"Yaxşı olar ki, 6 ildə qalxmayan əmək haqqını qaldırsınlar, iş yerində ağalığı etməsinlər... bir qalstuk taxıb neftçiləri qul yerinə qoymasınlar, iş yerində işçiləri üçün şərait düzəltsinlər, adını "Neftçilər bayramı" qoyub, bayram puludur... 500 manat deyib sonra onu avans kimi qeydə alıb, yenidən tutub ciblərinə qoymasınlar..." "DİA-AZ" xəbər verir ki, bu sözlər bir qrup neftçi adından SOCAR şefi Rövşən Nəcəfə ünvanlanmış müraciətdə yer alıb.
Müraciətdə daha sonra deyilir: "Bunlar olarsa, bizə anonim və yaxud da açıq yazmaq lazım deyil. Bunlar ki göz qabağındadı, bayram pulunu açıq-aşkar verib aldılar. Yeni Neftçilər bu 1 ildə 500 manata layiq deyildilər?
6 ildi əmək haqqı qalxmır... ildə bir dəfə verdiyiniz 500 manatı da maaş olaraq vurub güclü pul tutursunuz... Bu günə qədər siz Neftçilər bayramında avans vermişdiniz? Bu bayram pulu idi... sadəcə adı dəyişildi, fəhlə sizdən normal dolanmaq üçün maaş istəyir... Necə olur az xeyir verən idarə və sexlərdə hər il maaş qalxır, bu bahalıqda neft kimi sərvəti min zəhmətlə çıxaranlara 6 ildir eyni maaş verilir... Bunu Allah götürməz axı..."
