FARS REJİMİ İSLAM ADI ALTINDA DUYĞULARI İSTİSMAR ETMƏK İSTƏYİR
DİA.AZ: - İran Azərbaycan daxilində vəziyyətin yenidən qarşıdırılmsı üçün növbəti təxribatlara əl atıb. Belə ki, bu gün fars-molla rejiminə aid müxtəlif xəbər portallarında hansısa В«Tətbiqi Elmlər Universitetinin tələbələrininВ» adından В«Bakıya açıq məktubВ» ünvanlanıb. DİA.AZ olaraq bildiririk ki, В«Salam həmdinimizВ» sözləri ilə başlayan bu məktub əslində ölkəmiz daxilində İranın pozuuluq təşəbbüslərinin təzahürü kimi qəbul olunmalıdır.
Bu isə o deməkdir ki, Tehrandakı fars millətçiləri hələ də Azərbaycandan əl çəkmək fikrində deyillər. Əslində gözlənilən də deyil. Əgər onlar İrana səfər edən vətəndaşlarımızı В«Biz Azərbaycanın İrana birləşməsini istəyirikВ» çağırışının altına imza basmağa təhrik edirlərsə, demək, onlar heç bir zaman müstəqil Azərbaycan dövlətini həzm edə bilməyəcəklər.
Beləliklə, həmin təxribat xarakterli В«açıq məktubuВ» olduğu kimi diqqətinizə çatdırırıq:
В«Kaş bizim bugünkü məktubumuz ayrı bir məzmun daşıyaydı. Kaş məktubun başlanğıcının təəssüf və ağırlığı yerini razılıq və maraq başlanğıcına verəydi. Biz demirik, siz deyin. Ölkəsi ölkəmizin qonşusu, dini Mühəmmədimizin (s) dini, məzhəbi əhli-beytimizin (ə) məzhəbi olan bir qardaş ölkənin agahlığının tənqidi üçün qələm götürmək ağır deyilmi? Olmazdı ki, ölkələrimiz Mühəmmədin (s) dininin tərvici yolunda birgə addım ataydılar? Amma indi, sən özün de, ölkən hansı dini tərvic edir və hansı maraqla Mühəmmədin (s) İslam dinindən üz döndərib? Biz özümüzdən soruşuruq: nə üçün ölkəniz respublika adını özündə daşıyır? Qoy, bu sualı ölkəmiz İran səndən soruşsun ki, ölkənizin başı nəyə qarışıb ki, əzəmətli oyanışı görmür?
Qoy, həmişə xeyirxahın olmuş İranımız hansı proqram və məqsədlər ardınca olmağını sənə desin. İranımıza bax! Bu öz məqsədlərini qorumaq uğrunda 8 il bir yox, iki yox, demək olar ki, bütün dünyanın qarşısında dayanan İrandır. Və sən nədən qaçırsan və hansı haqqı xalqından alırsan? Mühəmməd (s) Məkkəyə daxil olarkən Hindənin qorxduğu vaxt Əbu Süfyanın ona cavabını sözsüz, eşitmisən, amma yəqin ki, yadından çıxıb: "Mühəmməd ürəklərdən gəlir, qapılardan yox".
Məzhəbi mərasimlərin icrasının qadağası, hicab qadağası, azğınlıq və həyasızlığın, spirtli içkilərə qurşanmanın tərvici, məzhəbi fəalları sıxışdırmaq hamısı sənin dövlətinin işləridir. Sənsən ki, ölkən dünyanın ikinci şiə ölkəsi ləqəbini daşıyır. Sən özün mütləq bilirsən, amma biz başa düşə bilmirik ki, nə üçün belə puç bir hədəfin ardınca tələsik gedirsən? İcazə ver, dövlətsiz millət adını biz sənə verək. Etiraz dilimizi açırıq. Çünki görürük ki, İranımız qarşısında olan bütün maneələrə, hər gün bizim rahatlıq və firavanlığımıza çalışır, amma sən xalqının rahatlığını əlindən alıb, xarab edirsən. İsrail və onun kimilərin qazdığı çalaya elə düşmüsən ki, xalqını yaddan çıxarmısan.
