GİZLİ YOLLA ÇATDIRILAN PULLAR BAŞ NAZİRİN GEDİŞİNİ ZƏRURİ EDİR
DİA.AZ: - 2010-cu ilin oktyabr ayından etibarən dünyanın müxtəlif ölkələrində çalışan amerikalı diplomatların Vaşinqtona ünvanladığı məxfi teleqramları açıqlayan “WikiLeaks” saytı zamanında açıqladığı bir məlumatı ilə Azərbaycanda əməlli-başlı şok yaratmış oldu. Möhbət Azərbaycanın baş naziri Artur Rəsizadə ilə bağlı faktlardan gedir. Xatırladaq ki, ABŞ-ın ölkəmizdə səfiri olmuş Enn Dersi 2008-ci il 24 oktyabr tarixli gizli teleqramında səfirlik əməkdaşlarının keçmiş dövlət müşaviri, politoloq Vəfa Quluzadə ilə İran məsələsi ilə bağlı apardığı müzakirənin detalları öz əksini tapıb.
Amerikalı diplomat məktubunda yazır ki, səfirliyin İran üzrə mütəxəssisləri ilə sabiq prezident Heydər Əliyevin xarici siyasət məsələləri üzrə müşaviri olmuş, politoloq Vəfa Quluzadənin görüşü zamanı ABŞ-ın regionla və xüsusilə də İranla bağlı siyasəti müzakirə olunub. Müzakirələr zamanı İranda baş verən hadisələr, İran-Rusiya, İran-Azərbaycan əlaqələri, ABŞ-ın İrandakı rejim və iranlılara münasibəti ətrafında geniş fikir mübadiləsi aparılıb. Səfir Vəfa Quluzadənin İran rejimini ən sərt tənqid edən siyasi şərhçi olduğunu da vurğulayıb. Diplomat politoloqun Rusiya əleyhinə də çıxışlar etdiyini xatırladıb.
Enn Dersinin məxfi teleqramında diqqət çəkən məqam ondan ibarətdir ki, Vəfa Quluzadə diplomatlarla görüşdə Azərbaycan hökumətinin yüksək vəzifəli şəxslərinin İranla sıx biznes əlaqələrinin olduğunu söyləyib. Keçmiş dövlət müşaviri səfirlik əməkdaşlarına bildirib ki, baş nazir Artur Rəsizadə, onun müavini Abid Şərifov və xarici işlər nazirinin müavini Xələf Xələfov İranın hakimiyyəti və iş dünyası ilə əməkdaşlıq edir: “Politoloqun sözlərinə görə, Rəsizadə, Şərifov və Xələfov İrandan külli miqdarda ”stolaltı” maliyyə alır. Quluzadə İranın, hətta onu da ələ almağa cəhd göstərdiyini bildirib. Vəfa Quluzadə səfir Abbasəli Həsənovun da İrandan maliyyə dəstəyi aldığını ehtimal etdiyini söyləyib”.
Enn Dersi gizli teleqramın qeyd hissəsində baş nazirin müavini Abid Şərifovun hökumətin ictimai inşaat layihələri üzrə məsul şəxs olduğunu, ölkənin korrupsioner məmurlarından biri kimi tanındığını qeyd edib. Diplomat daha sonra yazır ki, Abid Şərifovun, hətta Azərbaycanda narkotik maddələrin ticarətindən gələn gəlirlərdə paya sahib olduğu iddia edilir. Dersi Xələf Xələfov haqda isə yazır ki, nazir müavini Xəzər dənizinin statusu ilə bağlı danışıqlarda Azərbaycan hökumətinin təmsilçisidir. Onun İranla sıx əlaqələri var.
İndi isə bu məlumatların Azərbaycana çox ciddi problemlər yaratması haqda yeni bilgilər əldə etmişik. Bu barədə DİA.AZ-ı məlumatlandıran hökumət içindəki mötəbər mənbə idida edir ki, son günlər İranla münasibətlərində ciddi problemlər yaşayan rəsmi Bakı bir sıra addımları atmaq niyyətinə düşüb ki, bunların da sırasında məhz İranın xüsusi xidmət orqanları ilə əlaqələri olan məmurların proseslərdən dəcrid edilməsilə bağlıdır. Mənbəmiz bildirir ki, bu gün çoxlu sayda azərbaycanlı məmurun İranla əlaqədə olması səbəbindən YAP iqtidarının fars-molla rejimindən qopa bilməsi üçün cidi arınmaya ehtiyacı var.
Xatırladaq ki, ötən günlərdə diqqətinizə çatdırdığımız məlumatların birində vurğulamışdıq ki, Artur Rəsizadə gediş ərəfəsindədir və onun В«AvroviziyaВ» mahnı müsabiqəsinin ardından yola salınması ilə bağlı yekun qərar verilib. Mənbəmiz iddia edir ki, əslində Artur Rəsizadənin baş nazir postundan azad edilməsi heç də həmin vəzifəyə yeni kadrın təyin edilməsi istəyilə bağlı deyil. Sadəcə olaraq, artıq öz içindəki İran bağını qırmağa çalışan rəsmi Bakı bu məqsədlə yuxarı pillələrdən başlamaq etibarilə yeni arınma prosesinin start düyməsini basmaq fikrindədir.
Onu da bildirək ki, dünənə qədər Artur Rəsizadənin gəlir sahələri ilə bağlı yerli ictimaiyyətdə tutarlı informasiyalar olmayıb. İndi isə bu kimi faktlardan da aydın olur ki, əslində baş nazirimizin Azərbaycanda bir qəzet budkasına belə В«krışalıqВ» etməməsinin əss nədəni əslində, onun bu kimi gəlir sahələrinə ehiyacının olmaması ilə bağlı imiş. Məlumatlı mənbələr iddia edir ki, əslində Vəfa Quluzadənin Artur Rəsizadə ilə bağlı açıqladığı faktlar heç də hamısı deyilmiş və dünənə qədər bizim В«dişsiz balıqВ» kimi tanıdığımız baş nazirimiz əslində İran-Azərbaycan-Rusiya narkotranzitindən ciddi pay götürən fiqurlardan biri imiş. Bununla yanaşı, İranın xüsusi xidmət orqanları dəfələrlə başqa-başqa istiqamətlərdən - hansı ki həmin istiqamətlərə Artur Rəsizadə В«krışalıqВ» edib - həmin istiqamətlərdən əldə olunan gəlirlərdən də ciddi pay əldə edib və günü bu gün də etməkdədir.
Mənbəmiz onu da bildirdi ki, bu gün rəsmi Bakını В«nədən İranla bağları tezliklə qırmırsınızВ» deyərək qınayanlar da enində-sonunda bu nəticəyə gəlirlər ki, əslində bu bağlar hakimiyyətin çox dərinliklərinə işləyib və bu gün hətta İsrail-Azərbaycan yaxınlaşmasının yaratdığı hərarət belə həmin dərinlikləri simvolizə edən körpülərin bir günün içində yanaraq külə dönməsini mümkün etmir.
Onu da xatırladaq ki, keçən günlərdə Artur Rəsizadənin görəvdən alınmasının ardından onun yerinə gənc kadrın təyin ediləcəyini də söyləmişdik. Məlumatlı mənbəmiz bu faktı təsdiqləməklə yanaşı, onu da əlavə etdiy ki, yeni baş nazirimiz Qərblə və xüsusən də ABŞ və İsraillə çox gözəl münasibətlərdə olan birisi olacaq.
