairələrlə təmasdadır.
"Azərsu" tenderləri kimə və necə verilir?
İddialara əsasən, Erin Mollaoglu, Azərsun-un keçmiş rəhbərləri – Qorxmaz və Elman vasitəsilə Azərbaycanda illərlə böyük pullar qazanıb. Bu gün isə Azərsu-nun hazırkı rəhbəri Zaur Mikayılov ilə yaxınlıq quraraq, müxtəlif tenderlərə “xod” tapıb. Tenderlərin birbaşa Erin Mollaoglu-nun şirkətlərinə verildiyi bildirilir. Bu, dövlət büdcəsinin ciddi şəkildə istismar edildiyini göstərir.
Kəlbəcərdə baş verənlər daha da ağırdır
Erin Mollaoglu hazırda Kəlbəcər rayonunda restoran, market, aptek və digər obyektlər tikdirib. Bildirilir ki, bu obyektlər İcra başçısı Azər Qocayevlə razılaşdırılmış şəkildə tikilib. Hətta Erin açıq şəkildə deyir:
“Azərin marketini, aptekini, restoranını mən tikmişəm. Məni rahat buraxın.”
İddialara əsasən, bu işlər qarşılığında Azər Qocayev bir dəfə 50 min manat, bir dəfə isə 100 min manat pul alıb.
Çağırış: Dövlət orqanları bu məsələyə dərhal müdaxilə etməlidir!
Biz "DİA-AZ" olaraq Dövlət Təhlükəsizliyi Xidmətinə, Baş Prokurorluğa, Daxili İşlər Nazirliyinə, Dövlət Miqrasiya Xidmətinə və Azərbaycan Respublikasının Prezidenti yanında Korrupsiyaya Qarşı Mübarizə İdarəsinə çağırış edirik:
• Azərsu ASC-nin rəhbərliyi tərəfindən Erin Mollaoglu’na verilən tenderlər araşdırılsın!
• Kəlbəcər rayon İcra Hakimiyyətinin Erinlə əlaqələri və tikinti razılaşmaları yoxlanılsın!
• Erin Mollaoglu-nun ölkəmizdəki fəaliyyəti, əlaqələri və arxasında duran güclər tam ifşa olunsun!
Azərbaycan dövləti təmizlənməlidir. Dövlət adına işləyən, amma şəxsi maraqlar güdən məmurlar və onların xarici əlaltıları ifşa olunmalıdır.
Bu artıq məsələ deyil. Bu, milli təhlükəsizlik məsələsidir.
MÖVZUYA QAYIDACAĞIQ...
