Çoxsaylı oxucularımızın diqqətinə onu çatdırmaq istəyirik ki, təqribən üç-dörd gün bundan öncə Gundemxeber.az saytında, Gəncə şəhərində 37-ci ilin repressiya qurbanlarından biri olan İbrahim Abdulla oğlu Eminbəylinin adını daşıyan parkda qol qoyulan olmazın hoqqalarla bağlı tənqidi açıqlama dərc etmişdik.
Yazıb onu qeyd etmişdik ki, bu gün gəncəlilər Eminbəylinin adını daşıyan parkı, vaxtilə inşa olunmuş və hal-hazırda da fəaliyyət göstərən “İzmir kababxanası”nın adı ilə daha yaxşı tanıyırlar. Parkın dörd tərəfində ayrı-ayrı şəxslərə məxsus obyektlər fəaliyyət göstərir ki, onlardan biri də Gəncə şəhər İcra Hakimiyyəti başçısının birinci müavini Elnur Rzayevə məxsus "AL market"dir. Bundan əlavə, "AL market"lə üzbəüz ərazidə bu şəxsə məxsus bir çox obyeklər də fəaliyyət göstərməkdədir. Adı çəkilən vəzifə sahibinə məxsus olan və xarici dil hazırlıq kurslarında dərs keçmək məqsədilə inşa olunmuş obyekt isə, yolun mühafizə zolağında inşa olunub. Bu da istər piyadaların, istərsə də nəqliyyat vasitələrinin hərəkəti zamanı çoxsaylı problemlərin əmələ gəlməsinə səbəb olmaqdadır.
Bu günlərdə isə, əməkdaşımız Gəncə şəhər İcra Hakimiyyəti başçısının 1-ci müavini Elnur Rzayevlə bağlı daxil olmuş başqa bir məsələni araşdırmağa çalışarkən, o, olduqca maraqlı və hər kəsi şoka sala biləcək situasiya ilə üz-üzə qalır. Yəni, məsələnin maraqlı və təəccüb doğuran tərəfi o olur ki, əməkdaşımız İcra Hakimiyyəti başçısının ictimai-siyasi və humanitar məsələlər şöbəsinin müdirinin müavini Həsən Məmmədovla əlaqə saxlayıb, ondan məsələlərə münasibət bildirməsini xahiş etdikdə, həmin vaxt o, tarixin canlı salnaməsinin üzərindən keçərək qarşı tərəfin maraqlarının qorunması yöndə çıxış edir. Hələ bu azmış kimi o, Elnur Rzayevi dövlətin rəmzi adlandırmaqdan da çəkilnmir. O halda ortaya belə bir sual çıxır ki, Azərbaycan Respublikasının ikinci böyük şəhərində şöbə müdirinin müavini vəzifəsini daşıyan Həsən Məmmədovun, dövlətimizin rəmzləri haqqında elementar təsəvvürə malik olmamasına səbəb nədir? Axı, adı çəkilən bu şəxsin daşıdığı vəzifə heç də sıradan bir vəzifə deyil. Çünki, Həsən Məmmədov ŞİH Aparatının aparıcı şöbəsində çalışdığından, o, ən azından bilməlidir ki, Azərbaycan Respublikası Konstitusiyasının 23-cü maddəsində qeyd olunub ki, “Azərbaycan Respublikasının dövlət rəmzləri Azərbaycan Respublikasının Dövlət bayrağı, Azərbaycan Respublikasının Dövlət gerbi və Azərbaycan Respublikasının Dövlət himnidir. Azərbaycan Respublikasının Dövlət bayrağı, gerbi və himni, həm də Azərbaycan dövlətinin müstəqilliyinin rəmzidir”. Bu belə olduğu halda sual oluna bilər ki, görəsən Həsən Məmmədov belə bir “ixtira”sını nəyə və hansı mənbəyə əsaslanaraq açıqlayır və nə vaxtdan dövlət qurumunda çalışan məmur dövlətin rəmzi hesab olunur?
