Kənd Təsərrüfatı Nazirliyində ciddi qalmaqal baş verib. Nazir Heydər Əsədovun kadr dəyişikliyi artıq yuxarı instansiyalarda müzakirə olunmaqdadır. Belə ki, təxminən 9 ay əvvəl nazir Heydər Əsədovun əmri ilə Bakı Şəhər Baytarlıq İdarəsinin rəisi Aslan Aslanov gözlənilmədən vəzifəsinən uzaqlaşdırılıldı (Aslan Aslanov hazırda hazırda 3-cü mikrorayon bazarına nəzarət edir-red.). Bir neçə gündən sonra isə bu sahədə tanınmayan biri – Orucəli Quliyev adlı həkim Bakı Şəhər Baytarlıq İdarəsinə rəis təyin olundu. Hamı elə düşündü ki, nazir Heydər Əsədov yenilik etmək istəyir, uğurlar əldə olunmasına çalışır. Lakin çox keçmədən hər şey bəlli oldu.
60 min manatlıq rüşvət iddiası
Kənd Təsərrüfatı Nazirliyinin Baytarlıq İdarəsindəki kadr islahatları ilə bağlı cumhuriyyet.az media üzərindən araşdırmalar əsasında ilginc məlumatlar əldə edib. Belə ki, mediafax.az saytının yaydığı həmin məlumatlara görə, Orucəli Quliyev İmişli rayonunda baş baytar həkim işləyib və nazir Heydər Əsədovun sağ əli Azər Süleymanovun adamı kimi tanınıb. Nazirlik divarları arasında gəzən söz-söhbətə görə Orucəli Quliyev bu posta 60 min manat rüşvət verərək təyin olunubmuş. Amma nazir Heydər Əsədov öz ənənəsinə sadiq qalaraq O.Quliyevlə çox işləmədi və cəmi 6 ay sonra Quliyev işdən uzaqlaşdırdı. Elə əsl qalmaqal da bundan sonra başladı. Vəzifədən uzaqlaşdırılan Orucəli Quliyev 60 min manatı 6 ay üçün vermədiyini bildirərək pulunu geri istəyib və əks təqdirdə bütün aidiyyatı orqanları məlumatlandıracağını bildirib. Nazir Heydər Əsədovdan 60 min “əmanətini” geri istəyən O.Quliyevə sakit dayanmasını və onu yenidən İmişliyə baş həkim göndəriləcəyi vədi verilib. Tez-tələsik O.Quliyev yenidən İmişliyə baş həkim göndərilib. Bu zaman ortaya başqa əmma çıxıb. Bəlli olub ki, İmişlinin Orucəli Quliyevdən sonra təyin olunan baş baytar həkimi bu posta təyinat üçün rüşvət veribmiş və o da pulunu geri istəyir. Uzun sürən danışıqlardan sonra əldə olunan razılaşmaya görə, 6 ay əvvəl baş həkim postundan çıxarılan Orucəli Quliyev yenidən İmişliyə baş həkim təyin olunub. Müavin isə hələ də pulunu geri istəsə də ala bilmir.
Nazir otağında məzhəkə
Ümumiyyətlə bildirək ki, Kənd Təsərrüfatı Nazirliyinin (KTN) Dövlət Baytarlıq Nəzarəti Xidmətində (DBNX) bir türlü sualar durulmur. Bir neçə il əvvəl, hələ İsmət Abbasov dönəmində Dövlət Baytarlıq Xidmətinin o zamankı rəisi İsmayıl Həsənov vəzifəsindən uzaqlaşdırılandan sonra hamı düşünürdü ki, nəhayət, bu sistemdə işlər qaydasına düşəcək. Amma gözləntilər özünü doğrultmadı. Belə ki, bu dönəmdən sonra baş verən proseslər haqda cumhuriyyet.az-a daxil olan məlumatlar da maraqlıdır. Bildirək ki, İ.Həsənovun yerinə Xanlar rayonunun Zurnabad kəndində Biokombinatın mudiri isləyən Siyalə Rustəmova DBNX-inə rəis gətirildi. Ancaq yenə də DBNX-də milyonluq yeyintilər və böyük mübarizələr davam etdi. Ona görə ki, həm Dövlət Xidmətində, həm də paytaxt Bakıda kifayət qədər savadlı, təcrübəli mütəxəssislər və alimlər ola-ola nə üçün ucqar rayonda kombinat müdiri işləyən xanıma belə yüksək vəzifə verilməsi çoxlarında qıcıq yaratdı. Heydər Əsədov Kənd Təsərrüfatı naziri vəzifəsinə gətirildikdən sonra, o da DBNX-də qayda yaratmağa qalxdı. Amma Heydər Əsədovun da təyinatı hamını təəssüb içində buraxdı. Ucqar Zurnabad kəndində kiçik bir idarənin müdiri olaraq çalışan Siyalə Rüstəmovanı vəzifədən alan Heydər Əsədov onun yerinə yenə Xanlar rayonundan yeni kadr seçdi. Belə ki, nazir