Ramiz Mehdiyevin Prezident Administrasiyasının rəhbəri olduğu dövrdə təyin edilən icra başçılarının əksəriyyəti ona yaxınlığı ilə bilinirdi. Həmin icra başçıları Mehdiyevin təlimatları ilə hərəkət edərək daim ona sadiq olduqlarını göstəriblər. Xüsusilə yaşlı və uzun müddət vəzifədə olan icra başçılarının əksəriyyəti məhz Mehdiyevin kadrı kimi tanınıb.

Mehdiyevə yaxınlığı ilə bilinən həmin şəxslərin bəziləri hələ də vəzifə başındadır. Mehdiyev dövründə icra başçısı vəzifəsinə irəli çəkilən və hələ də bu vəzifədə çalışan rayon rəhbərlərindən biri də Bərdə rayon icra hakimiyyətinin başçısı Vidadi İsayevdir. Vidadi İsayev keçmiş “APİ”-nin tarix fakültəsini bitirib, xeyli müddət tarix müəllimi işləyib, sonra Mərkəzi Dövlət Arxivinin Yevlax filialının müdiri olub.
Sonradan 2004-2005-ci illərdə Yevlax Şəhər İcra Hakimiyyəti başçısının təhsil, səhiyyə və mədəniyyət üzrə müavini, 2005-2011-ci illərdə Tərtər rayon İcra Hakimiyyətinin başçısı işləyib, 2011-ci ildən isə Bərdə Rayon İcra Hakimiyyətinin başçısıdır. Burda bir balaca təhlil-analiz aparaq.
Adamın icra başçısı olması sıradan bir məsələ deyil. Adam mütləq və mütləq “nəsə etməlidir” ki, ona icra başçısı kimi mühüm vəzifə etibar edilsin. Vidadi İsayevin tərcümeyi-halında onun xeyli müddət Mərkəzi Dövlət Arxivinin Yevlax filialının müdiri işləməsi qeyd olunub. Bax, əsas məsələ də budur. Bəli, kimlərəsə arxivin müdiri işləmək adi gələ bilər.
Amma unutmayın ki, rayonla bağlı bütün “qiymətli materiallar” arxivdə cəmləşib. Və onun açarı da Vidadi İsayevin əlində olub. Bilənlər bilir ki, arxivdə sovet dövründən qalma torpaq sənədləri, dövlət idarələrinə məxsus torpaq sahələri, onların xəritəsi, özəlləşdirilən obyektlərlə bağlı məlumatlar və s kimi materiallar var. Yəni köhnə sənədləri saxtalaşdırmaq və “yeniləşdirmək” üçün arxiv əsl xəzinədir. Necə deyərlər əsl Ramiz Mehdiyev metodudur.
Bəli, Vidadi İsayev Yevlağın arxivinə əməlli-başlı əl gəzdirib, yəni lazım olan şəxslərə milyonlar qazandırıb. Ona görə də “etibarlı şəxs” kimi vəzifəsini böyüdüb icra başçısı qoyublar. İndi bəlli oldumu, adi tarix müəlliminə “doveriya” haradandır.
Zamanında yerli KİV-də yayılan informasiyalarda belə qeyd olunurdu ki, keçmiş PA rəhbəri Ramiz Mehdiyevin ən etibarlı kadrlarından olan Bərdə rayon icra hakimiyyətinin başçısı Vidadi İsayev hələ illər əvvəlindən tədbirini görüb. Və bunun nəticəsidir ki, bu gün Vidadi İsayev xaricdə ən böyük biznes və mülklərə sahib olan oliqarx məmurların sırasında ilk yerlərdən birini tutur.
Hazırda V.İsayevin təkcə qardaş Türkiyə ərazisində 20-dən artıq yaşayış mənzili, habelə Dənizlidə bir tekstil istehsalı müəssisəsində ortaqlığı var.
Təbii ki, bütün bunlar hamısı deyil və Vidadi müəllim eyni zamanda Azərbaycanda da böyük sərvətə malikdir. Prezident Administrasiyasının sabiq rəhbəri Ramiz Mehdiyevin ətrafında cərəyan edən olaylar bir zamanlar ona biət edən və hal-hazırda da görəv başında olan məmurlar üçün də elektroşok effekti oynamış oldu. Hər halda, görünəni və hiss olunanı odur ki, artıq bəziləri özlərini güvənsizlikdə hiss etmələri bir yana, sabah nələrin baş verə biləcəyini belə təxmin edərək ciddi təlaş keçirməkdədir. Konkret olaraq Bərdə rayon icra hakimiyyətinin başçısı Vidadi İsayev Ramiz Mehdiyevin ev dustaqlığı xəbərini şok effekti ilə qraşılayanlardandır. Onun hətta "gör Mehdiyev belə oldusa, bizi nə edəcəklər" deyərək reaksiya verməsi ilə də diqqətə gəlib. Bu barədə danışan mənbə qeyd edir ki, Bərdə rəhbəri bir neçə gün öncə Bakıda olub: "O da həyəcan içindədir, hər halda Ramiz Mehdiyevin əlindən su içənlərdən biridir. Bu su isüə burunlarından irin-qan formasında gəlməsə, onlar düzələnə oxşamır..."

Siyaset.info