Nizami rayonu 201 nömrəli tam orta məktəbin direktoru Afaq Əliyevanın qanunsuz əməlləri ilə bağlı mediada dəfələrlə təkzibolunmaz faktlara əsaslanan materiallar dərc edilib. Məlumdur ki, Afaq Əliyeva 201 nömrəli tam orta məktəbi öz qanunları ilə idarə edir, heç kimə məhəl qoymur, təhsil ocağını rüşvət və korrupsiya məkanına çevirməkdən çəkinmir, dərs saatlarını istədiyi kimi bölür, məktəb üzü görməyən, hətta ölkə xaricinə köçən şagirdlərə özündən qiymətlər yazaraq sinifdən-sinifə keçməsinə şərait yaradır. Əlbəttə ki, bütün bunlar rüşvət qarışılığında həyata keçirilir. Bu faktlar azmış kimi Afaq Əliyeva məktəbin direktor müavini işləmiş Svetlana Hüseynovaya qarşı da qanunsuz əməllər və təxribatlar həyata keçirməyə cəhd göstərib. Hətta məktəbin müəllimi Lalə Şəfaqətovanı təhdid edərək Svetlana Hüseynovaya qarşı şantaj dolu ifadələr verməyə məcbur qoyub. Lakin onun planı ifşa edilib və mediada qanunsuzluqlarını əks etdirən səs yazıları yayılıb. Bundan sonrta Elm və Təhsil Nazirliyi tərəfindən Afaq Əliyeva ilə bağlı araşdırmalara başlanılıb. Lakin nədənsə, onu qoruyan "gizlli əllər" sayəsində Afaq Əliyeva sadəcə töhmətlə canını qurtarıb. Bu qədər qanunsuz əməl törədən, təhsil ocağında "at oynadan", tabeliyindəki işçiləri təhqir edən, müəllim adına yaraşmayan hərəkətlərə yol verən bir şəxsin niyə hələ də vəzifədə qalması və işdən çıxarılmaması ciddi suallar doğurur.

TehsilMedia.az xəbər verir ki, indi 201 saylı məktəbin bir qrup müəllimi Afaq Əliyevanın əməllərindən cana doyduqları üçün Prezident İlham Əliyevə və nazir Emin Əmrullayevə şikayət məktubu ünvanlayaraq direktorun işdən azad olunmasını xahiş edirlər. 13 nəfər müəllim elə bir həddə çatıb ki, hətta Afaq Əliyevanın rəhbərliyi altında işləmək istəmədiklərini bildirirlər. Məktəbə gəlməkdən imtina edirlər. Bu fakt öz-özlüyündə müəllimlər ayağa qalxdığının, Afaq Əliyevaya qarşı üsyan etdiyinin, haqq səsini ölkə başçısına çatdırmaq istəyinin bariz nümunəsidir. Qeyd edək ki, Təhsil Haqqında Qanunda kimlərin direktor vəzifəsini icra edə biləcəyi ilə bağlı müddəalar yer alıb. Afaq Əliyeva isə o müddəaların heç birinə cavab vermədiyi halda, hələ də vəzifədə qalır. Görəsən, Emin Əmrullayevin Afaq Əliyevanı vəzifədə saxlamasının səbəbi nədir? Niyə cənab Əmrullayev ölkə qanunlarını tapdalayan bir şəxs barədə qərar verməkdən çəkinir? Bu açıq sualların cavabı yəqin ki, zamanla ictimaiyyətə məlum olacaq.

Bundan başqa Xəzər Rayon Məhkəməsinin qərarına əsasən Afaq Əliyevanın məktəbin direktor müavini Svetlana Hüseynovanı təhqir etdiyi təsdiqlənib. Hətta Appelyasiya və Ali Məhkəmə də bu qərarı qüvvədə saxlayıb. Afaq Əliyevanın təkzib verməsi və konpensasiya ödəməsi ilə bağlı qərar qəbul edib. Lakin Afaq əliyeva məhkəmə qərarlarını da heçə sayaraq, onları icra etmir, heç kimi təhqir etmədiyini vurğulayır. Ortada ekspertiza rəyi ola-ola bu cür açıqlama verən Əliyevanın məntiqi başa düşülən olmasa da, onun kimlərəsə arxalandığı gün kimi ortadadır. Ancaq Afaq Əliyeva unudur ki, ölkə hüquqi qanunlarla idarə olunur və Əliyeva gec-tez öz əməllərinə görə cəzasını alacaq. Çünki onun kimi müəllim adına ləkə gətirən bir şəxsin direktor vəzifəsində qalması gələcəyimizi təhlükə altına qoyan faktlardan biridir.

TehsilMedia.az