Aparılan araşdırmalar nəticəsində belə məlum olub ki, son illər ölkəmizdə ürək-damar sistemi xəstəlikləri geniş vüsət alıb. Hətta bəzi məlumatlarda bu tip xəstəliklərin cavanlaşdığı da iddia olunur. Belə ki, bir çox ekspertlər bu qənaətdədirlər ki, ürək-damar sistemi xəstəlikləri arasında qan təzyiqinin qalxması ilə müşahidə edilən hipertoniya xəstəliyi hazırda daha çox müşahidə olunur. Bildirilir ki, əgər bir neçə il öncəyə kimi qan təzyiqinin yüksəlməsi daha çox yaşlı nəslin nümayəndələrində özünü biruzə verirdisə, indi artıq bu xəstəlik yeniyetmələr və cavanlarda da müşahidə olunmağa başlayıb. Göründüyü kimi, bu gün ölkəmizdə sözügedən sahədə vəziyyət kifayət qədər ciddi, təlaşlıdır. Lakin buna baxmayaraq, hələ bə bəzi tibb ocaqları üzərinə düşən vəzifələri lazımi səviyyədə icra etmirlər. Bu cür tibb müəssisələrindən biri də Bakı şəhəri, Fətəlixan Xoyski küçəsi 101 ünvanında yerləşən və Adil Baxşəliyevin direktoru olduğu C.Abdullayev adına Elmi-Tədqiqat Kardiologiya İnstitutudur. Mövzu ilə bağlı əldə etdiyimiz bilgilərə keçməzdən öncə, adıçəkilən tibb ocağının rəhbəri Adil Baxşəliyev barəsində qısa məlumat vermək istərdik. Beləliklə, əslən Bərdə rayonundan olan, 1975-ci ildə Azərbaycan Tibb İnstitutunun müalicə-profilaktika fakültəsini bitirən Adil Baxşəliyev 1976-cı ildən Ə.Əliyev adına Azərbaycan Dövlət Həkimləri Təkmilləşdırmə İnstitutunun I terapiya kafedrasında böyük laborant vəzifəsində çalışmağa başlayıb. 1977-1978-ci illərdə adıçəkilən institutunun elmi-tədqiqat laboratoriyasında kiçik elmi işçi vəzifəsində işləyib. 1978-1981-ci illərdə Moskva şəhərində Ümumittifaq Elmi Kardioloji mərkəzində aspiranturada təhsil alıb və 1981-ci ildə namizədlik dissertasiyasını müdafiyə edib. 1981-ci ildən Ə.Əliyev adına Azərbaycan Dövlət Həkimləri Təkmilləşdırmə İnstitutunun I terapiya kafedrasında assistent vəzifəsində çalışıb. 1984-1985-ci illərə qədər Elmi-Tədqiqat Kardiologiya İnstitutunun В«Arterial hipertoniyaВ» şöbəsinin müdiri vəzifəsində işləyib. 1985-1990-cı illərdə Moskva şəhərində N.Piroqov adına 2-ci Moskva Dövlət Tibb İnstitutunun doktoranturasında calışıb və 1990-cı ildə doktorluq dissertasiyasını müdafiə edib. 1990-1991-ci illərdə konkursdan keçməklə Azərbaycan Tibb İnstitutunun müalicə-profilaktika fakültəsinin В«daxili xəstəliklər 1В» kafedrasının müdiri vəzifəsinə təyin olunub və 1992-ci ildən bu günə kimi В«klinik farmakologiyaВ» kafedrasının müdiri vəzifəsində çalışır. 1998-ci ildən etibarən C.Abdullayev adına Elmi-Tədqiqat Kardiologiya İnstitutunda direktor vəzifəsində işləyir. Beləliklə, Adil Baxşəliyevin nə az, nə çox düz 18 ildir ki, Elmi-Tədqiqat Kardiologiya İnstitutuna rəhbərlik etdiyini qeyd edən məlumatlı şəxsin Gundelik-Baku.com-la paylaşdığı informasiyada deyilir ki, o, adıçəkilən tibb müəssisəsini özünün şəxsi mülki kimi istifadə edir: В«Deyilənlərə görə, dövlət tərəfindən ayrılan vəsaitlər C.Abdullayev adına Elmi-Tədqiqat Kardiologiya İnstitutunda təyinatı üzrə xərclənmir. Çünki səhiyyə ocağının elə ilk görünüşü bunu deməyə