Xanlar rayon Baytarlıq İdarəsinin rəisi Azər Süleymanovu DBNX-inə müvəqqəti rəis təyin etdi. Siyalə Rüstəmovanı isə Sumqayıt səhər Baytarlıq Idarəsinə rəis göndərdi. Sentyabr ayının 14-də, yəni təqribən bir ayyarım əvvəl isə Kənd Təsərrüfatı Nazirliyində Sumqayıt şəhər Baytarlıq İdarəsi tərəfindən yol verilmiş nöqsanlar, o cümlədən Qurban bayramı günlərində heyvan kəsimi ilə bağlı idarənin fəaliyyətiilə dair daxil olmuş şikayətlərlə əlaqədar keçirilən kollegiya iclasında nazir Siaylə Rüstəmovanı işdən azad etdi. Nazir Heydər Əsədovun bu qərarı hamı üçün sürpriz oldu. Amma DBNX-nin müvəqqəti rəisi Azər Süleymanov və ona yaxın olan bəzi şəxslər üçün bu qərar heç də gözlənilməz olmadı. Çünki Siaylə Rüstəmova haqqında qərar verilməmişdən əvvəl Azər Süleymanovun adamları Sumqaytda videoçəkiliş aparmış və həmin video Heydər Əsədova təqdim olunmuşdu. Bundan sonra isə nazirin kabinetində faciə-məzhəkə tamaşası oynanılmışdı. Faciə-məzhəkənin baş rejissoru isə Azər Süleymanov olmuşdu.
Erməni iş adamı ilə rəsmi anlaşma
Mövzu ilə bağlı apardığımız araşdırmalar ilginc faktları üzə çıxarıb. Belə ki, cumhuriyyet.az olaraq mediada yer alan və rəzmən təkzib olunmayan məlumatlarda Heydər Əsədovun rəhbərliyi altında erməni əsili şəxsin şirkəti ilə bağlanan müqavilnin təfərrüatları yer alıb: “Kənd Təsərrüfatı naziri Qor Xeçoyanın В«MeqavetВ» şirkətindən vaksin alırmış Azərbaycanda bəzi məmurların ermənilərlə, hətta Ermənistanla əlaqələr qurduğuna dair iddialar hələ xeyli əvvəldən var. Hətta vəzifə başında erməni əsilli qadınlarla evli olan yüksək çinli məmurların olduğu da deyilir. Lakin indiyə qədər rəsmi qurumlar bunu təsdiqləmirlər. Hətta isbata gərəyi olmayan halları belə. Kənd Təsərrüfatı naziri Heydər Əsədovun da düşmən xalqın nümayəndələri ilə sıx əlaqələri varmış. Belə ki, nazir Azərbaycanda heyvanlar üçün büdcə pulları hesabına alınan vaksinləri В«MeqavetВ» şirkəti vasitəsi ilə realizə edirmiş. Bu şirkətin offşor şirkətlər sırasında olduğu isə təsdiqə ehtiyacı olmayan məlumatlardandır. Lakin məsələnin ilginc tərəfi odur ki, Heydər Əsədovun vaksin aldığı şirkətin başında erməni dayanırmış. Politika.Az-ın dəqiqləşdirmələrinə görə, nazirin əməkdaşlıq etdiyi В«MeqavetВ» şirkətinin rəhbəri Qor Rafaeloviç Xeçoyandır. Xeçoyanın Bakıya gəlib-gedən nümayəndəsi isə gürcüdür. Pata Subzivadze yerli biznesmenlərdən fərqli olaraq, gətirdiyi mallara görə ƏDV ödəməkdən azad edilib. Səbəb isə В«obnaliçkaВ» əməliyyatları üzrə pulların həcmini daha artırmaqdır. Heydər Əsədovun qaranlıq işləri bununla da yekunlaşmır. Onun ən etibarlı adamlarından biri olan, hazırda nazirlikdə Kənd Təsərrüfatı Layihələri və Kreditlərinin İdarə Edilməsi üzrə Dövlət Xidmətinin rəis müavini Abbas Qaracayev isə fermerlərə ayrılmış kreditləri özünküləşdirməyə nail olub. Belə ki, Qaracayev fermerlər üçün ayrılmış pulları banklara yerləşdirib, onlardan əmanətçi kimi faizlər alır. Bildirək ki, bununla bağlı əlimizdə ciddi faktlar var və ortalıqda onun əlyazması olan sənədlər mövcuddur. Həmin sənədlərdə aşkar şəkildə hansı banklarda nə qədər pulun olduğu, aylıq və illik nə qədər faizlər alındığı qeyd olunub. Bununla bağlı geniş yazımız olacaq. KTN rəhbəri hətta Dünya Bankına da kələk gəlməyə başlayıb. Belə ki, bankın layihəsi əsasında ayrılmış maliyyə vəsaitləriylə REV 1 vaksinləri alınmalıdır. Lakin nazirlik vaksinlərin satınalması üzrə keçirilən beynəlxalq tenderdə ciddi qanunsuzluqlar edib”.
