Xətai rayon Gigiyena və Epidimiologiya Mərkəzi Mərkəzin ehtiyacları üçün 222920 xərc maddəsi üzrə xidmətlərin və 221900 xərc maddəsi üzrə malların satınalınması üzrə 21.10.2025-ci ildə başladığı kotirovka sorğusuna 28.11.2025-ci ildə yekun vurub. Müsabiqənin qalibi “BOSLO AZ” Məhdud Məsuliyyətli Cəmiyyəti seçilib və tərəflər arasında 14.122 manat məbləğində satınalma müqaviləsi bağlanılıb. Məlumat satınalmalarının portalında 02.12.2025-ci dərc edilmişdir.

Qeyd edək ki, Xətai rayon Gigiyena və Epidimiologiya Mərkəzi Mərkəzin qalib seçdiyi MMC kotirovka sorğusu proseduru başlamazdan cəmi 35 gün əvvəl dövlət qeydiyyatına alınıb.

Dövlət Vergi Xidmətinin hüquqi şəxslərin dövlət reyestrinə daxil edilmiş məlumatlarında “BOSLO AZ” (VÖEN: 1407375651) Məhdud Məsuliyyətli Cəmiyyətinin 16.09.2025-ci il tarixdə Bakı şəhəri Lokal Gəlirlər Baş İdarəsində dövlət qeydiyyatına alındığı göstərilir. Reyestr məlumatlarında nizamnamə kapitalı 10 manat olan MMC-nin hüquqi ünvanının, BAKI ŞƏHƏRİ NƏSİMİ RAYONU, AZƏR ƏLİYEV, ev.9A, m.32, qanuni təmsilçisi kimi isə Balayev Səbuhi Gülhüseyn oğlu olduğu qeyd olunub.

Dövlət Vergi Xidmətinin məlumatlarından da göründüyü kimi “BOSLO AZ” 16.09.2025-ci il tarixdə dövlət qeydiyyatına alınıb. Satınalmaların portalına yerləşdirilmiş məlumatlarda isə Xətai rayon Gigiyena və Epidimiologiya Mərkəzinin kotirovka sorğusunu 21.10.2025-ci ildə başladığı göstərilir. Göründüyü kimi Xətai rayon Gigiyena və Epidimiologiya Mərkəzi satınalma prosuduru başlamazdan cəmi 35 gün əvvəl dövlət qeydiyyatına alınmış bir MMC ilə müqavilə bağlamışdır.

Bəs qanun necə buna yol verirmi? “Dövlət satınalmaları haqqında” Qanunun 23-cü maddəsində təchizatçıların uyğunluq göstəriciləri müəyyən edilib. Təchizatçılara dair ümumi tələblər bunlardır:

“Lisenziyalar və İcazələr” haqqında Azərbaycan Respublikasının Qanunu ilə tələb olunduqda, müvafiq sahibkarlıq fəaliyyətinin həyata keçirilməsi və ya müəyyən hərəkətlərin yerinə yetirilməsi üçün müvafiq lisenziyaya və ya icazəyə malik olması; son bir il ərzində iki dəfə və ya daha çox Azərbaycan Respublikasının Əmək Məcəlləsində nəzərdə tutulmuş qaydada əmək müqaviləsi (kontraktı) hüquqi qüvvəyə minmədən işəgötürən tərəfindən fiziki şəxslərin hər hansı işlərin (xidmətlərin) yerinə yetirilməsinə cəlb edilməsinə görə maliyyə sanksiyasının və ya inzibati cərimənin tətbiq edilməsi; satınalma müqaviləsinin icrası üçün müvafiq sahədə peşəkarlığının və təcrübəsinin olması;

Xüsusilə qeyd etmək istərdik ki, Xətai rayon Gigiyena və Epidimiologiya Mərkəzi daha əvəl keçirdiyi satınalmalarda da, “Dövlət Satınalmaları Haqqında” Azərbaycan Respublikası Qanununun tələblərinə əməl etməmiş, bağlanmış müqavilələrdə qanun pozuntularına yol verilməsinə şübhə yaradan bir sıra hallara yol vermişdir. Bu və digər məlumatlardan belə çıxır ki, Xətai rayon Gigiyena və Epidimiologiya Mərkəzində satınalma qanunları işləmir.

