“Xəzər Dəniz Gəmiçiliyi” QSC-nin sədri Rauf Vəliyev zaman-zaman mətbuatın hədəfinə gəlsə də iş prinsipində dəyişiklik etmək fikrində olmadığını israrla nümayiş etdirir. Rəhbərlik etdiyi qurumu rüşvət və korrupsiya yuvasına çevirən QSC sədri heç nəyə və heç kimə məhəl qoymadan oxşar davranışlarını bu gün də davam etdirməkdədir. Mətbuatda yazılanlara biganə münasibəti ilə seçilən Rauf Vəliyevin son vaxtlar ciddi narahatçılıq keçirdiyi haqda məlumatlar dolaşır. Məlumatlarda o da qeyd olunur ki, neçə illərdir “Xəzər Dəniz Gəmiçiliyi” QSC kimi iqtisadi baxımdan çox gəlirli sahəyə rəhbərlik edən Rauf Vəliyevin korrupsiya şəbəkəsi yaradaraq mənimsədiyi pullar yuxarı dairələrin də diqqətindən yayınmayıb. Hətta bununla bağlı ona ciddi iradların bildirildiyi də iddia olunur. Bütün bunlara baxmayaraq QSC sədri hələ ki, postunda oturmaqda davam edir.
Gəmilərdən və tankerlərdən qazanılan aylıq vəsaitlər yüz minlərlə ölçülür...
Tia.az-ın məlumatına görə R.Vəliyevin hər ay nəzarətindəki gəmilərdən 20-30 min manat civarında gəliri var. Bu mənfəət qeyri-rəsmi qazancdır və nə qurumun fonduna, nə dövlət büdcəsinə, nə vergiyə çatır. R.Vəliyev aylıq gəlirindən nə deklorasiya verir, nə vergi ödənişi edir.
Onun gəmi biznesində müavinlərinin də xüsusi və müstəsna rolunu qeyd etmək lazımdır. Əslində müavinlər onlara çatacaq “paket”lə kifayətlənərək susurlar. Gəlirin böyük faizi məhz Rauf Vəliyevə çatır. “Yuxarılar”la anlaşmağın zəruri olduğunu müavinlərin diqqətinə çatdıran QSC sədri məharətlə çirkli pulların böyük bir qisminə nəzarəti həyata keçirir.
В«Azərbaycan Xəzər Dəniz GəmiçiliyiВ»nin tərkibinə nəqliyyat donanması ilə yanaşı, ixtisaslaşdırılmış donanma və gəmi təmiri zavodlarının da daxil olduğunu deyən məlumatlı şəxs qeyd edir ki, nəqliyyat donanmasının tərkibində 98 gəmi, o cümlədən 34 tanker, 13 gəmi-bərə, 14 universal quru yük gəmisi, 2 Ro-Ro tipli gəmi, eləcə də 35 texniki, təchizat və xidməti-köməkçi gəmi mövcuddur: В«İxtisaslaşdırılmış donanma isə 188 gəmidən, o cümlədən 21 kran, 22 təchizat-yedək, 29 sərnişin, 2 borudüzən, 11 dalğıc, 7 yanğınsöndürən, 5 mühəndis-geoloji, 7 liman-yedək gəmisindən və 84 xidməti və köməkçi gəmidən ibarətdir. Nəzərinizə çatdırım ki, bu cür QSC-nin rəhbər postlarında çalışan şəxslərin əksəriyyəti В«Azərbaycan Xəzər Dəniz GəmiçiliyiВ»nin sədri Rauf Vəliyevin yaxın adamlarıdır.
Gəmilərin və tankerlərin təmiri adı altında milyonlarla vəsaitin mənimsənildiyi barədə daxil olan informasiyalar isə daha ciddi qanun pozuntularından və korrupsiyadan xəbər verir. Əldə etdiyimiz məlumatlara görə mənimsənilən milyonların qarşılığında gəmi və tankerlərə texniki xidmət demək olar ki, həyata keçirilmir. Məhz buna görə də, tez-tez Xəzər Dəniz Gəmiçiliyinə aid gəmi və tankerlərdə texniki nasazlıqlar baş verir. Bu haqda gələn yazılarımızda daxil olan məlumatlar əsasında başqa bir məqaləmiz işıq üzü görəcək.
Xəzərin dalğalarında Panamaya qədər gedib çıxan Rauf Vəliyev
Daha bir məlumat isə Rauf Vəliyevin topladığı çirkli pulların ofşor zonalara transfer edilməsi ilə bağlıdır. Beynəlxalq Araşdırmaçı Jurnalistlər Konsorsiumunun dərc etdiyi siyahıda Rauf Vəliyevin adının çəkilməsi heç də təsadüfi deyil.
Qeyd olunur ki, Bakı şəhəri, Bəşir Nuriyev 77 ünvanında qeydiyyatda olan R.Vəliyev 16 noyabr 2000-ci ildə İsveçrənin Cenevrə şəhərində Braxon Group S.A şirkətini yaradan dörd şəxsdən biri olub.(vizual)Daha sonra şirkət Britaniya Virgin adalarında fəaliyyətini davam etdirib. Şirkətin son 16 ildə hansı əməliyyatlar keçirməsi və dövriyyəsi barədə gələcək araşdırmalarımızda məlumat verməyə çalışacağıq. .
