Yeni Azərbaycan Partiyasının (YAP) Veteranlar Şurasının yeni tərkibində Ramiz Mehdiyevin yerinə iki nəfər seçilib.

YAP-ın Mətbuat xidmətindən Modern.az-ın sorğusuna cavab olaraq bildirilib ki, Ramiz Mehdiyevin əvvəlki tərkibdə tutduğu yer boşalandan sonra siyahıya Allahverdi Şəmistan oğlu Hacıyev və Heydər Museyib oğlu Hüseynovun adları daxil edilib.

Həm Allahverdi Hacıyev, həm də Heydər Hüseynov YAP-ın qurulmasında yaxından iştirak etmiş "91-lər"dəndir.

Qeyd edək ki, 16 oktyabr 1992-ci ildə 91 nəfərdən ibarət qrup Naxçıvan Ali Məclisinin sədri Heydər Əliyevə müraciət edərək, onu siyasi mübarizədə lider olaraq gördüklərini elan etmiş və Azərbaycanda hakimiyyət uğrunda mübarizəyə çağıran müraciət imzalamışdı. 24 oktyabr 1992-ci ildə isə Naxçıvan Ali Məclisinin sədri Heydər Əliyev bu müraciətə müsbət cavab vermiş və “91-lər”in təklifini qəbul etmişdi. 21 noyabr 1992-ci ildə Yeni Azərbaycan Partiyasının təsis konfransı keçirilmiş, 550 nəfərin iştirak etdiyi konfransda Heydər Əliyev partiya sədri seçilmişdi.
Nəhayət 18 dekabr 1992-ci ildə Yeni Azərbaycan Partiyası Ədliyyə Nazirliyində dövlət qeydiyyatına alınmışdı.

Xatırladaq ki, dünən - oktyabrın 16-da YAP İdarə Heyətinin iclasında Veteranlar Şurasının yeni tərkibi təsdiqlənib. Şuranın sədri Arif Rəhimzadə, sədr müavinləri isə Sədaqət Qəhrəmanova və Əli Həsənov olub.

YAP Veteranlar Şurasının yeni tərkibi:

1. Rəhimzadə Arif Qafar oğlu – sədr
2. Qəhrəmanova Sədaqət Məmmədyar qızı – sədr müavini
3. Həsənov Əli Şamil oğlu – sədr müavini
4. Abasova Adilə Ziyat qızı
5. Abutalıbov Hacıbala İbrahim oğlu
6. Cahangirov Asif Baxış oğlu
7. Cəbiyev Rizvan İsrafil oğlu
8. Ələkbərov Urxan Kazım oğlu
9. Əliyev Cəmil Əziz oğlu
10. Əlizadə Akif Ağamehdi oğlu
11. Əmiraslanov Əhliman Tapdıq oğlu
12. Əsgərov Şahlar Qaçay oğlu
13. Əzizov İbrahim Vahab oğlu
14. Fərəcov Ədalət Nurulla oğlu
15. Hacıyev Allahverdi Şəmistan oğlu
16. Hüseynov Heydər Museyib oğlu
17. Hüseynov Vaqif Aslan oğlu
18. Hüseynova Fidumə Məmmədəli qızı
19. Xəlilov Zahid Abdulla oğlu
20. İmamverdiyev Sudeyf Bəşir oğlu
21. İsmayılov Nazim Mehdi oğlu
22. Qaraşov Arif Xanoğlan oğlu
23. Qasımzadə Elbay Ənvər oğlu
24. Qoca Xeyrəddin Sayəddin oğlu
25. Quliyev Tahir Məhərrəm oğlu
26. Quliyeva Zərifə Rzaqulu qızı
27. Mahmudov Yaqub Mikayıl oğlu
28. Məmmədhəsənov Rafiq Musa oğlu
29. Məmmədov Elman Camal oğlu
30. Məmmədov Tahir Tais oğlu
31. Mərdanov Misir Cumayıl oğlu
32. Nəsirov Məmməd Yahya oğlu
33. Novruzov Vahid Tapdıq oğlu
34. Rzayev Tahir Musa oğlu
35. Seyidzadə Dilarə Bağır qızı