Belə ki, Mərkəz dəftərxana, təsərrüfat və mətbəə mallarının satınalınması üzrə 19.05.2025-ci ildə “ŞAM BAKU 2024” Məhdud Məsuliyyətli Cəmiyyəti ilə 20.000 manat məbləğində satınalma müqaviləsi bağlamışdır.

Dövlət Vergi Xidmətinin hüquqi şəxslərin dövlət reyestrinə daxil edilmiş məlumatlarında “ŞAM BAKU 2024” (VÖEN: 1806885301) Məhdud Məsuliyyətli Cəmiyyətinin 02.12.2024-cü il tarixdə Bakı şəhəri Lokal Gəlirlər Baş İdarəsində dövlət qeydiyyatına alındığı göstərilir. Reyestr məlumatlarında nizamnamə kapitalı 10 manat olan MMC-nin hüquqi ünvanının, BAKI ŞƏHƏRİ, SABUNÇU RAYONU, SARABSKİ , ev.18, qanuni təmsilçisi kimi isə Çarçarova Aysel Əziz qızı olduğu qeyd olunub.

Mərkəz 221100, 221200 və 221900 xərc maddəsi üzrə malların satınalınması üzrə 01.09.2025-ci ildə “FORRER STN” Məhdud Məsuliyyətli Cəmiyyəti ilə 6.999 manat məbləğində satınalma müqaviləsi bağlamışdır. Bu satınalmanın ehtimal olunan qiyməti 16.000,00 manat müəyyən edilmişdir. Amma Xətai rayon Gigiyena və Epidimiologiya Mərkəzi ehtimal olunana qiymətdən dəfələrə aşağı qiymətə müqavilə bağlamışdır ki, bu qanunla yolverilməzdi.

Dövlət Vergi Xidmətinin hüquqi şəxslərin dövlət reyestrinə daxil edilmiş məlumatlarında “FORRER STN” (VÖEN: 1407049561) Məhdud Məsuliyyətli Cəmiyyətinin 02.12.2024-cü il tarixdə Bakı şəhəri Lokal Gəlirlər Baş İdarəsində dövlət qeydiyyatına alındığı göstərilir. Reyestr məlumatlarında nizamnamə kapitalı 10 manat olan MMC-nin hüquqi ünvanının, BAKI ŞƏHƏRİ, NƏSİMİ RAYONU, MİRZƏ FƏTƏLİ AXUNDOV, ev.33, m.19, qanuni təmsilçisi kimi isə Çarçarova Aysel Əziz qızı olduğu qeyd olunub.

Göründüyü kimi Xətai rayon Gigiyena və Epidimiologiya Mərkəzinin Satınalma Komissiyası eyni gündə dövlət qeydiyyaatına alınmış bir nəfərin qanuni təmsilçisi olduğu iki MMC ilə satınalma müqaviləsi bağlamışdır. Bu da keçirilmiş kotirovka sorğusu prosedurlarında saxtakarlıq hallarına yol yerildiyinə əsaslı şübhələr yaradır.

Qeyd edək ki, Xətai rayon Gigiyena və Epidimiologiya Mərkəzinin satınalma müqaviləsi bağladığı MMC-lərin heç birinin barəsində açıq mənbələrdə heç bir məlumat yoxdu. Bu MMC-lərin Nazirlər Kabinetinin Qərarı müəyyən edilmiş texniki baza, təchizatçı haqqında və oxşar işlər üzrə təcrübəsi barədə heç bir məlumat yoxdur.

Qeyd edək ki, Xətai rayon Gigiyena və Epidimiologiya Mərkəzinin Yasən Cabbarovdu. Onun bu vəzifədə 2023-cü ilin aprelindən çalışdığı bildirilir.

Aktualinfo.net