“Ət şou”ları:qohumlar və tələbəlik dostları
Kənd Təsərrüfatı naziri Heydər Əsədovun və Dövlət Baytarlıq Nəzarəti Xidmətinin qurduğu rüşvət mexanizmi sayəsində süfrələrimiz birbaşa xəstəlik mənbəyinə çevrilib. Bu hal hazırda qlobal xarakter daşımaqdadır və xalqımızın gələcəyi üçün ciddi təhlükəyə çevrilməkdədir. Qanunla müəyyən edilməmiş yerlərdə, nəzarətsiz şəkildə küçələrdə kəsilən və satıla cəmdəklər isə birbaşa təhlükə mənbəyidir. Çünki yuxarıda göstərildiyi kimi, qanunsuz yerlərdə kəsilən heyvanlara baytar nəzarəti həyata keçirilmir. Bu gün Bakıda satılan ətlərin 90 faizinə “baytarlıq baxışı” nişanı vurulmur. Azər Süleymanovun işçiləri sadəcə Bakıda və rayonlarda fəaliyyət göstərən on minlərlə ət dükanlarından, dönərxanalardan aylıq rüşvət haqqlarını almaqla vəzifələrini bitmiş hesab edirlər.
Dövlət Baytarlıq Nəzarəti Xidmətinin rəis əvəzi Azər Süleymanovun növbəti gedişlərindən biri də Respublikanın rayon və şəhərlərindən Bakı şəhərinə satılmaq üçün gətirilən heyvan cəmdəkləri ilə bağlı yaratdığı “ƏT şosudur”. Son zamanlarda efirlərin daimi müştərisinə çevrilən A. Süleymanov Bakıya gətirilən heyvan ətlərinin güya insan qidasına yaramadığını aşkar edərək qarşısını almışam “şousu” ilə sahibkarlara küllü miqdar zərər vurmuşdur. Azər müəllim müntəzəm olaraq “at əti aşkar etmişəm” çıxışı ilə xof yaradır. Lakin bunla bağlı cumhuriyyet.az olaraq mütəxəssislərdən aldığımız rəydə bildirilir ki, əsasən at əti ilə bağlı əhali arasında çaşqınlıq yaratmaq düzgün istiqamət deyil. Belə ki, at əti də digər kəsilməsinə göstəriş olan heyvanlar kimi qida zəncirinə daxil edilir və at ətindən kəsimində tələb edilən qaydalara əməl etməklə istifadə edilə bilər. (At ətinin baytarlıq –sanitariya ekspertizası).
Sahibkarlara məxsus ətləri yararsız hesab etmək üçün laboratoriyadan istənilən rəyin alınması Azər müəllimin bu “şousunda” vacib şərtlərdəndir. Belə ki, cumhuriyyet.az-ı bilgiləndirən mənbənin sözlərinə görə, məqsədinə çatmaq üçün A.Süleymanov dayısı oğlu Elşad Rzayevi və tələbə yoldaşı Mübariz Nəbiyevi tabeliyində olan Respublika Baytarlıq Laboratoriyasında mühüm vəzifələrə yerləşdirmişdir. Dəmir Yolunda Baytarlıq Nəzarəti İdarəsinə yeni təyin etdiyi tələbə yoldaşı Kamran müəllim isə evində şirniyyat hazırladaraq Xidmətin yeməkxanasında satdırmaqla və hər gün yeməkxanada bu biznesinə nəzarət etməklə fəaliyyətini elə Xidmətin yeməkxanasında yerinə yetirir.Azər məllim Xidmətə rəs əvəzi gələn kimi öz adamlarının hesabına korrubsiya şəbəkəsi yaratmqaq üçün Müfəttişlik sektorunun müdiri Tofiq Atazadəyə şər atmaqla təyziq altında işdən çıxması haqqında ərizəsini aldı. Onun yerinə isə rayon səviyyəli, dövlət qulluqçusu olmyan Aydın Hüseynovu qanunsuz olaraq dövlət qulluğuna vəzifəyə gətirdi. Ramiz Salmanov da öz sözünüdeyən, qanunsuzluqlarla barışmağı və yaltaqlığı bacarmadığı üçün ərizəsini aldı. Eldəniz Zeynalov kimi təcrübəli, baytarlıq sahəsində püxtələşmiş mütəxxəssisə torba tikərək ştatının ixtisara düşməsinə nail oldu. Apşeron Rayon Baytarlıq İdarəsinin sabiq rəisi, peşəkar baytarlıq mütəxəssisi Səmədov Fəxrəddin yenədə cənab Azər Süleymanovun “Rüşvət şəbəkəsində” iştirak etmək “bacarığı” olmadığı üçün vəzifədən kənarlaşdırıldı. Burada məqsəd birdir Azər müəllimim “çaldığı müsiqiyə” mütləq rəqs etmək. torbaları tikilərək İşdən azad olan mütəxəssislərlə yeni təyin edilmiş kadrlar arasında müqayisə edlməyəcək dərəcədə fərq vardır.