Bundan əlavə, əməkdaşımız Gəncə şəhəri Kəpəz rayon İcra Hakimiyyətinin başçısı Eldəniz Xudiyevlə bağlı olayı da araşdırmağa çalışarkən, o, hər kəsi şoka sala biləcək başqa bir mənzərə ilə də üz-üzə qalır. Yəni, məsələnin maraqlı və təəccüb doğuran tərəfi o olur ki, Həsən Məmmədov bu məsələdə də qarşı tərəfin maraqlarının qorunması yöndə çıxış edir. Belə ki, Gəncə sakini Əliyeva Nəsibə Musa qızı yazılı ərizə ilə Gundemxeber.az saytının əməkdaşına müraciət edib, illər öncədən üz-üzə qaldığı problemin ictimailəşdirilməsini ondan xahiş edir. O, yazmış olduğu müraciətində vaxtilə Kəpəz rayonu ərazisində inşa etdirdikləri, amma sonradan iki dəfə tikilib sökülmüş tikintinin yenidən əlavə olaraq sənədləşməsi üçün 5 (beş) min manat rüşvət verdiklərini, bu gün isə həmin pulu geri ala bilmədiklərinin vurğulayır. Elə ki, əməkdaşımız məsələ ilə bağlı Gəncə şəhər İcra Hakimiyyəti başçısının ictimai-siyasi və humanitar məsələlər şöbəsinin müdir müavini Həsən Məmmədovla bir daha əlaqə saxlayır və ondan problemlərin varlığına aydınlıq gətirməsini xahiş edir, o halda qarşı tərəf əməkdaşımızı şər-böhtan yazmaqda ittiham etməkdən də çəkinmir. Hətta o, bir qədər “sərhəd”di keçərək “sən kimin sifarişi əsasında məqalə hazırlayırsan və niyə də hazırlamalısan” deyə ona bir neçə sual da verir. Belə bir yanaşmanın varlığı onu sübut edir ki, adı çəkilən vəzifə sahibinin KİV haqqında Qanunun tələblərindən də xəbəri yoxdur. Yəni, bu şəxsin həmin Qanundan xəbəri olsaydı, o halda o, əməkdaşımıza belə bir sualı heç bir halda ünvanlamazdı. Onu da unutmaq olmaz ki, Həsən Məmmədovun Gundem xeber.az saytının xanım əməkdaşı Mehriban Əzizqızına qarşı kobud davranışı, heç də sonuncu hal deyil. Bu özbaşınalıqlarla bağlı yazı, hətta xanım jurnalistin ölkə başçısına müraciəti belə olmuşdu. Yəni əldə etdiyimiz məlumatlara görə, adı çəkilən vəzifə sahibinin xanım əməkdaşa qarşı gərgilədiyi münasibət sabiq icra başçısı zamanında necə idisə, bu gün də oxşar qaydada davam etməkdədir. Görünür ölkə başçısının tövsiyyə və iradlarını Gəncə şəhərinin bəzi məmurları, əsasəndə Həsən Məmmədov saya salmayaraq, o dövlətin deyil, bəzi ona xeyri dəyən məmurların mövqeyini açıq aşkar qoruyaraq saya salmır. Əgər saya salınsaydı, o halda xanım əməkdaşımız müəyyən mənada təhdid olunmazdı. Məsələ ilə bağlı əməkdaşımız Gəncə şəhər İcra Hakimiyyəti başçısının köməkçisinə müraciət edib, bir daha belə bir halların təkrarlanmaması üçün Niyazi Bayramovla görüşmək istəsə də, ona “İcra başçısı xarici qonaqlarladır, vaxtı yoxdur, sizi qəbul edə bilməyəcək” deyə cavab verilir. Belə çıxır kı, yenə də Gəncədə “köhnə hamam, köhnə tasdır. Məsələ ilə bağlı əməkdaşımızın fikrini dinlədik, o halda o, bildirdi ki, “Gəncədə baş verən məlum hadisələrdən sonra, yenə bəzi məmurlar vətəndaşlara qarşı haqsız, kobud davranmaqda davam edirlər. Məmurlar anlamırlar ki, məmur vətəndaşa qarşı haqsızlıq edərək sayqısız davranırsa , vətəndaş qarşısına “Çin səddi” çəkən məmurdan deyil, dövlətdən , Prezidentindən narazı qalır. Görünür məmurlar şəxsi maraqlarını dövlətin maraqlarından üstün tuturlar. Bizim , yəni "Gündəm xəbər"in apardığı mübarizə, məhz bu qəbildən olan məmurlara qarşı yönəlik mübarizədir.
Ulu Öndərin jurnalistlər haqqında dediklərini bir daha yada salaq. Bəli, bu gün jurnalistin əsas vəzifəsi ölkə başçısının yerlərdə görə bilmədiklərini ona səlis, olduğu kimi çatdırmaqdır. Bu belə olduğu halda icra hakimiyyəti rəsmisinin həqiqəti görməməsi, həqiqətə istehza ilə yanaşması yolverilməz haldır. Gəncə ŞİH Aparatı əməkdaşının belə bir cavabları, belə bir davranışı və yanaşmasının varlığı, daha çox isə məmuru dövlətimizin rəmzi adlandırması, birbaşa hər kəsi təəccüb edən halların varlığından xəbər verir. Əslində belə bir vəzifə sahibləri həm daşıdıqları vəzifələrinin mahiyyəti, həm də ümumi dövlətimizə aid olan terminlər, bəzi açıqlamalar və s. haqda müəyyən bilgilərə malik olmalıdırlar. Belə bir bilgilərdən xəbərsiz olan istənilən vəzifə sahibinin bu kimi danışıqları onların ümumi savadının səviyyəsini ortaya qoymuş olur. Odur ki, ...
Mövzu diqqətimizdədir.
GundemXeber.Az