Sən dövlətə xitab edərək deyirik: Yadına sal ki, müsəlmansan. Əgər dininə bağlı olmasan da, bil ki, müsəlman bir xalqın xidmətindəsən. Qalx, problemlərini həll et. Heç kəs İsrailin əlində vasitə olmaqla Allaha çatmayıb ki, sən ikincisi olasan. Bilmirik, sanki yuxuda deyilsən, bəlkə özünü yuxuya vurmusan. Özünü yatmışlığa vurmuş şəxsin oyanmasına ümid yoxdur. Kaş "Kristal zal"ı tikmək üçün bir yuvanı dağıdanda öz-özünə deyəydin: mənim ölkəmdə hələ 1 milyondan artıq müharibə qaçqını var. Kaş, belə bir biabırçı məqsəd üçün kərpic hördüyün və kasıb məhəllələrin evlərini millətinin və millətimin düşmənlərinin abrı üçün viran etdiyin vaxt öz-özünə deyəydin: xalqımın üçdə biri yoxsulluq üzündən ölkəni tərk edib, başqa ölkələrdə aşağa dərəcəli vətəndaş kimi ömürlərini sürürlər.
Biz cavab istəyirik, de: Hacı Mövsüm Səmədov kimilər, onun yaxın köməkçiləri və bir neçə alim zindanda olduğundan sən xalqın etiraz səsini eşitmirsən və eşitməyə qoymayacaqsan? Kaş yalnız bir dəfə, bir dəfə "Bakı Milli Neft Sənayesi" ibarətini öz-özlüyündə təkrar edirdin. Bəlkə, onda milli sözünün millətinə qayıtmasını anlayardın. Bəli, millətinə qayıdır. Kaş neftin gəlirini "Eurovision" müsabiqəsinə xərclədiyin vaxt öz-özündən soruşaydın: bəs xalqımın haqqı harada gizlənibdir? Ola bilsin ki, rüsvayçı müsabiqəndə iştirak etməyə gəlməyən qonaqların qəbulu etiraz fəryadlarını eşitməyə qoymur. Amma bundan da aydın bir mənzərə ola biləcəyini güman etmirəm.
Bir xahişim var. O da budur ki, mənə deyəsən, sən dünyanı necə izləyirsən ki, belə əməl edirsən? Xalqının bir hissəsi qaçqın, böyük əksəriyyəti yoxsul, torpağın və vətəninin bir hissəsi erməni işğalında. Gülünc deyil ki, sən göz və qulağını reallıqdan örtmüsən və İsrailin çirkin məqsədinin icrası üçün ram olmuş qula dönmüsən? Bizə de: sən kimdən təhlükəsizliyini qorumağı istəyirsən? İsraildən? Səninləyəm, səninlə dövlət, de: islami torpaqların erməni çəngində olduğu bir halda sən gecələri necə rahat yatırsan? Kaş qonaqlıq mərasiminə çəkdiyin xərclərə görə qazandığın rekordu və bu xərclərə görə dünyada birinci olmağını və güman edirəm ki, birinci də qalacaqsan, öz xalqına və torpaqlarının qaytarılmasına xərclənəydi. Sən nə edirsən?
Bir tərəfdən xalqının ibadət məkanları, məscidlər, ermənilərin tövləsinə çevrilib, bir tərəfdən də homoseksuallrın paradını keçirməklə şöhrət qazanmaq istəyirsən. Ayıl, qara soxduğun başını çıxar və bax, İsrailin dostlarını gör. Bəli, Səddamı, Mübarəki, Qəzzafini. Sən bunların sayının artmasına imkan vermə. Biz olacağı şərh etdik. İstəyirsən nəsihət götür, ya özünü eşitməməzliyə vurВ».
