Nazirlər Kabineti Dərman vasitələrinin və tibbi ləvazimatların alınması üçün dövlət büdcəsində nəzərdə tutulmuş Ehtiyat Fondundan vəsait ayrılması barədə qərar verib.Baş Nazir Əli Əsədovun imzaladığı sərəncamla dərman vasitələrinin və tibbi ləvazimatların alınması üçün Azərbaycan Respublikasının 2020-ci ilin dövlət büdcəsində nəzərdə tutulmuş Ehtiyat Fondundan 10 milyon manat məbləğində vəsait ayrılıb. Sərəncamda göstərilir ki,“Azərbaycan Respublikasının ərazisində fəaliyyət göstərən bütün təhsil müəssisələrində tədris və təlim-tərbiyə prosesinin dayandırılması barədə” sərəncamının 3-cü hissəsində aidiyyəti dövlət orqanları və qurumlarına tapşırılır ki, təhsil müəssisələrində tibbi-profilaktik və dezinfeksiyaedici tədbirlərin davam etdirilməsini təmin etsinlər.
Nazirlər Kabinetinin yanında yaradılmış operativ qərargahı isə bütün təhsil müəssisələrində tədris, təlim-tərbiyə prosesinin dayandırılmasına və bununla bağlı bütün tədbirlərin təxirə salınmasına dair qərar qəbul edib. Qərarda deyilir ki, koronavirus (COVİD – 19) infeksiyasının Azərbaycan ərazisində yarada biləcəyi təhlükənin qarşısının alınması məqsədilə təxirəsalınmaz tədbirlər davam etdirilir. Yoluxma hallarının qarşısının alınması, bu sahədə aparılan müvafiq profilaktik tədbirlərin effektivliyinin yüksəldilməsi, ölkə ərazisində yerləşən bütün təhsil müəssisələrində tibbi-profilaktik, dezinfeksiyaedici və digər qabaqlayıcı tədbirlərin intensivləşdirilməsi məqsədilə 2020-ci ilin mart ayının 3-dən 9-dək (ilk tədris günü mart ayının 10-u müəyyən edilir) bütün təhsil müəssisələrində tədris, təlim-tərbiyə prosesinin dayandırılmasına və bununla bağlı bütün tədbirlərin təxirə salınmasına dair qərar qəbul olunmuşdur. Bu müddət ərzində Təhsil Nazirliyinə və tabeliyində təhsil müəssisələri olan müvafiq icra hakimiyyəti orqanlarına bütün təhsil müəssisələrində tibbi-profilaktik və dezinfeksiyaedici tədbirlərin davam etdirilməsi tapşırılmışdır.
Nazirlər Kabineti tərəfindən verilən bu qərar ictimaiyyət tərəfindən uşaqların sağlam gələcəyi üçün atılan bir addım kimi qiymətləndirilir. Maddi-texniki baza baxımından tam olaraq qənaətbəxş vəziyyətdə olmayan məktəblərin isitmə sistemində, havalandırma sistemində, ilkin tibbi yardım göstərilməsi istiqamətində müəyyən problemlərin olduğu bu gün hamımıza məlumdur. Bu kimi halların vaxtında aradan qaldırılmasına səy göstərilməməsi bu gün digər problemlərin ortaya çıxmasına səbəb ola bilər.
Bu gün nazirlər Kabineti dərman vasitələrinin və tibbi ləvazimatların alınmasına 10 milyon manat ayırır. Bu 10 milyon manata nə qədər dərmana alınacaq,maraq doğurur. Axı Azərbaycan Respublikası Təhsil Nazirliyi təkcə 4 saylı Ərazi Maliyyə Hesablaşma Mərkəzinə tabeli Şəki,Oğuz Qəbələ rayonlarında orta məktəblərin dezinfeksiya,dezinseksiya və deratizasiya işləri üçün 5 milyon manat ayırıb.
Aktualinfo.org bir müddət öncə sözügedən mərkəz tərəfindən orta məktəblərin isidilməsinə ayrılmış dövlət vəsaitlərinin talanması ilə bağlı silsilə məqalələr dərc etmişdi. Həmin məqalələrdə mərkəz tərəfindən 22.07 2019-cu il tarıxdə tender yolu ilə odun yanacağının alınmasına 208900 manat dövlət vəsaitinin ayrıldığı bildirilidi.
Mərkəzin 17.04 və 14.06 2019-cu ildə adları çəkilən rayonların orta ümumtəhsil məktəblərində derafizasiya, dezinseksiya və dezinfeksiya işlərinin aparılması üçün elan etdiyi hər bir tenderə 91804.83 manat büdcə vəsaiti ayrılıb. Ümumi dəyəri 183609.66 manatlıq bir müqavilə bağlanarkən dövlət satınalmaları haqqında qanunun tələblərinə burada nə dərəcədə riayət olunub?