Qeyd edək ki, Rauf Vəliyev "Xəzər Dəniz Gəmiçiliyi" QSC-nin sədri təyin olunmazdan əvvəl uzun müddət SOCAR-da çalışıb. O, sonuncu təyinata qədər SOCAR-ın Nəqliyyat İdarəsinin rəisi olub.
R.Vəliyevin 2000-ci ildə Braxon Group S.A şirkətini yaradan zaman bu qurumda çalışması və birdən-birə belə yüksək vəzifəyə təyinatı onun SOCAR şefi Rövnəq Abdullayevlə yaxın münasibətləri olduğundan xəbər verir.
Ümumiyyətlə oliqarxa çevrilən Rauf Vəliyevin topladığı pulların xaricdə müəyyən işlərə yatırması barədə məlumatlar da diqqət çəkir. Elə Azərbaycanda da lüks həyat keçirən Rauf Vəliyevin sərhədlərimizdən kənara meyl etməsi düşündürücü faktordur.
Rüşvət yuvasına çevrilən QSC
Ölkə mətbuatında Xəzər Dəniz Gəmiçiliyində hökm sürən neqativ hallar barədə yetərincə məlumatlar getsə də Rauf Vəliyev susmağa üstünlük verir. Məsələn, Sumqayıt şəhəri, 41-ci məhəllə, ev 1a, mənzil 40-da yaşayan Fariz Həsənov prezident İlham Əliyevə və xanımı Mehriba Əliyevaya ünvanladığı müraciətdə Rauf Vəliyevin qəbulunda olmağına baxmayaraq, ondan işə düzəlmək üçün 5 min manat pul istənildiyi barədə ittiham irəli sürür. Təbii ki, bu məsələ ictimailəşəndən sonra Rauf Vəliyevin də bundan xəbərdar olmaması inandırıcı görünmür. Rüşvət hallarl tək bunula yekunlaşmır. QSC-nin daxilində rüşvət hallarının kifayət qaədər çox olması artıq, kollektivi də hərəkətə gətirib. Redaksiyamıza müraciət edən QSC əməkdaşları adlarını anonim saxlamaqla baş verənlərin ictimailəşməsinə yardımçı olacaqlarını bildirirlər.
QSC-də neqativ hallar və qanunsuzluqlar o həddə çatıb ki, Rauf Vəliyev ağlasığmaz qərarlar verməkdən belə çəkinmir.
Məlumatlı mənbədən verilən informasiyada bildirilir ki, "Azərbaycan Xəzər Dəniz Gəmiçiliyi" QSC-nin rəhbəri Rauf Vəliyev daxili bir qərar imzalayıb. Qərara görə, "Azərbaycan Xəzər Dəniz Gəmiçiliyi"nə müraciət edən bütün Qarabağ şəhidi ailələri, Milli Qəhrəman ailələri, Qarabağ əlilləri, bir sözlə, 1-ci Qarabağ savaşında özü və yaxınları iştirak etmiş bütün şəxslərə istənilən bir mövzuda rədd cavabı verilməlidir.
Xəbəri verən mənbə bildirir ki, Rauf Vəliyevin göstərişinə əsasən sözügedən kateqoriyadan olan vətəndaşların qurumun qapısından qovulması net şəkildə ifadə olunub.
Rauf Vəliyevin arxasında dayanan qüvvələr kimlərdir?
Yuxarıda qeyd etdiyimiz kimi Rauf Vəliyevin SOCAR prezidenti Rövnəq Abdullayevə güvəndiyi barədə iddialar mövcuddur. İddia olunur ki, dəfələrlə yuxarıların qəzəbinə tuş gələn Rauf Vəliyevi məhz Rövnəq Abdullayev son anda xilas edə bilib və yuxarıları inandıra bilib ki, onu kadrı “sədaqətli və təmizdir”.
Bu arada, В«Azərbaycan Xəzər Dəniz GəmiçiliyiВ»nin sədrinin əslən Cəbrayıl rayonunun Çərəkən kəndindən olduğunu deyən mənbə qeyd edir ki, Rauf Vəliyev himayəsində olduğu şəxsin – Dövlət Neft Şirkətinin (ARDNŞ) vitse-prezidenti Mikayıl İsmayılovun dəstəyi ilə uzun müddət ARDNŞ-də mühüm postlarda təmsil olunub: В«Belə ki, o, 2006-2007-ci illərdə Dövlət Neft Şirkətinin aparatında Donanma ilə iş üzrə şöbə rəisi, 2007-2013-cü illərdə ARDNŞ-nin baş ofisində Nəqliyyat İdarəsinin rəisi vəzifələrində çalışıb. Deyilənlərə görə, Mikayıl İsmayılovun adamı kimi xarakterizə olunan Rauf Vəliyevin В«Azərbaycan Xəzər Dəniz GəmiçiliyiВ»nin sədri vəzifəsinə gətirilməsində də Dövlət Neft Şirkətinin vitse-prezidentinin müstəsna xidmətləri olub.
Məqalədə adıçəkilən şəxsləri mövqeyini dinləməyə və dərc etməyə hazırıq.
Ardı var…
