HƏLƏ DƏ DOSTUMUZU DÜŞMƏNİMİZDƏN AYIRD EDƏCƏK SƏVİYYƏDƏ DEYİLİK
DİA.AZ: - Azərbaycan yenə də İranın təbliğat maşının hədəfindədir. Amma bu dəfə əleyhimizə öz vətəndaşlarımızın dili ilə kampaniya aparırlar. Söhbət Hicab və Hicab Məhbuslarını Müdafiə Komitəsinin sədri Faiq Vəlizadədən və onun Təbrizdə etdiyi çıxışından gedir. Maraqlıdır ki, Faiq Vəlizadə tam gücü ilə ermənilərə dəstək verən fars-molla rejimini bir müsəlman iqtidarı kimi qəbul edərək Azərbaycanın problemlərinin həllindən onlardan dəstək istəyir.
DİA.AZ bildirir ki, məhz bu çıxışı ilə də əslində Faiq Vəlizadə dolayısı ilə İranın antiAzərbaycan fəaliyyətinə də haqq qazandırmış olur. Hər halda, bu gün Azərbaycanda inanclı insanların siyasi təqiblərə məruz qalması heç də kiməsə rəvac vermir ki, öz ölkəsinin və dövlətinin milli maraqlarını konkret şəkildə Azərbaycana düşmən olan bir ölkəyə qurban versin. O zaman gərək Azərbaycanın siyasi müxalifəti də eyni uğurla Ermənistanla və yaxud da Azərbaycana düşmən olan bir başqa ölkə ilə əməkdaşlığa getsin. Təbii ki, bu olası iş deyil. Amma buna baxmayaraq, özlərini В«inanclı insanlarВ» adlandıran bir qrup bu gün əslində Azərbaycanda İslamın yox, İranın davasını aparırlar.
Hər halda, onlar da fars dəyirmanına su tökdükləri zaman bilməli idilər ki, İranın bir dövlət olaraq nə İslama və nə də şiəçiliyə aidiyyatı yoxdur və bu ölkə sırf olaraq fars şovinizminə xidmət etməkdədir. Əgər belə olmasaydı və əgər İran hakimiyyəti səmimi şəkildə İslama bağlı olsaydı, o zaman Azərbayanda hansı qüvvələrin hakimiyyətdə olmasına baxmayaraq, yenə də çoxluğu şiə olan Azərbaycan xalqına dəstək verməyində davam edərdi. Axı peyğəmbərimiz də buyurur ki, əgər pis adam özünün pis əməlindən yorulmursa, nədən sən yaxşılıq etməyindən yorulasan. Hətta qarşılıqsız olduğu halda belə…
Deməli, məsələ tamam fərqlidir. Və yazıqlar olsun ki, bu gün Azərbaycanda yetərincə saya malik insanlar da var ki, onlar İranın Azərbaycana hansı səviyyədə düşmən mövqedə dayanmasının fərqinə vara bilmirlər. Və fars-molla rejiminin dövlətimizə qarşı təbliğatında bir alət olmağa belə hazırdırlar.
Beləliklə, bu qəbildən olan və В«arannyusВ» portalında yer almış daha bir materialı diqqətinizə çatdırırıq:
В«Azərbaycan Respublikasında Hicab və Hicab Məhbuslarını Müdafiə Komitəsinin sədri Təbriz əhalisi və İran xalqının Azərbaycan Respublikasının məzlum xalqına kömək etməsini istədi.
Azərbaycan Respublikasında Hicab və Hicab Məhbuslarını Müdafiə Komitəsinin sədri höccətülislam Faiq Vəlizadə Təbrizdə keçirilən “Azərbaycan Olaylarına Hüquqi Baxış” konfransında deyib: Müsəlman olmağımız bizə dünyanın hansı nöqtəsində olmağımızdan asılı olmayaraq, müsəlmanların vəziyyətinə diqqət göstərməyimizi tələb edir. Bu arada Azərbaycan Respublikası yeni müstəqillik əldə etmiş bir ölkə kimi dünya müsəlmanlarının xüsusilə də İran müsəlmanlarının daha artıq diqqətinə ehtiyaclıdır.
F.Vəlizadə əlavə edib: Ayətullah Müctəhid Şəbistərinin Azərbaycandakı islami hərəkətləri himayə etməsi bizim üçün böyük bir qənimət hesab olunur.
Azərbaycan Respublikasından olan bu ruhani çıxışının əvvəlində müstəqillik illərində “Allahu-Əkbər” şüarı ilə sinələrini kommunistlər və ermənilərin tankları qarşısında sipər edən şəhidlərin ruhunu yad edərək, deyib: Bu gün bizim xalqımızın haqq və hüquqları 3 baxımdan pozulmaqdadır. Birincisi, biz hazırda müharibə şəraitində yaşayırıq. Ölkəmizin 20%-i o cümlədən 12 iri şəhərimiz ermənilərin işğalı altındadır. Bu məntəqədə 300-dən artıq məscid və 100-dən artıq imamazada dağıdılıb. Bir milyon iki yüz mindən çox Qarabağ müharibəsi didərgini qeyri-münasib yaşayış vəziyyətinə malikdir. Yalnız Xocalı faciəsində 3 min qadın əsir alınmış, 600 qadın və uşaq qətlə yetirilmişdir. BMT 4 qətnamə qəbul edərək, bizim işğala məruz qaldığımızı təsdiq etsə də, indiyə kimi Qarabağ vədigər işğal altında olan ərazilərin azad edilməsi üçün heç bir tədbir görülməyib və Azərbaycan hökumətinin mövqeyi də Qarabağla bağlı zülmün daha da şiddətlənməsinə səbəb olub. Çünki, bu məntəqələrin azad edilməsi məsələsində sionistlər və Qərbə bel bağlayır. Bu da ötən 20 ildə heç bir nəticə verməyib.
