SOCAR-ın sahə üzrə məsul şəxslərinə və Dövlət Əmək Müfəttişliyi Xidmətinin rəhbərliyinə xitabən ilginc məqamla bağlı izahat tələb edən Neftçilərin Hüquqlarının Müdafiəsi Təşkilatının (NHMT) sədri Mirvari Qəhrəmanlı SOCAR işçisi Rac Kərimovun sual dolu müraciətini ictimailəşdirib. "DİA-AZ" həmin açıqlamanı təqdim edir:
"1) Nəyə görə neftçi boşdayanmada olanda neftçiyə "oklad"ın 3/2-ni odəyirlər - umumi əmək haqqının 3/2-ni yox. Amma bu kimi (məs:HT üzvülüyünə) tutulmalar olanda ümumi əmək haqqının 1 faizini tuturlar?
2) SOCAR bütün neftciləri tibbi sığorta ilə sığortaladığı halda nəyə görə bizlərdən əlavə hər ayın əməkhaqqısından icbari tibbi sığortaya pul tutulur?
Axı şirkət onsuz da bizi sığortalayıb? 
Deyilənə görə 50 min manata illik.
3) Nəyə görə mən icbari tibbi sığortaya ümumi əməkhaqqının 2 faizini ödəməliyəm amma digər deyək ki təşkilatda işləyən vətəndaş qat-qat aşağı məbləğ ödəyir və mənim ödənişimlə onun ödənişinin arasında kifayət qədər fərq olduğu halda sığorta xidmətində mənim kimi digər ödəyicilərə heç bir üstünlük verilmir? 
Avam görüblər biz neftçiləri? 
Axı biz o pulu gecə və gündüz ağır şəraitdə həyatımızı riskə ataraq qazanırıq.
4) Nəyə görə mən tibbi sığortaya ikitərəfli (həm şirkət tərəfindən və həm də hər ay əməkhaqqımdan tutularaq) pul ödədiyim halda müayinədən ötrü durub Masallıdan Bakı şəhərinə gəlməliyəm?
Ölkədəki səhiyyə ocaqlarının hamısı bir quruma tabe deyil? 
Yoxsa hərəsi bir ayrı respublikadır?
Yuxarıdakıların 100 % ödəniş davası barədə bir şey deyə bilmərəm, amma yerlərdəki həmkarlar təşkilatı tam öz funksiyalarını (işçinin hüququnu müdafiə etmək kimi) yerinə yetirə bilməsələr də, heç olmasa işçiləri maddi yardım, bayram hədiyyələri və istirahət zonalarına göndərişlərlə (elektron həmkarlar yaradılana qədər) təmin etməyə çalışırdılar, isti yay günlərində məsələn, bizim idarənin həmkarlar ittifaqı məcəlləyə uyğun olaraq işçiləri sərinləşdirici içkilərlə, hətta sosial şöbənin etməli olduğü məişət texnikaları və s. avadanlıqları ilə də təmin edir. 
Bəs bu bizim✅ Dövlət Əmək Müfəttişliyi Xidməti Facebook-da özünü reklam xəbərlərini paylaşmaqdan başqa nə iş görür görəsən?
Hansı funksiyaları yerinə yetirirlər?
Hansı istehsalat sahələrində monitorinqlər keçiriblər?
✅Mənim ərizəmi mənim idarəmə, idarənin cavabını isə mənə göndərəcəksə, ümumiyyətlə, bu qurum kimə və nəyə lazımdır?"