Bunları qoyuruq bir kənara.Maraqlı orasıdır ki, 4 saylı Ərazi Maliyyə Hesablaşma Mərkəzi tərəfindən 11.02.2019-cu il tarixdə dezinfeksiya,dezinseksiya və deratizasiya işlərinin aparılması üçün elan etdiyi 3 milyon ABŞ dollarının manat ekvivalentindən çox açıq tenderə ayrılmış vəsait hara gedib? Fevral ayında sözügedən işlərin aparılmasına ən azı 5 milyon manat ayrılırsa, aprel,iyun aylarında isə eyni işləri görmək üçün yenidən 91 min manat vəsaitin ayrılması nə qədər inandırıcı bir haldır. Əvvəl ayrılmış 5 milyon manat ümumilikdə 198 ümumtəhsil məktəblərində dezinfeksiya,dezinseksiya və derafizasiya işlərinin aparılmasına həqiqətənmi çatmayıb? Həqiqətənmi Şəkinin Oğuzun və Qəbələnin orta məktəblərinin hər birində ötən il 25 252 manatlıq profilaktik işlər aparılıb? Qeyd edək ki, Dezinfeksiya, dezinseksiya və deratizasiya işlərinin aparılması üçün yuxarıda göstərdiyimiz tarixdə elan olunmuş tender iddiaçıların təkliflərinin açılışı 15.03.2019-cu il 11:00 tarixində Oğuz şəhəri, Xətai küç. 29 ünvanında aparılacağı bildirilmişdir. Lakin tenderin qalibi olan şirkətin, işlərin həyata keçirilməsi üçün qoyulan müddət və ayrılmış vəsaitlər haqqında məlumatlar gizlədilmişdir.
Eyni hallar 4 saylı Ərazi Maliyyə Hesablaşma Mərkəzi tərəfindən elan olunmuş digər tenderlərdəı də baş vermişdir. Belə ki, 19.03.2019 cu ildə odunun alınması üzrə elan olunmuş tender iddiaçıların təkliflərinin açılışı 13.05.2019 11:00 tarixində Oğuz şəhəri Xətai küçəsi 29 ünvanında aparılacağı bildirilir.
07.05.2019-cu il tarixdə yenə odun yanacağının satınalması üzrə elan olunmuş tender isə iddiaçıların təkliflərinin açılışı 13.05.2019 11:00 tarixində Oğuz şəhəri Xətai küçəsi 29 ünvanında aparılacağı bildirilir.Tenderin elan olunması ilə açılış tarixlərinə fikir verin. 6 günə tender zərflərinin açılışı hansı qanunda yazılıb?
Bütün bunlar Ceyhun Bayramovun heç də Azərbaycanda təhsilin inkişaf etditilməsi üçün xidmət etmədiyinin göstəriciləridir. Yaratdığı gənc kadr, islahatçı kadr obrazının arxasında gizlənənlər, onun təhsilin inkişafı üçün deyil,bu səhənin talan olunmasına hesablandığını açıq aydın göstərmirmi? Bu gün, elektrptexnika əsrində orta məktəbləri müasir texnologiyalarla təchiz etmək əvəzinə odun yanacağı adı altında dövlət vəsaitinin talan edilməsi təhsilin inkişaf etdirilməsi demək deyil. İki ay ərzində odun yanacağına 10 milyon manatdan çox vəsait ayırmaq hansı məntiqə sığar Ceyhun Bayramov? Cidanı çuvalda gizlətmək olmaz -deyib babalar.Yuxarıda qeyd etdiyimiz kimi Şəki,Oğuz və Qəbələdə 198 orta ümumtəhsil müəssisəsi fəaliyyət göstərir.Belə çıxır ki,təhsil nazirliyi bu məktəblərin hər birində 4-5 ay ərzində 50 min manatlıq odun yadındırıb?10 milyonu 198 böləndə belə alınır. Biz hələ ümumi hesablayırıq. Elan olunmuş tenderlərdə odun yanacağına ayrılmış vəsaitin miqdarı gizlədildiyindən. Burada vəsait çox olar ki,az olmaz.
Baş nazir Əli Əsədov da koronavirusa görə dərman pereparatlarının alınmasına Ehtiyyat Fonddan 10 milyon manat ayırır. Day demir ki,Ceyhun Bayramov iki-üç ay ərzində odun yanacağına və dezzinfeksiya işlərinə 15 milyon manat vəsait ayırıb və ortada heç nə yoxdur. Qeyd edək ki, 4 saylı Ərazi maliyyə Hesablaşma Mərkəzinin rəisi Araz Babayev bu vəsaitləri kimlərin əli ilə kənarlaşdırır bilirsinizmi? Təhsil Nazirliyində Ceyhun Bayramovla bir yerdə işləyən, bəlkə də hər gün birlikdə nahar etdiyi Daxili Nəzarət şöbəsinin müdiri İlqar Mahmudovun əli ilə. İlqar Mahmudov 4 saylı Ərazi Maliyyə Hesablaşma Mərkəzinin rəisi Araz Babayevin dayısı oğludur. Hansı ki cəmi bir il əvvəl həmin vəzifəni özü tuturdu və dayisı oğlu Araz Babayevə təhvil verməzdən öncə büdcə pullarını özü talayırdı.
Aktualinfo.org