Höccətülislam Vəlizadə əlavə edib: Qarabağın azadlığı yoРґu mübariz azərbaycanlı gənclərə, bir neçə il öncə təkbaşına bir neçə işğalçını məhv edən şəhid Mübariz kimi gənclərə etimad etməkdir. Amma, təəssüflər olsun ki, Azərbaycan hökuməti xalqı elə bir istiqamətə aparır ki, din və əqidə xalqın əlindən alınsın və insanlar öz kimliyini itirsin.
Hicab və Hicab Məhbuslarını Müdafiə Komitəsinin sədri Azərbaycan Respublikasında insanların haqq və hüquqlarının pozulmasının ikinci cəhətini hökumətin İslam dininə qarşı yönəlmiş siyasətləri adlandırıb və deyib: Hazırda 100-dən artıq günahsız və pak insan qondarma ittihamlar o cümlədən qanunsuz olaraq silah və narkotik maddə daşımaq, xuliqanlıq və vətənə xəyanət ittihamları ilə məhbəsdədir. Halbuki, onların yeganə günahı hicab qadağası və İslama qarşı digər məhdudiyyətlərə etiraz etməkdir.
Höccətülislam Faiq Vəlizadə Azərbaycan Respublikasında hicab qadağasının arxasında sionistlər və imperialistlərin dayandığını deyərək, vurğulayıb: Bu gün Azərbaycanda ictimai azadlıqlar əxlaq normaları və qanunlar ilə heç bir uyğunluğa malik deyil. Görəsən, Bakı rəsmiləri üçün dini və əxlaqi dəyərlərin heç bir önəmi yoxdur?
F.Vəlizadə Azərbaycan Respublikası hökumətinin Bakıda Avroviziya mahnı müsabiqəsi və Gey Paradın keçirilməsinə hazırlaşmasını habelə, bu tədbirlərin tənqidçiləri ilə rəftarlarını ölkədə insan haqlarının pozulmasının digər nümunəsi adlandırıb.
Höccətülislam Faiq Vəlizadə əlavə edib: Azərbaycan, kökləri bu ölkə xalqının dini vəmənəvi dəyərlərinə söykənən gözəl musiqiyə malikdir. Bu kimi musiqi ilə heç bir problemimiz yoxdur. Amma, Avroviziya mahnı müsabiqəsi əsasən homoseksualları himayə məqsədi ilə təşkil edilmiş bir tədbirdir. Vəonun Bakıda keçirilməsi bizə yaraşmaz. Həqiqətdə Qərb və sionizmin səyi bizim dərin köklərə malik olan mədəniyyətimiz və irsimizi yağmalamaqdır. Azərbaycan tarixində 70 il öncəsinə kimi bu kimi çılpaqlıq və hicabsızlıq olmayıb. Amma, İslam düşmənləri bir neçə onillik ərzində hicabı Azərbaycandan aldılar və indi xalq bir daha öz tarixi mahiyyəti və kimliyini geri qaytarmaq yolunda addımlamağa başladığı zaman, çalışırlar ki, Avroviziya mahnı müsabiqəsi və Gey Parad kimi tədbirlər həyata keçirməklə öz çirkinliklərini və mədəniyyətsizliklərini Azərbaycan xalqına da qəbul etdirsinlər.
O, sözlərinin davamında vurğulayıb: Hazırda bizim bir çox ana və bacımızın ermənilərin əsarətində olduğu bir şəraitdə, onları və işğal altında olan əraziləri azad etmək yerinə, ölkədə fəsad və əxlaqsızlığı rəvac vermək kimi ucuz işlərəüz tutan hökumətin bu kimi məsələlərə etiraz edən insanları ermənilərlə əlbir olmaqda ittiham etməsi rəvadırmı?
Hicab və Hicab Məhbuslarını Müdafiə Komitəsinin sədri çıxışının sonunda dedi: Quranda buyurulanlara əsasən İslam ölkələri beynəlxalq izzət və etibarı Quran və İslam sayəsində əldə etməlidirlər. Və əmin olun ki, Azərbaycan xalqı da bir gün bu izzətə nail olacaq və kommunistlərin 70 il ərzində İslamı Azərbaycandan ayıra bilmədikləri kimi, Avroviziya mahnı müsabiqəsi kimi ucuz hərəkətlərə əl atanlar da buna nail ola bilməyəcəklərВ».
