Astara rayonu Şahağacı kənd sakini Əhədov Ceyhun Ağadadaş oğlu Penitensiar Xidmətin 2 saylı Cəzaçəkmə müəsisəsindən redaksiyamıza müraciət ünvanlayıb. O, başına gələnlərin ölkə ictimaiətinə çatdırılmasını xahiş edib. Əhədov Ceyhun Moskva Dövlət Universitetinin məzunu olduğunu, həmçinin ailəli və üç uşaq atası olduğunu da qeyd edib. 2013-cü ildən Astara rayon Şahağacı Bələdiyyəsində və Kənd ərazi İcra Nümayəndəliyində baş verən qanunsuzluqlara göz yummadığına, kənd sakinlərinin müdafiəsinə qalxdığına görə Şahağacı Bələdiyyəsinin sədri Ərəbova Tərifə Saadət qızı tərəfindən şərləndiyini deyən Əhədov Ceyhun 200 nəfərdən artıq kənd sakininin bunu təsdiq edəcəyini də bildirib.
Ərəbovlar astaralıları bankdan necə asılı edib?
Başına gələn hadisənin səbəblərini yazan Əhədov Ceyhunun məktubunu ixtisarla oxucularımızın diqqətinə çatdırırıq: “Bələdiyyə sədri Tərifə Ərəbovanın əri Ərəbov Rauf Astara Rayon Əmək və Əhalinin Sosial müdafiə mərkəzində sektor müdiri işləyirdi. Rayon sakinlərindən, xüsusilə, Şahağacı kənd camaatının adına rayon ərazisindəki müxtəlif banklardan kreditlər götürmüş, sonra onlara sosial yardım düzəltməyə soz verib. Bir neçə nəfərə 6 ayını özü götürməklə sosial yardım təyin etdirib, qalanlara isə bildirib ki, alınmır, sakit durmayacağınız halda adınıza olan krediti ödəməyəcəm, məcbur qalıb özünüzə ödətdirəcəklər. Buna görə kənd sakinləri susmağa məcbur olub. Bundan sonra mən 2013-cü ilin aprel ayına kimi kənd sakinlərinə könüllü yardım etməyə başladım. Yuxarı instansiyalara şikayətlər yazmaqla 14 nəfərə ünvanlı sosial yardım təyin olunmasına, 8 nəfər sosial yardım alan şəxsin bank kartlarının Rauf Ərəbovdan alınıb özlərinə qaytarılmasına nail oldum. Bundan əlavə 10 nəfərin göndərişlə müalicə olunmasına, 13 nəfərə pensiya təyin olunmasına vasitəçi oldum”.
Bələdiyyə sədri hiyləyə əl atıb
C. Əhədov bu hadisələrdən sonra Bələdiyyə sədrinin hiyləyə əl atdığını bildirib. Məktubunda qeyd edir ki, Tərifə ərəbova onu İcra nümayəndəliyinə çağırıb, onun bacarıqlı və savadlı olmasını bildirməklə ona komək etməsini istəyib. Əvvəlcə buna razılaşmaq istəməsə də kənd sakinlərinin xahişi ilə buna razılaşıb, həm də bələdiyyə sədrini yaxından tanımaq istəyib. Onunla işlədiyi müddətdə müxtəlif kənd sakinlərinin adına yeni kreditlər götürməklə köhnə kredit borclarını bağlamasını da Əhədov öz məktubunda qeyd edib. “Kənd sakinləri bu qadının əlindən bezib zinhara gəlmişdi. Kənd camaatı ilə kredit müqavilələri bağlananda mənim də orada olmağımı istəyirdilər ki, sonrası bir şey olsa mən şahid kimi ortada olum. Bu səbəbdən Tərifə Ərəbovanın dediyi şəxlərli o zaman icra nümayəndəliyində mühasib işləyən Vasif Bağırovla banka birlikdə getməyə məcbur oldum. Amma mənim heç bir əməliyatda iştirakım olmayıb. V. Bağırova isə 5-10 manat taksi pulu verilməsinin şahidi olmuşam. Mən dəfələrlə Tərifə Ərəbovaya bu barədə irad bildirdikdə mənə dedyib ki, öz işinlə məşğul ol, başda kredit şöbəsinin müdiri Vüqar Yusifov olmaqla bank işçiləri ilə razılığa gəlmişəm. 2015-ci il devalvasiyadan sonra banklar kredit verməyi dayandırdı. Banklar isə köhnə kreditləri ödəməyi tələb edirdi. Bu işlər də şahid olduğum üçün yenə kənd sakinlərini müdafiə etməyə başladım. Bundan sonra Tərifə Ərəbova özünə yaxın bildiyi bir-neçə nəfəri məndən şikayətçi olmağa razı salıb. 2015-ci ilin avqustunda iki nəfərin saxta ifadəsi əsasında məni həbs etdilər. Bundan sonra Tərifə Ərəbova sərbəstlik əldə eddi. O zaman Astara rayon polis şöbəsinin rəisi Səfərov və rayan prokuroru Saatovla bələdiyyə sədrinin isti münasibətləri vardı. Tərifə Ərəbovanın Prezident Admistrasiyasının şöbə müdiri işləyən Zeynal Nəğdəliyevə güvənməsini rayonun bütün vəzifə sahibləri bilirdi. Bu işlərə görə kənd sakinləri ayağa qalxıb avtomobil yolunu və dəmir yolunu bağlamaq istəyəndə Tərifə Ərəbova xalası əri Nağdəliyevin rayon rəhbərliyinə tapşırığından sonra toxunulmaz qaldı”,- deyə Ceyhun Əhədov bildirib.
Günahım olmadan 10 il 6 ay həbs verildi
2017-ci ilin aprelində məhkəmə Ceyhun Əhədovu 10 il 6 ay azadlıqdan mərhumetmə cəzasına məhkum edib. Bundan sonra bütün şikayətləri baxılmamış qalıb. Daha sonra bank müdiri Rövşən Quliyev, Vüqar Yusifov da həbs edilib. “Həbs olunanlarla istintaq təcridxanasında üzləşmə olarkən mənə bildirildi ki, bank əməkdaşlarının bu işdə cinayəti var, onlara cəza veriləcək mən isə azad olunacağam. Amma heç cəzamı yüngülləşdirmədilər də. Quliyev Rövşən, Yusifov Vüqar, Əliyev Elşən azadlıqdan mərhumetmə cəzasına məhkum olunsa da digər bank işçiləri hər birinə 5000 manat ödəməklə probasiya tətbiq edilib azadlıqda qaldı. Məhkəmədə şahidlərin ifadəsi nəzərə alınmadı. Bələdiyə sədri heç şahid qismində belə dindirilmədi. Tərifə Ərəbova bu işlərdə ona yaxından kömək etmiş Vasif Bağırovu 20 min manat rüşvətin müqabilində istintaqdan yayındıra bildi. Daha sonra isə qeyri qanuni yolla ölkədən Rusiya Federasiyasına qaçırmağa nail oldu”,- deyə məktubda qeyd edilib.
Sonda Ceyhun Əhədov media və sosial şəbəkələrdə bu müraciətin yayılmasını xahiş edib. İmkanı olan media nümayəndələrinin Astara rayonu Şahağacı kəndinə gedib, sakinlərlə görüşüb onları dinləmələrini istəyib. Şahağacı camaatının həqiqəti söyləyəcəklərinə əminliyini ifadə edib. //teref.az//