əsas verir. Bundan başqa, xəstəxanada heç bir müasir tibbi avadanlıq yoxdur. Ürək-damar sistemi xəstəliklərindən əziyyət çəkən və elə də imkanı olmayan vətəndaşlar sözügedən səhiyyə ocağını pənah tutub getsələr də, qarşılaşdıqları mənzərə heç də ürəkaçan olmur. Çünki pulu olmayan xəstə burada heç bir müayinədən keçə bilmir. Halbuki C.Abdullayev adına Elmi-Tədqiqat Kardiologiya İnstitutu dövlət xəstəxanasıdır və orada vətəndaşlara göstərilən xidmət pulsuz olmalıdır. Lakin çox təəssüflər olsun ki, bu hal yalnız sözdə deyilir. Göstərilən xidmət və mövcud durum başqa cürdürВ». Bu arada, artıq çağırışçıların Səfərbərlik və Hərbi Xidmətə Çağırış üzrə Dövlət Xidmətinin (SHXÇDX) yerli şöbələrinə gedib müvafiq prosesdurları keçmək üçün hazırlıq gördüklərini vurğulayan mənbənin sözlərinə görə, В«neqodnıyВ» hərbi bilet almaq arzusunda olanlar bu məqsədlə Elmi-Tədqiqat Kardiologiya İnstitutuna üz tuturlar: В«Şübhəsiz, bu dövrdə cəmiyyətin diqqəti məhz çağırış sisteminə yönəlib. Etiraf etmək lazımdır ki, son illər həqiqi hərbi xidmətə çağırış sisteminin təkmilləşdirilməsi istiqamətində bəzi müsbət işlər görülüb. Lakin buna baxmayaraq, sözügedən sahədə mövcud olan problemlərin aradan qaldırılması üçün ötən illərdə əməli tədbirlər görülməyib. Onu da qeyd etmək gərəkdir ki, Azərbaycan müstəqillik əldə etdikdən sonra ordu sıralarına çağırışdan müxtəlif yollarla yayınma, hərbi xidmətə çağırışdan qanunsuz möhlətvermə halları müşahidə edilib. Bu zaman səhiyyə işçilərinin В«xidmətВ»lərindən daha çox istifadə olunur. Misal kimi, Adil Baxşəliyevin direktoru olduğu C.Abdullayev adına Elmi-Tədqiqat Kardiologiya İnstitutunu göstərmək olar. Belə ki, deyilənlərə görə, bu və ya digər çağırışçı sağ-salamat, yəni səhhətində problem olmadığı halda, həkim komissiyasından keçərkən В«təşəkkürВ» etməklə В«neqodnıyВ» olduğunu təsdiq edən sənəd əldə edir. Əksər hallarda elə də olur ki, həqiqətən də həqiqi hərbi xidmətə yararsız çağırışçı xəstəliyini sübuta yetirmək üçün məcbur edilir ki, həkimlərə В«hörmətВ» etsin. Bildirilir ki, hazırda Elmi-Tədqiqat Kardiologiya İnstitutunda məhz bu cür hallar müşahidə olunmaqdadırВ». Yeri gəlmişkən, nəzərinizə çatdıraq ki, Adil Baxşəliyevin Elmi-Tədqiqat Kardiologiya İnstitutuna rəhbərlik etmək üçün yaşının keçdiyini, yəni onun təqaüd vaxtının çatdığını bildirən məlumatlı şəxsin iddiasına görə, səhiyyə nazirinin müavinləri Abbas Vəlibəyov və Nigar Əliyevanın himayəsinə arxalanan direktor adıçəkilən tibb müəssisəsinin kollektivinə В«Mən hələ uzun müddət buranın rəhbəri kimi öz postumda qalacamВ» deyib: В«Deyilənlərə görə, Adil Baxşəliyevin bu qədər arxayın olmasının əsas səbəbi onun məhz səhiyyə nazirinin müavinləri Abbas Vəlibəyov və Nigar Əliyeva tərəfindən ciddi şəkildə müdafiə olunması, onların himayəsində olmasıdır. Məhz buna görə də o, təqaüd yaşı çatmasına baxmayaraq, hələ də C.Abdullayev adına Elmi-Tədqiqat Kardiologiya İnstitutunun direktoru postunu təhvil vermək fikrində deyilВ». Mövzu ilə əlaqədar qarşı tərəfin də mövqeyini işıqlandırmağa hazırıq.
