Azərbaycan Elmlər Akademiyasının tarixi 1945-ci ildən başlayır. Bu il Akadeniyanın 80 illiyidir. 70 illiyində rəhbərlik AMEA-nın yeganə 1-ci dərəcli Qarabağ qazisinə savaşda olanda məhrum edildiyi əmlakının əvəzini verməyə söz vermişdi. 80 illik isə korrupsiyaya qarşı mübarizə ilə başlayıb.
AMEA-dakı korrupsiya yoxlamalarının İşlər İdarəsi rəhbərliyi səviyyəsində 3 ilə 3 milyon manat olması mənimsəmə faktı üzə çıxıb. Baş prokuror yanında Korrupsiyaya Qarşı Mübarizə Baş İdarəsinin (KQMBİ) açıqladığı bilgidə belə deyilir. Hələ istintaq sürür və yeni-yeni mənimsəmə halları ilə qarşılaşacağımız günlər qarşıdadır. İndiki işlər müdiri üç ildə 3 milyon mənimsəyibsə, ondan öncəki Fətəli Abdullayev, müavini Sərdar Əliyev , ən azı, onlarla dəfə çox- 30-50 milyon manatı yeyiblər. O milyonların içində bu sətirlərin yazarının da bir ikiotaqlı mənzilin qiyməti qədər haqqı var.
Torpaqlarımıza təcavüz olunan ilk gündən AMEA-nın aspirantlıq şöbəsində təhsilimi, elmi işimi atıb, 2 körpə uşaqlı ailəmi Allahın ümidinə qoyub, Qarabağ savaşına qatıldım. Ağdərədə döyüşlərdə olanda kimya doktoru həyat yoldaşımın 2 körpə uşaqla AMEA-nın Şərifzadə küçəsindəki yataqxanasından çıxarıldığını, yataqxananın AMEA-ya aid olmayanlara satıldığını qospitalda “məzuniyyətdə” olanda (son xidmət yerim DİN DQBİ Qarabağ savaşında iştirakımı “xidməti ezamiyyət”, qospitalda düşmən mərmisinin yetkisindən müalicəmi “məzuniyyət” kimi qələmə verir) bildim. Heç tüküm(üz) də tərpənmədi, Qarabağ boyda yurd-yuvanı itirmişik, bir yataqxana otağı nə olan şeydir ? Ömür-gün yoldaşım evsizlikdən yox, ölümüm haqqında TV ilə verilən xəbərdən stress keçirib, 2-ci dərəcəli əlildir. Qonudan-mövzudan qırağa çıxmağımı düşünməyin. AMEA-nın bütün prezidentləri (Eldar Salayev, Fəraməz Maqsudov , Mahmud Kərimov, Akif Əlizadə) savaşda olanda yataqxana otağından məhrum edilən, həyat yoldaşı da 2-ci dərəcəli əlil olan 1-ci dərəcəli AMEA üzrə yeganə Qarabağ əlili ailəsinin mənzillə təminatına çaba göstərib. Di gəl, işlər müdirləri qamarlama vərdişlərindən əl çəkməyib. Hətta Fəraməz Maqsudov deputat kimi BŞİH-ə sorğu(lar) göndərib, mənzillər “yoxa çıxdığından” Şərifzadə küçəsindəki “Aspirantlar yataqxanası”ndan otaq təklif edib, razı olmamışıq. Mahmud Kərimovun üz tutmadığı qurum qalmadı. Akif Əlizadənin prezident olduğu 2013-cü ildə sökülüb-satılan yataqxananın yerində tikilən evdən mənzil yiyəsi olmaq üçün müraciət edəndə işlər müdiri Fətəli Abdullayevmüavini Sərdar Əliyevin “rüşvət xeyir-duası” ilə “əsas şəxs”lərigözləməyi” məsləhət bilib. “Əsas” şəxsin elə 1-ci dərəcəli AMEA üzrə yeganə Qarabağ qazisinin olduğunu deyib, geri çəkilməyəndə müavini Sərdar Əliyev işlədiyim instituta gəlib direktorun otağında aşağılayıcı şantaja keçdi ki, Qarabağ savaşında olmağım, zədələnməyim sübut olunmur. (Bəxti(miz) onda gətirdi ki, masanın üstündə külqabıdan, suvenirdən tapmadım, yoxsa işlər dələduzu o dünyalıq, özüm “Qobustanlıq” olacaqdım.) On ildir nə xüsusi ittiham qaydasında, nə mülki, nə cinayət qaydasında bu şantaj, aşağılamaya qiymət verilmir. AMEA üzrə yeganə 1-ci dərəcəli Qarabağ əlilinin özünüöldürmə həddinə çatdırılmasına da qiymət verilmədi. Milli Aviasiya Akademiyasının rektoru, akademik Arif Mircəlal oğlu Paşayevin AMEA Prezidenti, akademik Akif Ağamehdi oğlu Əlizadəyə3(!)müraciətini (hələ sonra da bir neçə müraciət olub) də İşlər İdarəsi ört-basdır edib, Akif Əlizadənin imzası ilə guya Milli Aviasiya Akademiyasının rektoruna “donos” xarakterli cavab yazılıb. (Özü də bu cavabınrektora yox, qaziyə göndərilməsi İşlər İdarəsinin dələduzluğunu ortaya qoyur)
2015-ci ilin sentyabrın 25-də Akif Əlizadənin sədrliyi ilə AMEA Rəyasət Heyətinin 1-ci dərəcəli AMEA üzrə yeganə Qarabağ qazisinin mənzillə təminatı ilə bağlı iclası keçirilib. AMEA Prezidenti İşlər İdarəsinin rəhbərliyinə üzünü tutub, Qarabağda döyüşlərdə olan şəxsin əmlakından-yataqxana otağından məhrum edilməsinin düzgün addım olmadığını deyib və 2 ilə hazır olacaq Şərifzadə küçəsindəki evdən ikiotaqlı mənzil ayrılacağını SÖZ verib. Amma 2 ildən sonra bölgü olanda İşlər İdarəsi prezidentə sözünü unutdurub, mənzillər elə Akademiyanın prezidentinə, vitse-prezidentlərinə, akademik heyətinə, işlər idarəsinin gözü doymayanlarına, katibələrinə, sürücülərinə, bir sözlə haqq etməyənlərə verilib.
2015-ci ilin AMEA prezidentinin mənə söz verdiyi həmin iclasında mənim verdiyim söz “İşlər İdarəsində RÜŞVƏTSİZ işləmək” olub.10 il öncə mənim SÖZümə baxılsaydı, indi Baş prokuror, yanındakı KQMBİ İşlər İdarəsinin işləklərini açıb-ağarda bilməzdi. Nədən biz DÖVLƏT, MİLLƏT, BAYRAQ sevdalısıyıq, RÜŞVƏT yox!
P.S. 2015-ci ilin AMEA RH-nın iclasının canlı iştirakçıları bir yana, stenoqramı da var, kamera çəkilişi də. Di gəl, bu sübutu MPM-in 78.2 m-sinə əsasən vəsatət versəm də, məhkəməyə təqdim edilməsinə Səbail məhkəməsi (h. İlkin Rüstəmli) AMEA hüquq müdiri, etibarnaməsiz işlərə çıxan, keçmiş hakim, hazırkı vəkil Kamal Əliyevin qeyri-prosessual sifarişi ilə qərar vermir. Konstitusiya Məhkəməsinin məhkəmə təminatı hüququna qeyri-prosessual qadağaya qiyməti ilə hüquq qüvvəyə minər...
Məğrur Bədəlsoy - "DİA-AZ"
