Qazax Rayon Mərkəzi Xəstəxanasının doğuş şöbəsində baş tibb bacısı kimi fəaliyyət göstərən Mustafayeva Rəna Süleyman qızının davranışları tibb bacılarının etirazına səbəb olub.

Bu günlərdə Qazax RMX-nın doğuş şöbəsinin bir qrup işçisi baş tibb bacısı ilə üz-üzə gəliblər. Tibb ocağındakı acınacaqlı vəziyyət kənara qalsın, tibbi personalın iddiasına görə baş tibb bacısı Rəna Mustafayevanın adi davranış qaydalarına məhəl qoymaması söz-söhbətləri yaradan başlıca məsələdir. Onların etirazına səbəb Rəna Mustafayevanın işçiləri təhqir etməsidir

Etiraz edənlər deyir ki, onları söydüyü azmış kimi xəstələrlə münasibətlərini də pozur. Belə ki, xəstəxanaya ayrılan dərman preparatları ilə şöbəni təmin etmədiyindən xəstələr dərmanları özləri alır ki, bu da sonda dava-dalaşa səbəb olur.

XALQ-a daxil olan məlumatına görə, Qazax Rayon Mərkəzi Xəstəxanasının insan resursları şöbəsinin rəhbəri Rövşən Yusifov yeni təyin olunan direktor Afiq Fərruxovu ləkələməkdə davam edir.

Şikayətçilər Səhiyyə Nazirliyindən və TƏBİB-dən xəstəxanaya xususi komissiya göndərilməsini xahiş edirlər.

Müxtəlif media orqanlarında bu mövzuda silsilə yazılara rast gəlinir. Bu yazılarda birmənalı olaraq, Qazax Rayon Mərkəzi Xəstəxanasının doğuş şöbəsində baş tibb bacısı kimi fəaliyyət göstərən Mustafayeva Rəna Süleyman qızının adı hallanır və qeyd olunur ki, onun diplomu “saxtadır”.

Bu qalmaqallardan sonra, Rəna Mustafayeva ərizə yazır ki, baş tibb bacısı vəzifəsindən çıxsın və adi bir işlə təmin olunsun. Amma bu oyunu quran Rövşən güya ki, onun ərizəsini alır. Sonradan necə olursa Rəna ərizəni Rövşənin əlindən alır və qaytarmır. Növbəti iş günü doğuş şöbəsində baş tibb bacısı vəzifəsi təhvil-təslim edilsin deyiləndə, Rəna bu işindən çıxmayacağını bəyan edir. Sonra baş direktorun kabinetinə gedir ki, mən işimdə qalıram. Maraqlıdır, bura şəxsi mağazadır ki, hər kəs öz istədiyini etsin?

Elə bu səbəbdən işçilər Səhiyyə Nazirliyinin qaynar xəttinə zəng vurub xəstəxanada yoxlama aparılmasını tələb ediblər.

Xatırladaq ki, Rəna Mustafayeva 2004-dən 2014-cü ilə qədər Qazax RMX-nın Doğum Şöbəsində xadimə kimi, 2014-cü ildən hal-hazıra qədər baş tibb bacısı kimi çalışır. O, 2005-ci ildə Odlar Yurdu Universitetinin Qazax filialından (işlədiyi müddətdə) diplom alıb. Rəna Mustafayeva işlədiyi müddətdə necə diplom aldı? Bu sualla bağlı araşdırmamızda ortaya çıxdı ki, R.Mustafayeva 2023-cü ildə Gəncə tibb kollecində 24 günlük mama kursu keçib və 24 günlük kursda aldığı sertifikat əsasında doğum şöbəsində Baş Tibb bacısı necə təyin edilib.

Mənbənin iddiasına görə R.Mustafayevanın Odlar Yurdunun Qazax filialından aldığı diplom o zamanlar Təhsil Nazirliyində çalışan Samir Vəliyev vasitəsi ilə tanıtdırılıb.

Hər bir saxta diplomun arxasında cinayət əməli, dövlətdən mənimsənilmiş xeyli miqdarda vəsait və digər məsələlər dayanır. Ona görə də saxta diplom məsələsinə barmaqarası yanaşmaq olmaz. Bəs saxta diplomu olan və həmin şəxsləri işə götürənlərlə bağlı hansısa cinayət işi açıla bilərmi? Vəzifəli şəxs bilərəkdən saxta diplomu olanı işə götürərsə, məsuliyyətə cəlb oluna bilər. Bəhs etdiyimiz proses isə Qazax Rayon Mərkəzi Xəstəxanasın kadrlar məsələsindən məsul şəxsi, insan resursları şöbəsinin rəhbəri Yusifov Rövşən tərəfindən idarə olunub…

İşçi ərizəsində işdənçıxma tarixi qeyd etmədiyi halda proses necə tənzimlənir?
İşçi ərizədə işdənçıxma tarixini qeyd etmədikdə, proses Əmək Məcəlləsinin 69-cu maddəsinin beşinci hissəsi ilə tənzimlənir. Həmin maddəyə əsasən, işçi ərizəsində əmək münasibətlərini dayandırmaq istədiyi günü göstərməyibsə, xəbərdarlıq müddəti bitənədək bu maddə ilə müəyyən edilmiş əsasla əmək müqaviləsinin ləğv edilməsinə yol verilmir.

Mİsal. İşçi 1 mart tarixdə işdən çıxmaq haqqında ərizə yazıb, amma ərizədə işdənçıxma tarixini qeyd etməyib. Artıq bu halda işçinin işdən azad olunması Əmək Məcəlləsinin tələbləri nəzərə alınmaqla həyata keçirilir. Yəni işəgötürən işçinin əmək müqaviləsinə 1 aydan tez (misal üçün, 17 mart tarixdə) xitam verdiyi halda, əmək qanunvericiliyinin tələblərini pozmuş olur. Ərizəsində işdənçıxma tarixini qeyd etməyən işçinin əmək müqaviləsinə 17 mart tarixində xitam verildiyi halda onun məhkəməyə müraciət edərək işinə bərpa olunması mümkündür.

Qanunlarımız sivil cəmiyyət üçün oldğu halda, davranışımız orta əsrə aiddir. bu halda qanunun icrası çətinləşir, çünki, qanunu öyrənməyən vətəndaş, yazılmamış qanunu icra etdirmək istəyir. Bu xəmir hələ çox su aparacaq. Əsas şüurun qanunauyğunluğa adaptasiyasına nail olub davranışı dəyişə bilməkdir. Bunun ən yaxşı yollarından biri iqtisadi amildir, digəri isə mədəniyyət